1. Ana Sayfa
  2. Azərbaycan
  3. Rusiya müsabiqə seçimini etdi

Rusiya müsabiqə seçimini etdi

Son güncelleme: 20.02.2013 00:19
Sarsın Sarsın foto
  • Show Biznes xeberleri - Meşhurlar

    noimage

    Mayda İsveçin Malmö şəhərində keçiriləcək “Eurovision 2013” Mahnı Müsabiqəsində iştirak etmək üçün Rusiya da öz təmsilçisini seçib.



    Lent.az-ın müsabiqənin rəsmi saytına istinadən verdiyi məlumatına görə, Rusiyanı bu müsabiqədə "Qolos" şousunun qalibi Dina Qaripova təmsil edəcək.



    Qaripova müsabiqədə “What If” mahnısı ilə çıxış edəcək. Kompozisiya İsveç prodüserləri Qabriel Alares və Yoakim Bornberq və "Avtoqraf" qrupunun keçmiş bas-gitaraçısı Leonid Qutkinin müəllifliyi ilə ərsəyə gəlib.



    21 yaşlı Dina Qaripova Tatarıstan Respublikasının Zelenedolsk şəhərinin sakinidir. O, ötən il Rusiyada «Birinci kanal»ının "Qolos" layihəsinin qalibi olub. Finalda Qaripovaya bir milyondan çox tamaşaçı səs verib.



    Qeyd edək ki, Rusiya mayın 14-də keçiriləcək birinci yarımfinalın birinci mərhələsində 8-ci sırada çıxış edəcək.
#20.02.2013 00:19 0 0 0