Əgər mən özümlə üz-üzə gəlsəm
Son güncelleme: 05.10.2012 04:59
-
Əgər mən özümlə üz-üzə gəlsəm şerin oxu ve dinle
Bu dünyada, o dünyada, hardasa bir gün
İkiləşir, özü ilə üzləşir insan.
Bir yaxşı bax: nəyi çatmır bütövlüyünün?
Gərək özün öz qarşında utanmayasan.
Günü sabah mən özümlə üz-üzə gəlsəm,
Məni mənlə üzləşdirən qüvvədir - haqdan.
İkiliyə bir tel olsa ikicə kəlməm
Qorxum yoxdu bu sınaqdan, bu olacaqdan.
İlk baxışdan tanımasaq bir-birimizi,
Ortalıqda at oynadar vicdanı yanan!
Biz əkməsək, biz dərməsək birliyimizi
Yalanımız doğru olar,
Doğrumuz yalan.
Bir səs deyir:
Ayıq ol ki, sürüşkəndir əsrin aşrımı,
Hər ağrı da, hər ləzzət də sənindi, ancaq
Bu əməllə əlin bircə düyün açdımı
Udsan, quru səs udarsan quru ədanla.
Bu günündən sabahına nə dartır gəmin,
Bircə bellik su açdınmı qurumuş arxa?
Qafasına çətin sığa ağıldan kəmin:
Bəd əməldən uçrum qalır, ağıldan arxa.
Qəbahəti eynilərdi çox üzləşənlər,
Nadanları tutaşdırıb zövq alan azmı?
Bir ayının məşqi ilə qalib çıxsa şər,
Bunu yalnız şərəfsizlər alqışlamazmı?
Etirafdır etibarın bünövrə daşı,
İçimizdə beçə verən güvədi, qurddu,
Bir yalançı heykəli var hər addımbaşı,
Topdağıtmaz qalaları yalan uçurtdu.
Bu - vəsiyyət! Bu, özündən özünə məktub!
Varlığı yox, "var" - desə də beləsi, vallah.
İkiləşsək "mənin" - biri ölümə məhkum,
O biri də öz-özünə öləsi, vallah!..
alıntı
- Əgər mən özümlə üz-üzə gəlsəm Konusuna Benzer Konular
- Əgər bilsəniz ki bu gün sizin son gününüzdür 08.12.2009
- Baba Punhan - Qarabağ getsə əgər 23.03.2010
- Bir qızım olsaydı əgər adını 04.02.2011
- Sən olmasaydın əgər 15.03.2011
- Əgər kişi xoşbəxt qadın bədbəxtdirsə 24.03.2011