Qəfəsdəyəm dost
Son güncelleme: 10.06.2014 11:10
-
Ömrün içimdə tükənməz ağrıları
Varlığıma zülm eyləyir,
Bu həyatın doğruları
Mən özümdə qocalmadan tükənmişəm
Almadığım son nəfəsdəyəm
Qəfəsdəyəm dost!
Öz xəyalım, öz yurdumdayam.
Hərdən görsənir gözümə
Yalan dünya
Mənim üçün hələdə maraqsız, mənasız
Qalan dünya
Hər addımda can yeriyir,
Mən susuram
Hər gecə dinləyir məni
Yazıram, pozuram
Arzularım qisas alır hədəfdəyəm
Qəfəsdəyəm dost!
Taleyimi atdım yolun yarısında
Uşaqlıq, gənclik
Əlimdə bütün şəkillərə
Hirsli, incik
Yarımçıq qaldı nə varsa
Əgər mümkün olsa
Dünyaya bir daha gəlmək istərəm
Mən! sevdiyim ömürdə ölmək istərəm
Bir imkansız həvəsdəyəm
Qəfəsdəyəm dost!
Bezdim arzularımı görməkdən
Yaşamadan bilməkdən
Yumruqlanan divarları dinləməkdən
Yox olduğum yerlərdə bilinməkdən
Bezdim
Sakit təbəssümüm səni aldatmasın
İstəmirəm anlatmasın.
Dərin baxsan, əks tərəfdəyəm
Qəfəsdəyəm dost!
Qəfəsdəyəm
alıntı
- Qəfəsdəyəm dost Konusuna Benzer Konular
- Dost Olmadik 24.03.2004
- Dostlarınız Var mı? 22.04.2009
- üç dost 06.04.2004
- dostluk adina SMS mesajlari 04.05.2004
- dostluk ipi 20.05.2004