Prezident İlham Əliyev ilin Dövlət Adamı
Son güncelleme:
-
Prezident İlham Əliyev İlin Dövlət Adamı elan olundu.
İstanbulda keçirilən III Xəzər Forumu mükafatlandırma mərasimi və Qala-gecə ilə öz işini başa çatdırıb.
APA-nın xəbərinə görə, Türkiyənin enerji və təbii ehtiyatlar naziri Taner Yıldız və nəqliyyat, kommunikasiya və dənizçilik naziri Binali Yıldırım tətbirdə nitq söyləyiblər.
Bunun ardınca Xəzər Forumunun müəyyənləşdirdiyi mükafatlar elan olunub.
İlin Dövlət Adamı adına Azərbaycan prezidenti İlham Əliyev layiq görülüb. Mükafatı Prezident Administrasiyası ictimai-siyasi məsələlər şöbəsinin müdiri Əli Həsənova Taner Yıldız təqdim edib.
İlin Layihəsi Bakı-Tiflis-Qars dəmiryolu layihəsi elan olunub. Mükafatlar Yıldırım, Azərbaycanın nəqliyyat naziri Ziya Məmmədov və Gürcüstanın iqtisadiyyat və davamlı inkişaf nazirinin müavini Natia Mikeladzeyə təqdim olunub.
Xəzər Elm Adamı tarixçi-professor Kamal Karpat elan olunub, mükafatı ona ARDNF sədri Şahmar Mövsümov təqdim edib.
Xəzər İdman Mükafatı Azərbaycan şahmatçısı Şəhriyar Məmmədyarova verilib. İlin qəzetçisi "Huriyyet Daily News" qəzetinin baş redaktoru Murat Yetkin, İlin televiziya jurnalisti isə NTV-nin proqram aparıcısı Oğuz Haksevər elan ediliblər. Xəzər Sənət Mükafatı isə Azərbaycan sənətçisi Tünzalə Ağayevaya verilib.
Sonda Türkiyədə çəkilmiş, Qarabağ müharibəsindən bəhs edən "Qafqaz" filmindən seçmə fraqmentlər nümayiş etdirilib. Filmin yaradıcı heyətinə də mükafat təqdim olunub. Mükafatı millət vəkili Qənirə Paşayeva təqdim edib.
Forum konsert proqramı ilə yekunlaşıb.
alıntı