N.N.
Üye
23.04.2010
Üsteğmen
22.919
Üsteğmen
22.919
Hakkında
Mən Fəxir Edirəm ki,Azərbaycanlıyam..Heydər Əliyev..
-
Sefali bitkiler - Qidalar - Yuxuya dair qidalar - Meslehetli mehsullar
Araşdırmalar zamanı bəzi qidaların yuxudan əvvəl insanı rahatlatdığı ortaya çıxıb.
Yuxu probleminiz varsa, bu qidaları yemənizi məsləhət görürük. Aile.lent.az həmin qidaları təqdim edir.
Badam. Maqnezium baxımından zəngin bir qidadır. Maqnezium insanların yaxşı yuxu yatmasına kömək edir. Maqnezium əskikliyi olanlar yuxuya getməkdə çətinlik çəkirlər.
Bal. Balda olan təbii şəkər insulini yüksəldir və dərin yuxu üçün beyinə siqnal göndərir. Balı yatmadan əvvəl çobanyastığı çayına qarışdıraraq için.
Qoz. Triptofan baxımından zəngindir. Triptofan bədən saatını təyin edən seratonin və melatonin hormonlarını artırır. Hormonların düzgün çalışması da yuxusuzluq problemini aradan qaldırır.
Kahı. Kahının sakitləşdirici faydası var. Buna görə axşam yeməklərində kahı olan salat yemək rahat yatmanıza yardım edəcək.
Çobanyastığı çayı. Bitki çayları arasında yuxuya faydalı olan yeganə çaydır. Sinirləri və əzələləri rahatlatdığı üçün sakitləşdiricidir.
Pendir və süd. Kalsium yuxuya lazımlı olan melatonin hormonunun çalışmasına yardım edir. Buna görə yatmadan əvvəl kalsiumla zəngin yeməkləri yemək yuxusuzluq üçün yaxşı çarədir.
Ton balığı. B6 vitamini il zəngin qidalar sırasında yer alır. B6 vitamini bədənin seratonin və melatonin hormonlarının ifrazını artırır.
Çiy sarımsaq və fıstıq da B6 vitamini yüksək qidaların başında gəlir. Axşam yeməklərində bu qidaları yeməniz yuxunuza yardım edəcək.
Vişnə suyu. Araşdırmalara görə, yatmadan əvvəl bir stəkan vişnə suyu içmək yuxuya dalmağı sürətləndirir.
Gilas da təbii olaraq melatonin səviyyəsini yüksəldir.
Duzlu kraker. Axşamlar qlisemik indeksi yüksək olan yeməklər yesəniz, gecənin bir vaxtı yataqdan qalxa bilərsiniz. Bunun üçün insulin balansını normal səviyyədə saxlayan qidalar yeyin. Bunlardan biri də duzlu krakerdir. Səhərə qədər nə acacaqsınız, nə də yuxunuz yarım bölünəcək.
Yazar:Fərizə Əhmədova.
-
Şou biznes xəbərləri - Məşhurlar
ANS-dən uzaqlaşdırılan aparıcı Elnarə Təhməzova yenidən həmin telekanalda veriliş aparacaq. Lent.az-ın məlumatına görə, telekanalın yeni mövsümlə bağlı anonsunun videosunda aparıcı da iştirak edib.
Qeyd edək ki, E.Təhməzova hicablı qadınlara “bayquş” dediyinə görə ANS-dən çıxarılmışdı. O, telekanalda "İncə Maraqlar" və “İncə+” verilişlərinin aparıcısı olub.
[video=youtube_share;-_ewwpH18-8]https://youtu.be/-_ewwpH18-8[/video]
alinti...
-
Şou biznes xəbərləri - Məşhurlar
Müğənni Rəqsanə İsmayılova Siyəzən rayonu ərazisində yerləşən Xıdır Zində pirinə gedib. Lent.az-ın məlumatına görə, ziyarət zamanı çəkilmiş fotolarını sosial şəbəkədə paylaşan ifaçı şəklə “Allah dualarımızı qəbul etsin. Amin” şərhini yazıb.
Onu da əlavə edək ki, ifaçı pirə anası, bacısı və işçiləri ilə birgə yollanıb. Ziyarətgahdan sonra isə müğənni kabab qonaqlığı verib.
alinti...
