Qorxuram
Son güncelleme:
-
Beş il bundan qabaq vuruldum sənə
Çıxara bilmədim bunu aşkara.
Axı uşaq idim o vaxt, deyirdim
On altı yaş hara, məhəbbət hara.
Üstündən beşcə il ötsə də yenə
Eşqimi mən elan edə bilmədim.
Bir anlıq üzbəüz durub səninlə
"Mən səni sevirəm" deyə bilmədim.
Hərdən istəyirəm deyim qəfildən
Titrəyir əllərim, əsir dodağım.
Düzü çəkinirəm, qorxuram səndən
Qorxuram qırıla ümid yarpağım.
Nə edim, qorxuram, çəkinirəm mən
Nə ola, ilk sözü özün deyəydin.
Ceyranım, eşqinlə, məhəbbətinlə
Bu xəstə könlümə imdad edəydin.
Müəllif: Habil Demir
alıntı