1. Ana Sayfa
  2. Azərbaycan
  3. Bakı bulvarı Yeni ili necə qarşılayacaq

Bakı bulvarı Yeni ili necə qarşılayacaq

Son güncelleme: 09.12.2014 20:16
SU-PERISI SU-PERISI foto
  • noimage

    "Yeni il bayramı ilə əlaqədar Bakı bulvarının müxtəlif yerlərində 10 yolka quraşdırılacaq"
    Bunu Trend-ə Nazirlər Kabineti yanında Dənizkənarı Bulvar İdarəsinin rəis müavini Nazim Məcidov deyib.
    Onun sözlərinə görə, yolkaların 8-nin hündürlüyü 7-10 metrədək, 2-nin hündürlüyü isə 20 metrdən artıq olacaq. Böyük yolkaların biri Azərbaycan Dövlət Kukla Teatrının arxasındakı meydançada, digəri isə yeni bulvarda – Əl Oyunları Sarayından Dövlət Bayrağı Meydanına qədər olan ərazidə quraşdırılacaq. Hər bir yolkanın ətrafında bir Şaxta Baba və bir Qar Qız fəaliyyət göstərəcək. Yolkalar hazır olduqdan - dekabrın 20-dən sonra bulvarda Şaxta Baba və Qar Qızın fəaliyyətə başlayacağı gözlənilir.
    N.Məcidov bildirib ki, dekabrın 20-dən başlayaraq bulvarın bir hissəsində “işıq şou”su keçiriləcək. Bu şou təxminən yanvarın 5-dək hər axşam olacaq: “İşıq şousu çox maraqlı olacaq. Bulvardakı təbii şam ağacları cürbəcür bəzənəcək və onlar işıqlandırılacaq”.
    O, dekabrın 31-də bulvarda atəşfəşanlığın olacağını da söyləyib.

    Mənbə: Milli.Az
#09.12.2014 20:16 0 0 0