Pendirli bulka resepti
Son güncelleme: 08.10.2016 23:04
-
Tərkibi:
Xəmir üçün:
● Duz - 1 x.q.
● Un (buğda) - 5 st.
● Yumurta (toyuq) ağı - 1 ədəd
● Yağ (bitki) - 0.5 st.
● Şəkər tozu - 2 x.q.
● Nişasta (qarğıdalı) - 0.5 st.
● Süd - 2 st.
● Maya (quru) - 1 paket
İçlik üçün:
● Pendir (feta, ağ brınza)
● Cəfəri - zövqə görə
Üzərinə çəkmək üçün:
● Yumurta sarısı - 1 ədəd
● Yağ (bitki) - 2 ç.q.
Hazırlanması:
1) Xəmir: iliq süddə mayanı həll edin. Yumurta ağı, şəkər tozu, duz, və bitki yağı əlavə edin və qarışdırın;
2) Nişasta əlavə edin və düyünlər qalmayana qədər qarışdırın;
3) Tədricən ələnmiş un əlavə edin və yumşaq xəmir yoğurun. Üstünü dəsmalla örtün və iki dəfə artana qədər mayalanmaya buraxın;
4) İçlik: ağ pendiri əzin, narın doğranmış cəfəri ilə qarışdırın;
5) Xəmirdən xırda kündələr düzəldin, kündəni azacıq yayın və ya əl ilə yastıladın, üzərinə içlik qoyun, xəmirin uclarını birləşdirin, çimdikləyin;
6) SOBA listini yağlayın, bulkaların tikiş yeri aşağı olmaqla listə düzün. Üzərinə yumurta sarısını bitki yağı ilə qarışdırıb çəkin, çəngəl ilə cizgilər çəkin;
7) 180 dərəcə qızdırılmış SOBAda qızarana qədər 30 dəq. bişirin. Həm isti, həm də soyuq şəkildə süfrəyə vermək olar.
Nuş olsun!
alıntı..