Pomidor souslu qızardılmış balqabaq dilimlərin terifi ve terkibi
4 porsiya üçün
1 kq balqabaq
Qazırtmaq üçün bitki yağı
80 q un
1 ç.q. qırmızı istiot
0,5 ç.q. pulbibər
Duz
Sous üçün:
4-5 pomidor
1-2 x.q. zeytun və ya bitki yağı
1 diş sarımsaq
Şüyüd və cəfəri
Şəkər tozu (zövqə görə)
Balqabağı yuyub 1 sm qalınlığında uzun doğrayıb qabığından ayırın. Qazanda un, qırmızı istiot, pulbibər, duzu qarışdırın. Balqabaq dilimlərini duzlayıb un qarışığında 5-10 dəqiqə saxlayın. Unun qalığını çırpın. Tavada 2 x.q. yağı isidib dilimləri 5-7 dəqiqə orta odda qızılı çalar alana qədər qızardın.
Hər iki tərəfini qızartdıqdan sonra qabağın bişib-bişmədiyini çəngəllə yoxlayın. Sousu hazırlamaq üçün pomidorları kub şəklində doğrayın. Göyərtini yuyub qurudun. Sarımsağı xırda doğrayın. Tavada 1 x.q. zeytun və ya bitki yağını isidib pomidorları əlavə edin. Duz, istiot vurun, sousu qaynadın, odun altını azaldın, 10-15 dəqiqə bişirin. Hazır olana yaxın duz, şəkər tozu, göyərti, sarımsaq qatın. Boşqaba əvvəlcə sousu, üstündən də qızardılmış dilimləri qoyun.