Ermənilər azərbaycanlı girovu televiziyaya çıxardılar
Son güncelleme: 19.01.2010 00:00
-
Ermənistan hərbçiləri tərəfindən girov götürülmüş Azərbaycan vətəndaşı Eldar Tağıyev Ermənistanın İctimai Televiziyasına çıxarılıb.
APA-nın "Novosti Armenia" agentliyinə istinadən verdiyi məlumata görə, girov Azərbaycana qayıtmaq niyyətində olmadığını deyib, əgər Ermənistan hökuməti onu saxlamağa razılıq verməsə, üçüncü ölkəyə köçə biləcəyini bildirib. O, ailəsinə geri qayıtmayacağını çatdırmaq istədiyini söyləyib.
E. Tağıyev Azərbaycanda işsiz qalması, kənddə yoxsul vəziyyətdə yaşaması, kənd təsərrüfatında istifadə etmək üçün su tapmaması barədə danışdırılıb.
Eldar Tağıyev bildirib ki, onun yaşadığı Tovuz rayonunun Əlibəyli kəndinə əvvəllər su Ermənistan tərəfdən verilirmiş: "Lakin müharibə başladıqdan sonra su gəlmir".
Qeyd edək ki, ermənilərin atəşkəs rejimini pozması nəticəsində Tovuz rayon sakini Tağıyev Eldar Heydər oğlu 2009-cu il dekabrın 28-i saat 18.00 radələrində Tovuz rayonunun Əlibəyli kəndi istiqamətində təmas xəttinin yaxınlığında atəşə tutulub. Daha sonra isə o, erməni hərbçiləri tərəfindən girov götürülüb.
Qaynaq:LENT.AZ
- Ermənilər azərbaycanlı girovu televiziyaya çıxardılar Konusuna Benzer Konular
- Azərbaycanlı və erməni deputatlar növbəti dəfə görüşəcək 22.12.2009
- Ermənilər haqda deyimlər 08.12.2009
- Ermənilər Qazaxda kənd qəbiristanlığını dağıdıb 08.01.2010
- Ergenekon”çu generalın azərbaycanlı sevgilisi yoxa çıxıb 16.01.2010
- Ermənilər belimə bomba qoyublar 20.01.2010