Ağlayıram
Son güncelleme:
-
Yenə təklik məni bir küncə sıxıb ağlayıram,
Qorxudan ağlamıram, mən darıxıb ağlayıram.
Ey gülər üzlü, hədər ağlamıram, sənsizlik,
Canımı atəşi-hicranə yaxıb ağlayıram.
Neyləyim ağlamayım, bir könül abad edənin,
Bu könül mülkünü hicranı yaxıb ağlayıram.
Bilmədim qədrini vaxtında ötən günlərimin,
Arxasıycan oların indi baxıb ağlayıram.
Qurumur nəmli gözüm, çünki mənim qəmxarım,
Məni tək başıma qəmlə buraxıb ağlayıram.
Yerə düşmür daha bir damla da göz yaşımdan,
Ağlayanda gözümü çünki sıxıb ağlayıram.
Etmişəm tövbə Dadaş ağlamağa mən, ancaq,
Pozuram tövbəmi hərdən, karıxıb ağlayıram.
alıntı