Cığatel İsaqızı - Neynərsən axı
Son güncelleme:
-
Deyirsən, zülümsən -zülüm,
Zülümü neynərsən axı ? ..
Burax ,ürəksiz tutduğun ,
Əlimi neynərsən axı ?!
Necə deyim getmə ,dayan,
Axı, halım sənə əyan .
Əlçim-əlçim yel darayan,
Telimi neynərsən axı ?!
Bir vaxt dönərsən,gec olar,
Bu sevda yükü güc olar .
Xəzan vurar ,bağım solar ,
Gülümü neynərsən axı ?!
Yaxar ,Cığateli ,yaxar,
Gəl ,atdığın oddan çıxar,
Sən gəlincə külüm çıxar ,
Külümü neynərsən axı ?!