Veten hesreti
Son güncelleme:
-
Ey böyük Yaradan, ey Ulu Tanrım,
De necə yanmayım, necə dayanım?
Nə olar bir səhər erkən oyanım,
Axan xan Arazı yaran görməyim!
Dolan buludlarda bir gün boşalar,
Arzum kainatı tənha dolaşar,
Ulduzlar gecələr parlaq sayrışar,
Bəxti-səyyarəmi axan görməyim!
Mavi Xəzər yenə cövlana gəlib,
Payız da xəzanlı xalçasını sərib,
Eşqin bağçasından tər çiçək dərib,
Vətən torpağını solan görməyim!
Hər səhər dənizdən günəş boylanar,
Aylar tez ötüşür, illər dolanar,
Fəqət kainatda bu gün oyanar,
Qoy doğma xalqımı yatan görməyim!
Bilirəm möcüzə mən gözləyirəm,
Vahidlik olmağı çox istəyirəm,
Tanrıdan bir ruzi hey diləyirəm,
O günü görüncə kaş ki ölməyim!
alıntı