Qeybətdən qaç ki behiştə gedəsən

Son güncelleme:
  • Allah Təala Təala Musa ibn İmrana belə vəhy göndərdi: “Qeybət edən şəxs əgər tövbə edərsə, behiştə daxil olan axırıncı; yox əgər tövbə etməzsə, cəhənnəmə daxil olan birinci şəxs olar”.

    Həzrət Peyğəmbəri-Əkrəm (s) buyurmuşdur: “Qeybət etməklə xalqın ətini yeyən şəxs halalzadə olduğunu yalandan deyir; çünki qeybət cəhənnəm itlərinin yemidir”.

    Həzrət Peyğəmbəri-Əkrəm (s) buyurmuşdur: “Ey dildə iman gətirib, qəlbi ilə iman gətirməyənlər! Müsəlmanların qeybətini edib gizli eyblərini aramayın. Çünki hər kim öz din qardaşının gizli eyblərini arayarsa, Allah Təala onun gizli sirlərini faş edib onu öz ailəsində rüsvay edər.”

    Keçən dəfə də qeybətin çirkinliklərindən söhbət açdıq. Qeybət nə qədər, çirkin bir iş olsa da,maraqlısı odur ki, belə bir vəziyyətdə də Allah insana behiş qazanmaq üçün fürsətlər bəxş edir. Yəni insan hər bir vəziyyətdə iki yoldan birini seçmək muxtariyyətindədir.

    İmam Sadiq (ə) buyurmuşdur: “Müsəlmanın qeybətini etmək küfr, ona qulaq asmaq isə şirkdir”.

    Həzrət Peyğəmbəri-Əkrəm (s) buyurmuşdur: “Bir kəsin yanında din qardaşının qeybəti edilərsə və o, imkan daxilində onun köməyinə yetişərsə (onu himayə edərsə), Allah Taəla dünya və axirətdə onun köməyinə yetişər”.

    Həzrət Peyğəmbəri-Əkrəm (s) buyurmuşdur: “Bir kəs məclisdə din qardaşının qeybətini eşidib onu inkar etsə və müdafiəsinə qalxarsa, dünya və axirət bəlaları ondan uzaqlaşar”.

    Həzrət Peyğəmbəri-Əkrəm (s) buyurmuşdur: “Hər kəs öz müsəlman qardaşının ləyaqətini və abır-həyasını qoruyarsa, behişt ona vacib olar”.

    Həzrət Peyğəmbəri-Əkrəm (s) buyurmuşdur: “Bir kəsin yanında din qardaşının qeybəti olunarsa və o, imkanı olduğu halda onu müdafiə etməzsə, Allah Təala dünya və axirətdə onu özbaşına buraxar (və onu xar edər)”.

    Mərhum şeyx Səduq, Həzrət Peyğəmbərin (s) buyurduğu bir hədisi (İmam Sadiqdən (ə)) belə nəql etmişdir: “Hər kim imkanı olduğu halda din qardaşının qeybətini inkar etməzsə, onun günahı qeybət edənin günahından yetmiş dəfə çoxdur”.

    alıntı
0 0 0