1. Ana Sayfa
  2. Azərbaycan
  3. Zərərli məhsulların reytinqi

Zərərli məhsulların reytinqi

Son güncelleme: 11.09.2010 15:45
Lady_rap Lady_rap foto
  • Zərərli məhsullar - Zərərli Məhsullar Hansılardır


    Qida məhsulları üçün SOS siqnalı

    Qraf Kaliostro demişdir: "Bıçaq və çəngəllə özümüzə qəbir qazırıq". Doğrudan da insan qidalanma ilə cavanlığını uzada da bilər, əksinə xəstəliyi və ölümü yaxınlaşdıra da. Natural gigiyenaçılar isə söyləyirlər ki, insan nə qədər dadlı-ləzzətli yeyirsə, o qədər də öz sağlamlığına qəsd etmiş olur.istər-istəməz belə bir sual doğur: necə yaşamalı? Ac yaşamaq mümkün deyil, yeyəndə də xəstəlik tapırsan...
    "Qızıl orta"nı tapmaq heç də asan deyil. Bunun üçün həkimlər, herentoloqlar, diyetoloqlar, kulinarlar uzun illərdir ki, baş sındırırlar. Onda heç olmasa nəyin nə dərəcədə ziyanlı olmasını nəzərə alaq.
    Diyetoloqlar, qida sənayesi mütəxəssisləri, bu sahədə çalışan peşəkarlar arasında aprılan sorğu nəticəsində zərərli qida məhsullarının reytinqi müəyyən edilmişdir. Onlar kütləvi xəstəliklərin yaranmasına səbəb olan məhsulların siyahısını tərtib etmişlər.
    Araşdırma nəticəsində qida məhsullarını zərərliyinə görə dərəcələrə ayrılıb. Birinci yerə 5, ikinci 4, üçüncü 3, dördüncü 2, beşinci yerə 1 xal verilib. Verilən xalları toplayaraq zərərli qida məhsullarının reytinqi tərtib edilib.

    Zərərli məhsulların reytinqi:

    I yer - 12 xal

    Çips
    Çipslərin hazırlanma texnologiyası kanseroqen sintetik yağların və digər konseroqenlərin (akrilamid, benzopiren və s.) yaranmasına səbəb olur. Dolayısı ilə desək, çipslər xərçəngin yaranmasına səbəb olan qidalardan biridir.

    Limonad
    Limonadın həddən artıq qəbulu maddələr mübadiləsini pozur (şəkərin çoxluğuna görə), sintetik rəngləyicilər çox vaxt allergiyaya səbəb olur, karbon qazı isə mədə turşuluğunu artıraraq qastritə səbəb olur.

    II yer - 7 xal

    Fastfud - ayaqüstü yeməklər
    Bu anlayış altında ilk növbədə dönər, hamburger, xaçapuri, kartof-fri və s. nəzərdə tutulur. Bu yeməklər dəfələrlə istifadə olunan bitki yağında qızardılır. Elə bu səbəbdən də onun tərkibində kanserogenlər əmələ gəlir.

    III yer - 6 xalla

    Ucuz kolbasalar
    Çox vaxt tərkibində təbii heç nə olmur. Orqanizm üçün təhlükəsiz olduğu sübut olunmayan rəngləyicilər, aromatizatorlar və digər sintetik qatqılarla zəngin olur.
    Hisə verilmiş ət və balıq
    Tərkibində ən güclü kanserogenlərdən sayılan olan benzpiren olur.
    Ketçup və mayonezlər
    Mayonezlərdə çox vaxt kanserogen sintetik yağlar, ketçupda isə orqanizmin maddələr mübadiləsini pozan süni nişasta olur.

    IV yer - 4 xal

    Sənaye tullantıları ilə çirklənmiş tərəvəz və meyvələr
    Sənaye müəssisələrinin, maşın yollarının kənarından yığılan, eyni zamanda gübrələrdən istifadə edilərək yetişdirilən meyvə və tərəvəzlərdə külli miqdarda benzpiren və digər kanseroqenlər toplanır.
    Konservlər
    Konservlərin tərkibində baş ağrıları, damarların spazmı, maddələr mübadiləsinin pozğunluğuna səbəb olan və orqanizmə zərərli təsir göstərən qlyutamat natrium maddəsi var.

    V yer - 3 xal

    Marqarinlər və sintetik yağlar
    Çipslər kimi marqarinlər də tərkibində kanseroqen transqen yağlar saxlayır.
    Tərkibində çox miqdarda yağ və şəkər olan qənnadı məhsulları
    Belə şirniyyatların müntəzəm istifadəsi maddələr mübadiləsinin pozğunluğuna səbəb olan ən qısa yoldur. Taxıl məhsulları da eyni cür zərərli təsirə malikdir.

    VI yer - 2 xal

    Kofeinli stimulyatorlar
    Bu sıraya qəhvə və energetik içkilər daxildir. Gün ərzində 2-3 fincan qəhvə içmək bir o qədər də təhlükəli deyil. Energetik içkiləri isə hər gün içmək olmaz. Bu içkilərdən həddən artıq istifadə sinir sisteminin zəifləməsinə aparıb çıxarır.
    Süd isə nə qədər faydalı olsa da, bir çox insanların orqanizmi onu götürmür.

    VII yer - 1 xal

    Evdə hazırlanan konservasiyalar
    Konservasiyalar çox vaxt texnologiyanın pozulması ilə hazırlanır, bu da ölümcül zəhərlənmələrə səbəb olur. Məsələn, botulotoksinlə zəhərlənməni buna misal göstərmək olar.
    Dondurma
    Tərkibində maddələr mübadiləsini zəiflədən sintetik qatılaşdırıcılar və aromatizatorlar olur.
#11.09.2010 15:45 0 0 0