1. Ana Sayfa
  2. Azərbaycan
  3. Qəzəl

Qəzəl

Son güncelleme: 09.07.2012 23:19
Sarsın Sarsın foto
  • Qəzəl dinle

    Dəli Könül, nə divanə gəzirsən?
    Bivəfa Dilbərdən sənə yar olmaz.
    Düz çıxmaz İlqarı, əhdi-peymani,
    Hərcayıda namus, qeyrət, ar olmaz.

    Üz vermə nadana, sirr vermə pisə,
    Axır qəlbin ya inciyə, ya küsə.
    Ot bitər kök üstə, əsli nə isə
    Yovşan bəsləməklə çəmənzar olmaz.

    Vəfalıya əmək çəksən itirməz,
    Bədəsil nəsihət, öyüd götürməz.
    Qabaq tağı tər şamana bitirməz,
    Göy söyüddə heyva olmaz, nar olmaz.

    Təklif olunmamış bir yerə varma,
    Nər olmaz meydanda hər biğiburma.
    Seyrəqib adama sən yaxın durma,
    Xain çıxar, ondan düz İlqar olmaz.

    Xəstə Qasım günü keçmiş qocadı,
    Gələn bəzirgandı, gedən xocadı.
    Sərv ağacı hər ağacdan ucadı,
    Əsli qıtdı, budağında bar olmaz.

    Alıntı...
#09.07.2012 23:19 0 0 0