-
Şou biznes xəbərləri - Məşhurlar
Azərbaycanlı aktyor-aparıcı Elnur Kərimovun ailəsində şad xəbər var. Lent.az-ın məlumatına görə, aktyor bu gün ikinci dəfə ata olub. Onun oğlu dünyaya göz açıb.
Qeyd edək ki, E.Kərimovun yeni doğulmuş oğul övladından savayı bir qızı var.
alinti...
-
Xeberler - Siyasi xeber
Prezident İlham Əliyev sentyabrın 4-də Belarus Respublikasının ölkəmizdə yeni təyin olunmuş fövqəladə və səlahiyyətli səfiri Gennadi Axramoviçin etimadnaməsini qəbul edib. Lent.az-ın Azərtac-a istinadən məlumatına görə, səfir Gennadi Axramoviç fəxri qarovul dəstəsinin qarşısından keçib, etimadnaməsini prezidentə təqdim edib.
Prezidentlə görüşdə diplomat ölkəmizə gəldiyi ilk gündən xalqımız tərəfindən ona göstərilən qonaqpərvərliyin və səmimi münasibətin onda xoş təəssürat yaratdığını deyib.
Xoş sözlərə görə səfirə minnətdarlığını bildirən dövlət başçısı Azərbaycan xalqının da Belarus xalqına böyük rəğbət bəslədiyini vurğulayıb. Ölkələrimiz və xalqlarımız arasında yüksək səviyyəli əlaqələrə toxunan İlham Əliyev dövlət başçıları və ayrı-ayrı qurumların rəhbərləri arasında səmimi münasibətlərin mövcud olduğunu vurğulayaraq ikitərəfli münasibətlərimizin dostluq və qarşılıqlı yardım prinsipləri əsasında qurulmasından məmnunluğunu ifadə edib.
Xalqlarımızı bir-birinə yaxınlaşdıran çoxlu sayda dəyərlərin olduğunu qeyd edən prezident son illər Azərbaycan ilə Belarus arasında əlaqələrin bütün sahələrdə dinamik şəkildə inkişaf etməsinin önəmini diqqətə çatdırıb. Münasibətlərimizin daha da inkişaf etdirilməsinin əhəmiyyətini bildirən prezident bu əlaqələrin möhkəmləndirilməsi baxımından səfirliyin rolunu xüsusi vurğulayıb. Dövlət başçısı G. Axramoviçin diplomatik fəaliyyəti dövründə fəal çalışacağına, yeni əməkdaşlıq formalarının müəyyənləşdirilməsi istiqamətində səylərini əsirgəməyəcəyinə ümidvar olduğunu bildirərək ona diplomatik fəaliyyətində uğurlar arzulayıb.
Fövqəladə və səlahiyyətli səfir Gennadi Axramoviç Azərbaycan-Belarus ikitərəfli münasibətlərinin fəal şəkildə inkişaf etdirilməsi və əməkdaşlığımızın bütün sahələrdə daha da genişləndirilməsi ilə bağlı ölkələrimiz arasında əsaslı bazanın yaradıldığını vurğulayıb. G. Axramoviç Azərbaycana səfir kimi təyinatını qəbul edərkən ölkəsinin Prezidenti Aleksandr Lukaşenkodan əlaqələrimizin mövcud baza üzərində əhəmiyyətli və dinamik şəkildə daha da inkişaf etdirilməsi ilə bağlı çox dəqiq göstərişlər aldığını bildirib. Səfir ikitərəfli münasibətlərimizin bütün sahələrdə inkişaf etdirilməsi ilə bağlı səylərini əsirgəməyəcəyini deyib.
alinti...
-
Xeberler - Siyasi xeber
Prezident İlham Əliyev bu gün Xızı rayonunda suvarılacaq torpaqlarda meliorativ tədbirlərin başa çatdırılaraq yeni inşa olunan Taxtakörpü-Ceyranbatan kanalından suvarma suyunun verilməsi mərasimində iştirak edib. Lent.az-ın AzərTAc-a istinadən verdiyi məlumata görə, dövlət Neft Fondunun vəsaiti hesabına 2013-cü ildə “Samur-Abşeron suvarma sisteminin yenidən qurulması” layihəsi çərçivəsində mühüm əhəmiyyət kəsb edən su elektrik stansiyası ilə birlikdə ümumi su tutumu 268 milyon kubmetr olan Taxtakörpü su anbarının, Taxtakörpü-Ceyranbatan və Vəlvələçay-Taxtakörpü kanallarının tikintisi müvəffəqiyyətlə başa çatdırılıb. 2014-cü il fevralın 5-də regionların sosial-iqtisadi inkişafı Dövlət proqramlarının icrasına həsr olunan konfransda Prezident İlham Əliyev Taxtakörpü su anbarının istifadəyə verilməsi ilə əlaqədar layihə zonasında yerləşən rayonlarda yeni suvarılan torpaqların müəyyən edilməsi üzrə tapşırıq verib.
