1. Ana Sayfa
  2. Azərbaycan
  3. Kadrarxası həqiqətlər

Kadrarxası həqiqətlər

Son güncelleme: 19.03.2013 09:41
Ceylan Ceylan foto
  • Heyati şeirler - xatirelerle bağlı şeirler - Kadrarxası həqiqətlər şeirin oxu


    Kəsib dünənlərin kino-lentindən
    onunla mehriban olduğumuz günləri
    məchul sabahlara montaj etmək arzusu
    yandırır içimi.
    Fəvvarəli parkların açılışında əl çalan dostlar
    çox görüblər qırmızı lentlərin kəsilməsini.
    Mənsə bilmirəm, nə vaxt kəsildi
    dilimizin qırmızı lenti,
    nə vaxt açdıq ürəyimizi bir-birimizə ?

    Kitablara Borxes baxım ki,
    nə vaxt onu düşünmüşəmsə,
    həmişə baş rolda olmuşam.

    Ömür daha çox hansıdı :
    zindan kamerası,
    yoxsa kino kamerası ?

    guya vecimizə deyil heç nə
    darıxmamaqla qrimlənib
    biganəni oynayırıq
    və oyun həmişə başqaları üçündü
    başqaları isə əbədidi əfsus ki...
    Hamı bir-biri üçün başqasıdı, bilirəm
    çox az adam var ki, başqası deyil
    çox az adam var ki, bizim Qrimm qardaşımızdı.

    əgər filmdirsə ömür,
    mən operator işindən narazıyam.
    işıqlandırması zəifdi,
    gecələri çox gecədi...
    bir də ki,
    mən axı səni yaxın planda istəyirəm.

    Qismət
#19.03.2013 09:41 0 0 0