Yuxumda görürəm
Son güncelleme:
-
Gözlərim axtarır səni hər yerdə,
Tapmıram çoxalır saçımın dəni.
İstərəm ki, görüm səni aşkarda
Nədənsə yuxumda görürəm səni.
Mən səni gəzirəm dünyada gözəl,
Çünki incə qəlbin bu qəlbə özəl,
Verdiyim namədə yazmışdım qəzəl
Nədənsə yuxumda görürəm səni.
Bəzən düşünürəm xəyalımda çox .
Bəzən təkzib edib deyirəm ki, yox.
Saçların hörülmüş, qaşlarınsa ox
Nədənsə yuxumda görürəm səni.
Bəzən də olur ki, belə bir zaman,
Sanki damarımda donub qalır qan.
Elə bil həyatda dəyişib dövran
Nədənsə yuxumda görürəm səni.
Məhərrəm AĞALAROĞLU
alıntı