Həmin tapşırığın icrası ilə əlaqədar “Meliorasiya və Su Təsərrüfatı” Açıq Səhmdar Cəmiyyətinin (ASC) sifarişi ilə Türkiyənin “Təməlsu” məsləhətçi şirkətinin hazırladığı, “Evrascon” ASC və “Körpü-Bina-Tikinti” MMC tərəfindən icra olunan layihələrə əsasən “Samur-Abşeron suvarma sisteminin yenidən qurulması” layihəsi zonasında yerləşən Şabran rayonunda 14 min 38 hektar, Siyəzən rayonunda 6 min 972 hektar, Xızı rayonunda isə 9 min 609 hektar olmaqla cəmi 30 min 619 hektar yeni suvarılan torpaq sahələri müəyyən edilib. “Samur-Abşeron suvarma sisteminin yenidən qurulması” layihəsi zonasında yerləşən yeni suvarılan torpaqlarda aparılacaq meliorativ tədbirlər Dövlət Neft Fondunun vəsaiti hesabına həyata keçirilir.
“Meliorasiya və Su Təsərrüfatı” Açıq Səhmdar Cəmiyyətinin sədri Əhməd Əhmədzadə dövlət başçısına layihə haqqında ətraflı məlumat verib. Bildirdi ki, “Şabran, Siyəzən və Xızı rayonlarında mövcud suvarılan torpaqların su təminatının yaxşılaşdırılması və yeni suvarılan torpaqların istifadəyə verilməsi” layihəsinə daxil olan Xızı rayonu üzrə hazırlanan layihədə cəmi 12 min 579 hektar sahənin 9 min 609 hektarında meliorativ tədbirlər aparılmaqla yeni suvarılacaq torpaqların istifadəyə verilməsi və 2 min 970 hektarında mövcud əkin sahələrinin su təminatinin yaxşılaşdırılması nəzərdə tutulur.
Prezident İlham Əliyev Taxtakörpü-Ceyranbatan kanalından Xızı rayonunda yeni suvarılan torpaqlara suyun verilməsi qurğusunu işə salıb.
Dövlət başçısına “Samur–Abşeron suvarma sisteminin yenidən qurulması” layihəsinə daxil olan “Şabran, Siyəzən və Xızı rayonlarında mövcud suvarılan torpaqların su təminatının yaxşılaşdırılması və yeni suvarılan torpaqların istifadəyə verilməsi” layihəsi barədə ətraflı məlumat verilib. Diqqətə çatdırıldı ki, Xızı rayonu üzrə yeni suvarılacaq torpaq sahələrinə dövlət, bələdiyyə və xüsusi mülkiyyətdə olan torpaqlar daxildir. Su yeni inşa olunan Taxtakörpü-Ceyranbatan və Samur-Abşeron kanallarından götürüləcək. Layihədə ümumi uzunluğu 269,7 kilometr, o cümlədən 200,3 kilometr qapalı və 69,4 kilometr açıq suvarma şəbəkələrinin tikintisi nəzərdə tutulur. Torpaqların meliorativ vəziyyətinin yaxşılaşdırılması məqsədilə 1150 hektar sahədə kollektor-drenaj şəbəkəsi layihələndirilib. Layihə 2014-cü ildə Fövqəladə Hallar Nazirliyi tərəfindən dövlət ekspertizasının rəyi ilə təsdiq edilib.
