Hayat

Son güncelleme:
  • Bilirsənmi necə var olmuşam mən?
    Özümdən də qabaq "car" olmuşam mən,
    Rəbbimin izniylə, bar olmuşam mən,
    Məni əbədiyyət bağından dərib.

    Zərrəni həkk edib zərrənin üstə,
    Toplayıb, cəm edib-dəstəbədəstə,
    Ruhumu canıma hörüb ahəstə,
    Tələsən yellərin qoynuna verib.

    Məni bu dünyaya baxıb getməyə,
    Sel kimi coşmağa, axıb getməyə,
    Dadından doymamış çıxıb getməyə,
    Rəbbim yer üzünə qonaq göndərib.

    Ey məni dərk edib, anlayan adam!
    Həm sənə doğmayam, həm sənə yadam,
    Taleyin işidir...məmnunam, şadam,
    Bu fani cahanda qəribəm, qərib.

    Məni əbədiyyət bağından dərib,
    Tələsən yellərin qoynuna verib,
    Rəbbim yer üzünə qonaq göndərib.
    Bu fani cahanda qəribəm, qərib!

    alıntı
0 0 0
```[cite: 10]