Həqiqət
Son güncelleme:
-
Sənsizlik odunda çox alışdım, çox,
Bu ömür yolları tüstümdən keçir.
Sanki hər gələn gün ötən günün yox,
Sənsiz yıxır, mənim üstümdən keçir.
Heyrət! Varlığın yox, yoxluğunsa var,
Bəs "kim"sən, necəsən, hardasan axı?
Di gəl fikirlərdən canımı qurtar,
-Yoxsan, ancaq elə burdasan axı?!
Sən sanki dünyada bircə nəfərsən,
Bütün bəşəriyyət xəyalət imiş.
Sən sanki cahanda cümlə bəşərsən,
O da bir nəfərdən ibarət imiş.
Sən sanki gördüyüm hər nə var O'san,
Hara göz gəzdirsəm, ilişir Sən'ə.
Sən sanki sadəcə uydurulmusan,
Nağılsan ərz edir taleyim mənə.
alıntı