1. Ana Sayfa
  2. Azərbaycan
  3. Qiymətli daş-qaşlarla müalicə olduğunu bilirsiniz?

Qiymətli daş-qaşlarla müalicə olduğunu bilirsiniz?

Son güncelleme: 15.07.2011 12:44
Sarsın Sarsın foto
  • noimageQədim dövrdən qiymətli daş-qaş bəşəriyyətə var-dövlət və bəzək əşyası kimi tanınmışdır. Qadınlarımız daş-qaşlardan çox müxtəlif bər-bəzək əşyaları düzəltdirmişlər. Belə olan halda onun digər xüsusiyyətləri diqqəti cəlb etməmişdir. Hələ qədim dövrlərin mütəfəkkirləri İbn Sina, Əbu Reyhan Biruni, Nəsirəddin Tusi, Zəkəriyyə Qəzvini və b. daş-qaşın müalicəvi xassələrindən bəhs edən əsərlər yazmışlar. Zaman keçdikcə xalq təbabəti biliciləri daş-qaşlardan müalicə məqsədli istifadəyə başladılar. Məsələn, müsəlman aləmində daha çox məşhur olan firuzə insanlara qələbə, xoş əhval-ruhiyyə bəxş edən gözəl görkəmli bir daş kimi şöhrət tapmışdır. Xalq təbibləri belə hesab edirlər ki, firuzəyə baxanda göz işıqlanır. Bu cəhəti nəzərə alaraq göz dərmanları hazırlanarkən firuzədən istifadə etmişlər.

    noimage

    Mirvarini əzib toz halına salıb isti suda həll edirlər, ondan şərbətə, müxtəlif məcunlara qatırlar. Ondan gündə 3-4 dəfə və hər dəfə də 15-20 q qəbul edirlər ki, bu da ürək tutmalarına və sıxıntılarına kömək edir, habelə ürəyi qüvvətləndirir. Onun qəbul edilməsi adamın əhval-ruhiyyəsini qaldırır. Göz xəstəliklərinin müalicəsində də mirvari tozundan və ya suda həll olunmuşundan istifadə edilir. O gözün işığını artırır, görməni yaxşılaşdırır.

    noimage

    Şərq təbiblərinin təcrübəsindən istifadə edən rus türkəçarəçiləri də qiymətli daşlardan müalicə vasitəsi kimi istifadə ediblər. Kim özü ilə yaqut gəzdirsə gecələr yatarkən qorxulu və pis yuxular görməz. Günəşə baxarkən gözü qaralan və qamaşanda yaqut daşını göz qapaqlarına sürtsn bu əlamət dəf olar. Baş ağrısını sakitləşdirmək üçün başa yaqut daşı sürtmək kifayətdir. Yaqut ümumiyyətlə ağrıkəsmə xüsusiyyətinə malikdir. O bədənin hər hansı bir sahəsində olan ağrını maqnit dəmiri çəkən kimi özünə çəkir.

    Hind alimləri də yaqut haqqında maraqlı fikirlər deyirlər. Onların dediyinə görə kim özü ilə yaqut gəzdirsə taun və vəba xəstəliklərinə tutulmaz. Yaqutu ağıza aldıqda ürəyi qüvvətləndirir, əhval ruhiyyəni yaxşılaşdırır, susuzluğu dəf edir. Onu əzib tozunu şərbət və ya digər məcunlara qatdıqda qanı təmizləyir, saflaşdırır, zəhərlənmənin qarşısını alır, gözü xəstəliklərdən qoruyur.

    noimage

    Ərəb ölkələrində, Misirdə tünd yaşıl zümrüddən təbabətdə istifadə ediblər. Zümrüdü əzib toz halında və ya suda həll etməklə zəhərlənmələrdə istifadə ediblər. Zümrüd gəzdirən adamların əsəbləri sakit olar, qorxulu yuxular görməzlər. Toz halında zümrüdü müxtəlif maye dərmanlara qataraq malyariya, ishal kimi xəstəliklərin qarşısının alınmasında istifadə ediblər. Zümrüdün suyunu bədənə sürtdükdə ilan sizə yaxın gəlib zəhər verə bilməz.

    noimage

    Əqiq mineralından türkəçarəçilər daha çox istifadə edirlərmiş. Ondan göz muncuğu hazırlayıb uşaqların biləyinə, sinəsinə bağlayırlar. Bu uşaqları bədnəzərdən, göz dəyməsindən xilas edir. Onun şüanı dəfetmə xüsusiyyəti kompüter istifadəçilərinə çox seyirli ola bilər. Qara ciyərə, gözə xeyirlidir.



    Şəffaf və rəngsiz kvars mineralından fikri dağıdan, üzdəki qırışıqları yox edən vasitə kimi istifadə olunur. Kvarsdan həmçinin qorxuluğun aradan qaldırılmasında da istifadə edilmişdir
#15.07.2011 12:44 0 0 0