1. Ana Sayfa
  2. Azərbaycan
  3. Gecənin pıçıltısı

Gecənin pıçıltısı

Son güncelleme: 31.03.2015 21:38
SU-PERISI SU-PERISI foto
  • Qulaqları oxşayır
    Gecənin pıçıltısı.
    Bu söhbətə qarışır
    Suların şırıltısı.

    Böcəklər bir gəzişir,
    Ağaclarsa sevişir.
    Oxsus qəlbləri deşir
    Gecənin pıçıltısı.

    Pərvanə şəmə uçur
    İblis gündüzdən qaçır.
    Zülmətə işıq saçır
    Gecənin pıçıltısı.

    Ay ulduzla alışır,
    Küsənlər də balışır.
    Canlılarla danışır
    Gecənin pıçıltısı.

    Incik qəlbə o, məlhəm
    Sevən ürəyə həmdəm.
    Sirdaşdır mənə hərdəm
    Gecənin pıçıltısı.

    İlhamdır yazanlara
    - Yuxusuz qalanlara.
    Layladır yatanlara
    Gecənin pıçıltısı.

    Oturdum, lap gec oldu,
    Sərin meh cismə doldu.
    Bu gecə dostum oldu
    Gecənin pıçıltısı.
#31.03.2015 21:38 0 0 0