1. Ana Sayfa
  2. Azərbaycan
  3. O gündən qəribəm fani dünyada

O gündən qəribəm fani dünyada

Son güncelleme: 30.01.2014 15:55
BiR-DOST BiR-DOST foto
  • Cahil ikən baxılırdı üzümə.
    Dəyər verilirdi hər bir sözümə.
    O vədəki haqq göründü gözümə,
    O gündən qəribəm fani dünyada.

    Uzaqlaşdım o zəhrimar araqdan.
    Günaha yol açan hər bir maraqdan.
    Baxammadım nadanlığa qıraqdan.
    O gündən qəribəm fani dünyada.

    Zülmət çəkilmirdi mənim yolumdan.
    Şər gəlirdi həm sağımdan,solumdan.
    Yıxılarkən İslam tutdu qolumdan.
    O gündən qəribəm fani dünyada.

    Dostlarıma əyri gəldi düzlərim.
    Ağlamasın,bəs neyləsin gözlərim?
    Dedilər qəribdir sənin sözlərin.
    O gündən qəribəm fani dünyada.

    alıntı
#30.01.2014 15:55 0 0 0