Yox demə
Son güncelleme:
-
Eşqimizi yaşadana ürək de
Qəlbimizdə boy atana çiçək de
Səni, məni yaradana kömək de
Sevgi dolu sözlərimə yox demə!
Elə bilmə həsrət məni əzəndi
Ayrılıq da sevincindən bəzəndi
Yollarıma daş, kəsəklər düzəndi
Sənə gələn izlərimə yox demə!
Dərd əlindən könlüm para-paradır
Sənsiz dünyam heç bilmirəm haradır
Həsrətindən yandı qəlbim yaradır
Atəşimə, közlərimə yox demə!
Sən hicranı həyatından at indi
Səni sevdim könlüm yenə sevindi
Mən səninəm, gözlərim də sənindi
Baxıb sevən gözlərimə yox demə!
alıntı