Neyləsin
Son güncelleme:
-
Nə dedi bənzətdin nağıla,canım,
Neyləsin,bu adam səndə neyləsin.
Qoymadın bir addım yaxına,canım,
Dayansın uzaqda,gendə neyləsin?
Hər dərdə,əzaba sinə gərmişdi,
Nə bezib,nə də ki,dilə gəlmişdi.
Gəlmişdin,imana dinə gəlmişdi,
Gedirsən,imanda dində neyləsin?
Sənsiz ömrü ömür,günü gün olmur,
Olmur,yuxusu da daha çin olmur.
Bilirsən,nədəndi bələdçin olmur,
Olsun da,görünən kəndə neyləsin?
Ələnir adamın ələyi belə,
Əsir yeli belə,küləyi belə...
Beləsə sənin tək mələyi, belə,
Neyləsin,mənim tək bəndə,neyləsin?
Müəllif: Kəmaləddin Qədim
alıntı