Apardın Tanrıya şəhid adını
Son güncelleme:
-
Yaman tələsirdin,ölümə yaman,
Dodaqlar hissini pıçıldayırdı.
Şəhid ürəyinin kökündə zaman,
Vicdanın səsiylə puçurlayırdı.
Qoşulub xəyalın qanadlarına,
Sevginin ruhuna doğru uçurdun,
Ay oğul,ananın dualarına,
Beləmi,fəryadla qanad açırdın-?
Sonsuz ümidinin əlləri yalın,
Tufanlar üstünə yüyürüb getdin.
Bürünüb eşqinin ümmanlarına,
Ananın qəlbini tarimar etdin.
Apardın Tanrıya şəhid adını,
Möhürlü alnınla,saf vicdanınla.
Çılğın könlündəki,arzularını,
Qovuşdurdun,ziirvəli kainatınla.