Sənə gələn yollar çıxıb gedibdi
Son güncelleme:
-
Qalmayıb o əsillərin,zatların,
O sən deyən ellər çıxıb gedibdi...
Sərhəddində izi qalıb atların,
Dırnağından nallar çıxıb gedibdi...
Nə qovğalar,qallar gəlib başına,
Sağlar gedib,sollar gəlib başına...
Gör bir necə hallar gəlib başına,
Gör bir necə hallar çıxıb gedibdi...
Sinəndə dağ,kürəyində bıçaqlar,
Üzərindən səssiz uçur uçaqlar.
Sənə sarı açılası qucaqlar,
Uzanası qollar çıxıb gedibdi...
Qarabağım,qara baxtım,üzümə
Baxma belə,qoy başını dizimə.
Sənə gələn yollar dəymir gözümə,
Sənə gələn yollar çıxıb gedibdi..
alıntı