Kədərlərin qalıb məndə - Rafət Rəşidoğlu

Son güncelleme: 13.11.2015 13:10
  • Rafət Rəşidoğlu şeirləri - Kədərlərin qalıb məndə şeirin oxu

    Yenə nələr istəyirsən,
    Daha nəyin qalıb məndə?
    Sevincini aparmısan,
    Kədərlərin qalıb məndə.

    Gizli gəzən küçələrdən,
    Nazla verən busələrdən,
    O ehtirasli bədəndən,
    Qoxun, ətrin qalıb məndə.

    Səfasını görmədiyin,
    Ürəyindən silmədiyin,
    İndi tapa bilmədiyin,
    Məhəbbətin qalıb məndə.

    Səadəti gətirməyən,
    Xəyanəti götürməyən,
    Təravətin itirməyən,
    Şux gəncliyin qalıb məndə.

    Bilmədin qədrin Rafətin,
    Puç eylədin məhəbbətin,
    O vaxt verdiyin vəslətin,
    Gəlinliyin qalıb məndə.

    Arayıb, axtara bilsən,
    Ürəyimi yara bilsən,
    Gəl apar, apara bilsən,
    Sənsizliyin qalıb məndə.

    Rafət Rəşidoğlu
#13.11.2015 13:10 0 0 0