1. Ana Sayfa
  2. Azərbaycan
  3. Aşıq Ələsgərdən Gözəl incilər

Aşıq Ələsgərdən Gözəl incilər

Son güncelleme: 16.10.2014 10:06
Efsane-Baby Efsane-Baby foto
  • Aşıq olub, tərki-vətən olanın
    Əzəl başdan pürkamalı gərəkdir.
    Oturub durmaqda ədəbin bilə,
    Mərifət elmində dolu gərəkdir.

    Xalqa həqiqətdən mətləb qandıra,
    Şeytanı öldürə, nəfsin yandıra,
    El içində pak otura, pak dura,
    Dalısınca xoş sədalı gərəkdir.

    Aşıq Ələsgərdən Gözəl İncilər

    Danışdığı sözün qiymətin bilə,
    Kəlməsindən ləlü gövhər süzülə,
    Məcazı danışa, məcazı gülə,
    Tamam sözü müəmmalı gərəkdir.

    Arif ola, eyham ilə söz qana,
    Naməhrəmdən şərm eyləyə, utana,
    Saat kimi meyli haqqa dolana,
    Doğru qəlbi, doğru yolu gərəkdir.

    Aşıq Ələsgərdən Gözəl İncilər

    Ələsgər, haqq sözün isbatın verə,
    Əməlin mələklər, yaza dəftərə,
    Hər yanı istəsə baxanda görə
    Təriqətdə bu sevdalı gərəkdir.

    alıntı
#16.10.2014 10:06 0 0 0