Göy üzü işıqlı boyunbağıymış
Son güncelleme: 31.10.2016 13:08
-
Ömrün çiçəklənən, cavan çağında,
Ölər ümüd yerin, etibar yerin.
Bir tənha qadının boyunbağında,
Darıxar ruhunun intihar yeri...
Üşüyər ürəyin pəncərələrdə,
Görərsən gözlərin yenə yol çəkir.
Daha doğmalaşıb həsrətə, dərdə,
Deyərsən İlahi, təkliyə şükr.
Yol alıb göylərə, üzü yuxarı,
Dünyanın sonuna gedib çıxasan.
Hər addım atdıqca göydə Allahı,
Yerdə bir qadını darıxdırasan.
Görərsən göy üzü necə gözəlmiş,
Görərsən ölülər burda sağıymış.
Göy üzü Allahın evi deyilmiş,
Göy üzü işıqlı boyunbağıymış...
Vasif Zöhraboğlu
- Göy üzü işıqlı boyunbağıymış Konusuna Benzer Konular
- Bakının yeni görünüşü İşıqlı şəhərdə 14.08.2010