1. Ana Sayfa
  2. Azərbaycan
  3. Yeni salat

Yeni salat

Son güncelleme: 06.09.2015 18:24
N.N. N.N. foto
  • Salat - salatlar - salatin terifi ve terkibi - salat nece hazirlanir?

    noimage

    Ərzaqlar:

    1/4 fincan noxud, gecədən soyuq suda isladılır
    1 orta boy qırmızı soğan, ikiyə bölüb, incə-incə doğranır
    4 diş sarımsaq, xırda doğranır
    Bir çimdik döyülmüş zirə (vacib deyil)
    1 çay qaşığı (və yaxud zövqə görə;) paprika – qırmızı bibər
    3 xörək qaşığı (və yaxud zövqə görə;) zeytun yağı
    Təzə sıxılmış 1 limonun şirəsi
    Bir qədər doğranmış cəfəri
    Bir qədər doğranmış keşniş
    120 qram ovulmuş keçi pendiri, yaxud hər hansı növ ağ pendir
    Zövqə görə duz, döyülmüş qara istiot


    Hazırlanması:

    Suda isladılmış noxudlar süzülür, dərin qazana tökülür. Üzərinə çıxanadək su əlavə edilib qaynamağa qoyulur. Orta dərəcəli odda noxudlar yumşalana qədər təxminən 45 dəqiqə qaynadılır. Diqqət yetirmək lazımdır ki, noxudlar əzilməsin. Bişmiş noxudların suyu süzülür, qabıqları ovuşdurularaq çıxarılır. Yadda saxlamaq lazımdır ki, salata digər ərzaqları qatarkən noxud isti olmalıdır. Belə olan halda noxud bütün təamları özünə yaxşı çəkir.
    İsti noxudlar bir qaba tökülüb, üzərinə doğranmış soğan, sarımsaq, zirə, paprika, zeytun yağı və limon şirəsi əlavə edilir və yaxşıca qarışdırılır.
    Zövqə görə duz, istiot qatılır, doğranmış göyərtinin çox hissəsi əlavə olunur. Əgər istifadə olunacaqsa, salatın üzərinə pendir ovulub tökülür və göyərtinin qalan hissəsi səpilir. Hazır salat isti halda çörəklə birgə süfrəyə verilir.

    Nuş olsun!

    Alinti...
#06.09.2015 18:24 0 0 0