Getsin getməsin
Son güncelleme:
-
Bir həmdəmsən qəlbim səndən yaralı,
Ürək səndən gen düşəndən paralı,
Həsrət səndən, hicran məndən aralı,
Ayrılığın sonu bitsin, bitməsin ?
Hər əfsanə gerçək olar bəlkə də,
Sevən ürək çiçək olar bəlkə də,
Könül sevən göyçək olar bəlkə də,
Aşiq muradına yetsin, yetməsin ?
Elə bilmə həsrət mənə tən oldu,
Saçlarıma düşən qarlar dən oldu,
Gözlərimi ovsunlayan sən oldun,
Bu qəm kədər gözdən itsin, itməsin,
Acıların hesabı yox, sayı yox,
Həsrətimin gecəsi, yox ayı yox,
Həyatımda yəqin sevgi payı yox,
Sevgim bu dünyadan getsin, getməsin ?
alıntı