1. Ana Sayfa
  2. Azərbaycan
  3. Ispanaq Çığırtması

Ispanaq Çığırtması

Son güncelleme: 20.12.2009 17:38
Leyl-i Lal Leyl-i Lal foto
  • ISPANAQ ÇIĞIRTMASI

    4 porsiya üçün nəzərdə tutulub

    Ərzaqlar

    1 kilo ispanaq
    5 xörək qaşığı duru yağ və ya kərə yağı
    1 baş soğan
    zövqə görə duz
    zövqə görə istiot
    4 yumurta

    Sarımsaq-Qatıq üçün
    1 stəkan qatığa 2-3 diş əzilmiş sarımsaq əlavə edib qarışdırın

    1. İspanağı yaxşıca yuyun və süzün.

    2. İri qazanı suyla doldurun və qaynadın. İspanağı suya salıb təxminən 3 dəqiqə ərzində pörtlədin.

    2. İspanağı sudan çıxardın və aşsüzənə qoyub süzün. Suyunun tamamilə çıxması üçün ispanağı əlinizlə sıxın. Süzülmüş ispanağı iri-iri doğrayın.

    3. Tavada yağı qızdırın. Soğanı xırda-xırda doğrayıb tavaya əlavə edin və təxminən 7 dəqiqə ərzində qızardın. Üstünə ispanağı əlavə edib, təxminən 5-10 dəqiqə bərabər qızardın. Zövgə görə duz və istiot vurun.

    4. Yumurtaları bir qaba qırıb qarışdırın. İspanağın üstünə tökün. Yumurta hər tərəfə yayılsın deyə, tavanı o tərəf bu tərəfə əyin. Tavanın qapağını örtün və təxminən 7-10 dəqiqə ərzində, və yaxud yumurta bərkiyənə qədər qarışdırmadan bişirin.

    5.Süfrəyə sarımsaq-qatıqla verin. Nuş Olsun!
#20.12.2009 17:38 0 0 0