Sevgi cəfası - Rafət Rəşidoğlu
Son güncelleme:
-
Rafət Rəşidoğlu şeirləri - Sevgi cəfası şeirin oxu
Kim deyir ki, hər gözəlin,
Sevgisinə vəfası var?
Birtərəfli məhəbbətin,
Görünməyən cəfası var.
Vurulmuşam bir gözələ,
Ömrüm dönübdür xəzələ,
Uymayır şeirə qəzələ,
Çox böyük iddası var.
Rədd eləyir məhəbbəti,
Üstün tutur var-dövləti,
Ataların var söhbəti.
Ki, saf eşqin səfası var.
Qaşları kaman kimidir,
Gözləri badam kimidir,
Baxırsan adam kimidir,
Duruşu var, ədası var.
Səhranın bəyaz günəşi,
Yandırır yaxır atəşi,
Çox sürməyəcək nə'şəsi,
Bir ayrılıq havası var.
Hələ ki, geç deyil, Rafət,
Gəl özünə eylə hörmət,
Alınmaz belə məhəbbət,
Bu sevdanın xətası var,
Bu sevdanın xətası var.
Rafət Rəşidoğlu