Haqqini halal et ürəyim..
Son güncelleme: 10.08.2012 16:54
-
Haqqini halal et ürəyim - Sevgi yazıları dinle
Sözlərin ağırlığı tək-tək dilimə çökdüyündə, qələmin əmri ilə yazmağa başladım. Söz harada başlayacaq, harada bitəcək inanın mən də bilmirəm. Danışan ürəyimmi yoxsa nəfsimmi onu da bilmirəm..
Ürəyimlə yaxşı dolanırıq, amma nəfsim üçün eyni şeyləri deyə bilməyəcəyəm. Ey nəfs, nədir səndən çəkdiyim? Davamlı bir şeyləri etməyim üçün mənə əmr edirsən. Həmişə məndən əvvəl danışır, başımı qarışdırırsan. Nə olar bu axşam bir dəfə olsun sus. Sükut ləhcəsini bu gecə istifadə etməsən olmazmı? İcazə versən, bu gecə ürəyimlə dərdləşəcəyəm..
Bu gecə ürəyimi dinləmək istəyirəm...
Bəlkə də ürəyimlə halallaşmaq istəyirəm...
Eyni bədəndə yaşayırıq. Yaxşısıyla, pisiylə sən mənim ürəyimsən. Sənə çox çəkdirdim, bilirəm. Arxası gəlməyən dərdlərimi, çətinliklərimi həmişə sənə yüklədim. Ayrılığın acısını, sevincimi, kədərimi həmişə səninlə yaşadım..
Can dediklərim canımı yandırdılar.. Alov olub sən yandın həmişə, ürəyim.. Yar dediklərim yaramı qanaddıqlarında, qan olub sən axdın hər dəfə, ürəyim.. Halbuki balaca idin.. Balaca və titrək.. Çox haqqın keçdi mənə..
Gecə mənim ən yaxşı dostlarım gözyaşı və yatağım idi. Biz bir araya gəldiyimizdə halımıza həmişə sən şahidlik etdin.. Yolçu etdiyim bir günün ardından, gecəyə sığındığımda sən var idin yanımda, ürəyim..
Halbuki sonradan öyrəndim.. Mənim dostlarla söhbətim dərdimə dərman, könlümə fərman olarkən, sən çox acı çəkirmişsən, ürəyim..
Üzr istəyirəm.. Mədəsi yananın deyil, ürəyi yananın ağladığını geç fərq etdim. Mən dərdimə ağlayırdım, sən isə mənə ağlayırdın.. Mən günah atəşində yanarkən, sən mənə su olurdun.. Hər canım yandığında sən də mənimlə yanırmışsan.. Bilmədim.. Nə olar bağışla məni, ürəyim.. Söz verirəm, bundan sonra səni üzməyəcəyəm. Sahibinə layiq bir ürək daşımağa söz verirəm..
Gül bağçası yetişdirmənin yolu, bağçadakı bütün çirkinlikləri təmizləməkdən keçərmiş.. Yabanı otları, daşları, tikanları ayırd etməkdən.. Mən də ürəyimin torpağına zərər verən bütün çirkli duyğuları təmizləməklə işə başlayacağam.. Rəbbimin bu ürəkdə görmək istədiyi bütün duyğuları yaşıllaşdıracağam.. Çiçək açmalarını tam bir təvəkkül ilə gözləyəcəm, tələsməyəcəm..
Belə yaşasam, inanıram ki, səni bir də heç vaxt üzməyəcəyəm, ürəyim. Haqqına girməkdən Allaha sığınıram. Bu bədəndə yaşadığımız müddətdə dost qalaq, olmazmı?
Unutma, sən mənə Rəbbimin bir əmanətisən. Ruhlar aləmində başlayıb, ana rəhmində davam edən bir səfərin son dayanacağındayıq. Sabah axirətdə mənə şahidlik edəcəksən. O böyük dincliyə iki dost olaraq çıxmağa nə deyirsən, ürəyim?
Haqqını halal et, ürəyim…!
Alıntı..
-
canm ne güzellik bu böyle
ellerine emeyine saglık birdenem
ürekdi halal ede de biler etmeye de
çünki onu taşıya bileceginden çok yükleyirik bizler
saol canm teşekkürler
- Haqqini halal et ürəyim.. Konusuna Benzer Konular
- Halal Eşqin Şərtləri 21.01.2010
- Ürəyim yenə də axtarır səni 26.03.2010
- Ürəyim 22.10.2010
- Ürəyim 08.02.2011
- Halal və haram buyrulmuş yeməklər 02.04.2011
- Plastik Gıda Ambalajı 10.08.2012 16:54