Məni müqəddəs bilən ürəyindən öpərəm
Son güncelleme: 27.03.2013 07:54
-
Sevgi şeirleri - Mehebbet şeirleri - Məni müqəddəs bilən ürəyindən öpərəm şeirin oxu
Gözlərindən öpərəm, dodaqlarından sənin,
Şirin sözlər asaram qulaqlarından sənin,
Saçını oğurlayıb daraqlarından sənin,
Saxlayaram cibimdə, gizli-gizli qoxlaram,
Yandıraram gecələr, gəlirsənmi yoxlaram...
Əllərindən tutaram, biləyindən öpərəm,
Saçlarının gül qoxan küləyindən öpərəm,
Məni müqəddəs bilən ürəyindən öpərəm,
Öpərəm ki, biləsən mən müqəddəs deyiləm,
Nə var məndən qaçmağa, mən ki qəfəs deyiləm...
Qırmızı kəmturş şərab badələrə süzülər
Zarafatlar uzanar, ürəyimiz üzülər...
Barmaqlarım tələsər, düymələrin çözülər,
Içimə bir od düşər, titrəyər ayaqlarım,
Süd yolunda dincələr qurumuş dodaqlarım...
Ürəyimin parası, gözümün bir tikəsi,
Məni yaman qorxudur dinməmək təhlükəsi.
Mən özündənrazının, eqoistin yekəsi,
Sən zəriflik tanrısı, qadının ötəsisən
Bütün xoş şeylər kimi sən dəmi bitəsisən ?
Qismət
- Məni müqəddəs bilən ürəyindən öpərəm Konusuna Benzer Konular
- Məni bir də sevərsənmi 11.06.2013
- Yaşat Məni 03.04.2014
- Dünyanda Yaşat Məni 03.04.2014
- Flora Kərimova-Yaşadığım həyat,məni qane eləmədi 17.12.2009
- Zulfiyyə Xanbabayeva - Xatırla Məni 30.12.2009