1. Ana Sayfa
  2. Azərbaycan
  3. Bir səhər yuxudan durub - Ramiz Rövşən

Bir səhər yuxudan durub - Ramiz Rövşən

Son güncelleme: 16.06.2012 20:36
Si belle. Si belle. foto
  • Bir səhər yuxudan durub
    Özünü uşaq görəsən.
    Görəsən hamı evdədi,
    Ölənləri sağ görəsən.

    …Qorxasan qaçıb gedələr, -
    Tez qapını bağlayasan.
    Geri dönüb içəridə
    bir təzə qonaq görəsən.

    Görəsən ki, qapqaradı
    o qonaq başdan ayağa.
    Ondan başqa hamısının
    üst-başını ağ görəsən.

    Pəncərədən içəriyə
    dola, dola gün işığı.
    İçəridə boş-boşuna
    yanan bir çıraq görəsən.

    Söndürəsən o çırağı -
    hamı birdən yoxa çıxa….
    Otaqda bir qara qələm,
    bir də ağ vərəq görəsən.

    Ramiz Rövşən
#16.06.2012 20:36 0 0 0