1. Ana Sayfa
  2. Azərbaycan
  3. Yeni il makiyajı

Yeni il makiyajı

Son güncelleme: 12.01.2010 14:11
byHaktan byHaktan foto
  • Yeni ili qeyri-adi makiyajla qarşılamaq lazımdır.

    noimage

    Yeni ili qeyri-adi və ekstravaqant makiyajla qarşılamaq lazımdır. Qətiyyətliliyi ilə seçilən pələng ilində makiyaj da cəsarətli olmalıdır.

    Yanaqlar

    Şaftalı rəngli krem-ənliyi yanağınızın mərkəzinə vurun. Mərkəzi müəyyənləşdirmək üçün gülümsəyin, üzə çıxan hissə mərkəzdir. Bundan sonra ənliyi aşağıdan almacıq sümüyünə doğru yayın.

    Parıltılı kirşan

    Həm kompakt, həm də ovulan parıltılı kirşan seçə bilərsiniz. Onu təkcə almacıq sümüyünə deyil, əl, çiyin, boğaz və körpücük sümüyünə vura bilərsiniz. Yeni ildə siz də ulduzlar kimi parlayın!

    Pomada
    Yeni il axşamı pomadanızın dayanıqlı olmasını istəyirsinizsə, onu ikiqat çəkin. Birinci qatı salfetlə bir az silərək üstündən kirşan vurun. Sonra isə ikinci qatı çəkin. Parıltıdan imtina etməyin.

    Dırnaq boyası
    Süni kirpiklər kimi süni dırnaqlardan da faydalana bilərsiniz. Yeni il axşamı bu, qorxulu deyil. Dırnaq boyasını 2-3 qat çəkin: 1 qat dırnaqlara zərif parıltı, 2-3 qat isə dramatik effekt verəcək.

    Göz kölgəsi
    Yeni il axşamı parıltılı göz kölgəsindən istifadənin ən uyğun zamanıdır. Unutmayın, onu ehtiyatla vurmaq lazımdır. Əgər gel göz kölgəsi seçmisinizsə, onu ən sonda zərif hərəkətlə vurun.

    Quru kölgə
    Quru sayrışan kölgələr də ehtiyatla vurulmalıdır. Əks təqdirdə, o, gözün alt hissəsinə yayıla bilər. Buna yol verməmək üçün göz altına bir az kirşan çəkin, kölgəni vurandan sonra isə silin.

    Kirpiklərin oxdur
    Yeni il makiyajında rəngli tuşa üstünlük verilməlidir. Tuşdan çox istifadə etməkdən çəkinməyin (2-3 dəfə). Kirpiklərinizi strazlarla (qiymətli süni daş) bəzəyin. Əgər heç vaxt süni kirpikdən istifadə etməmisinizsə, yeni il axşamı risk etməyə dəyər. İstifadəsi çox asandır: əvvəlcə kirpiklərinizə tuş vurun, sonra göz qapağınızı karandaşla haşiyələyin. Süni kirpiyə bir az yapışqan sürtüb pinsetlə yapışdırın.

    Seksual gözlərin sirrini bütün məşhurlar bilirlər.

    Üç addımla fərqli gözlərə sahib olacaqsınız.

    1 - Kiçik göz fırçası ilə tünd şaftalı rəngli kölgəni (bu rəng demək olar ki, hamıya yaraşır) göz qapağının bükülən hissəsinə çəkin. Bu yolla gözlər vizual olaraq böyük görünəcək.
    2 - Nisbətən böyük fırça ilə bej rəngli kölgəni bütün göz qapağına vurun. Bu, gözə dramatik görünüş verəcək.
    3 - Göz karandaşı ilə (qara, göy, yaşıl) gözünüzün ali hissəsini haşiyəyə alın. Sonda kirpiklərinizə tuş vurun.

    Qaşların da parıltılı görünməsi üçün qaş üçün geldən istifadə edin.
#12.01.2010 14:05 0 0 0
OnLyGirL OnLyGirL foto
  • makiyaji ?

    Makyaj olmasin o :D
#12.01.2010 14:11 0 0 0