1. Ana Sayfa
  2. Azərbaycan
  3. Məni görməmisən

Məni görməmisən

Son güncelleme: 13.06.2011 15:57
Sarsın Sarsın foto
  • noimage
    Bəzən büdrəmişəm, düzü, yanında,
    Sevgidən salmışam sözü yanında.
    Min dəfə keçmişəm azı yanından,
    Məni görməmisən, görməmisən Sən.
    noimage
    Gözlərim həsrətlə dolub qalmışam,
    Yolunda gül kimi solub qalmışam,
    Üz-üzə gələndə donub qalmışam,
    Məni görməmisən, görməmisən Sən.
    noimage
    İzini ömrümə düzüb keçmisən,
    Keçdiyim yollardan bezib keçmisən,
    Yanımdan qanqalı üzüb keçmisən,
    Məni görməmisən, görməmisən Sən.
    noimage
    Mənəmi veribsən Sənsiz küçəni?
    Alıb aparıbsan sirli gecəmi.
    Yalançı yuxular aldadıb Səni,
    Məni görməmisən, görməmisən Sən.
    noimage
    Yaxşı istəyibsən, yaman tapmısan,
    Günəş axtarıbsan, duman tapmısan,
    Həqiqət gəzibsən, yalan tapmısan,
    Məni görməmisən, görməmisən Sən.
    noimage
    Dönüb boylanıbsan ötərgi səsə,
    Mənəm Sənin üçün yarpaq tək əsən.
    Xətrinə dəyməsin, korsan ya nəsən?
    Məni görməmisən, görməmisən Sən.
    noimage
    Payız demirəm ki, ömrün yaz olsun.
    Yüz il də, min il də Sənə az olsun.
    Ölsən başdaşına bu söz yazılsın;
    "Məni görməmisən, görməmisən Sən!"
    noimage
    Alıntı..
#13.06.2011 15:57 0 0 0