Səni sevdim çox sadəcə

Son güncelleme:
  • Səni sevdim gündən‐günə daha dolğun, daha incə,
    Düşünmədən, daşınmadan, bər‐bəzəksiz, çox sadəcə.
    Səni sevdim yerə həsrət yağış kimi, leysan kimi,
    Səni sevdim gözəlliyə heyran olan insan kimi.
    Sadəcə, çox sevdim səni,
    Səni sevdim çox sadəcə!..

    noimage

    Mahnılarda anılmadım, dastanlarda yoxdur adım;
    Kərəm ünlü aşiqlərin cərgəsində yer almadım,
    İçimdəki ağrıların atəşindən kül olmadım...
    Sadəcə, çox sevdim səni,
    Səni sevdim çox sadəcə!..

    noimage

    Məcnun olub, dərdli eşqlə səhralara üz tutmadım,
    İnsanlardan uzaq düşüb ceyran‐cüyür ovutmadım,
    Xəyallara səcdə qılıb vüsalını unutmadım...
    Sadəcə, çox sevdim səni,
    Səni sevdim çox sadəcə!..

    noimage

    Fərhad olub, dəryaları məcrasından döndərmədim,
    Xosrov kimi can yanğımı məhəbbətlə söndürmədim...
    Dünyanın naz‐nemətini sənə bəxşiş göndərmədim...
    Sadəcə, çox sevdim səni,
    Səni sevdim çox sadəcə!..

    noimage

    Romeo tək tez od alıb yanmaq üçün doğulmadım,
    Vaqif kimi pəri, sona göllərində boğulmadım,
    Otello tək qısqanclıqdan, ehtirasdan yoğrulmadım...
    Sadəcə, çox sevdim səni,
    Səni sevdim çox sadəcə!..

    noimage

    Koroğlu tək eşq yolunda davalara alışmadım,
    Haray salıb gözəllərin məclisinə qarışmadım;
    İstedadlı aşiq kimi Füzuliylə yarışmadım...
    Sadəcə, çox sevdim səni,
    Səni sevdim çox sadəcə!..

    noimage

    Səni sevdim gündən‐günə daha dolğun, daha incə,
    Düşünmədən, daşınmadan, bər‐bəzəksiz, çox sadəcə.
    Səni sevdim yerə həsrət yağış kimi, leysan kimi,
    Səni sevdim gözəlliyə heyran olan insan kimi...
    Sadəcə, çox sevdim səni,
    Səni sevdim çox sadəcə!..

    noimage

0 0 0