Qeyd edək ki, Prezident İlham Əliyev 2014-cü ilin iyul ayının 22-də Xızı rayonuna səfəri zamanı yeni inşa olunan Taxtakörpü-Ceyranbatan kanalından rayonun yeni suvarılan torpaq sahələrinə suyun verilməsi və mövcud suvarılan torpaqların su təminatının yaxşılaşdırılması üçün suburaxıcı qurğunun təməlinin qoyulması mərasimində iştirak edib və bu işlərin vacibliyini nəzərə alaraq, onların sürətləndirilməsi üçün müvafiq tapşırıqlarını verib. “Meliorasiya və Su Təsərrüfatı” Açıq Səhmdar Cəmiyyəti tərəfindən bu tapşırıqların vaxtında icrasının təmin edilməsi üçün Dövlət Neft Fondunun vəsaiti hesabına 2014-cü ildən 3 min 396 hektar torpaq sahələrində kompleks meliorativ tədbirlərin həyata keçirilməsinə başlanılıb və işlər bu ilin avqust ayında tamamlanıb. Yeni istifadəyə veriləcək 3 min 84 hektar torpaq sahəsinin 514 hektarı dövlət, 1715 hektarı bələdiyyə və 855 hektarı xüsusi mülkiyyətdədir. Bu torpaqların 170 hektarında ABŞ istehsalı olan, ən son texnologiyalara əsaslanan yağış üsulu ilə suvarma sistemi quraşdırılıb. Bu sistem respublikada təbii təzyiq hesabına çiləmə aparan yeganə sistemdir.
Prezident yaradılmış imkanlardan səmərəli istifadə edilməsi, növbəti layihələrin vaxtında və uğurla icra olunması ilə bağlı müvafiq nazirliklərin və qurumların rəhbərlərinə tapşırıq və tövsiyələrini verib.
Alinti...
-
Show Biznes xeberleri - Meşhurlar
Xalq artisti İlhamə Quliyevanın 1979-ci ildə çəkilmiş fotoları üzə çıxıb. Lent.az-ın məlumatına görə, həmin fotoları operator-fotoqraf Bəxtiyar Babayev lentə alıb: “Bu şəkilləri 36 il öncə mən çəkmişəm. Şəxsi arxivimdəndir. Ümumiyyətlə, məndə 1978-ci ildən bəri bir çox müğənnilərin arxiv şəkilləri var”.
İ,Quliyevanın 36 il öncə çəkilmiş fotolarını təqdim edirik.
alinti...
-
Xeberler - Dunyadan xeber
Sentyabrın 4-də İrəvanda etirazçılar Hökümət evinə girişi bağlayaraq nazirlər kabinetinin əməkdaşlarını iş yerlərinə buraxmamaq qərarına gəliblər.
APA-nın TASS agentliyinə istinadən verdiyi məlumata görə, bu barədə “Ayağa qalx, Ermənistan” vətəndaş təşəbbüsünün rəhbərlərindən biri Andreas Qukasyan bildirib.
“Hesab edirik ki, artıq bu hakimiyyətin vaxtı keçib. Sentyabrın 4-də keçirəcəyimiz aksiyalar elektrik enerjisinin bahalaşmasına etiraz edənlər və ölkədə konstitusiya islahatlarına qarşı çıxanları birləşdirə bilər. Biz Ermənistanda növbədənkənar prezident seçkilərinin keçirilməsini tələb edəcəyik”, deyə A. Qukasyan bildirib.
Qeyd edək ki, sentyabrın 1-də İrəvanın mərkəzindəki Baqramyan meydanında “Soyğunçuluğa yox” hərəkatının tərəfdarları elektrik enerjisi tariflərinin artırılmasına qarşı etiraz aksiyası keçirib.
Alinti...
-
Xeberler - Siyasi xeber
Sentyabrın 2-də Heydər Əliyev Fondunun vitse-prezidenti, BMT-nin Ərzaq və Kənd Təsərrüfatı Təşkilatının (FAO) xoşməramlı səfiri Leyla Əliyevanın iştirakı ilə qurumun Romadakı baş ofisində bir sıra görüşlər keçirilib.
APA-nın məlumatına görə, Əvvəlcə FAO-nun xoşməramlı səfiri Leyla Əliyevanın iştirakı ilə təşkilatın fəaliyyətini əks etdirən təqdimatlar, müzakirələr olub. Sonra FAO və onun missiyası barədə ətraflı məlumat verilib, təşkilatın özəl sektorla tərəfdaşlıqları, Azərbaycanda və bölgədə Resurs Mobilizasiyası proqramı, qurumun təbii resurslar və iqlim dəyişikliklərinə dair fəaliyyətinin davamlı idarəetməsi ilə bağlı görülən işlərdən danışılıb.Təşkilatın xoşməramlı səfiri Leyla Əliyevaya burada çalışanlar üçün yaradılmış şərait barədə məlumat verilib və binadakı plenar iclas zalı ilə tanışlıq olub.
Daha sonra Heydər Əliyev Fondunun vitse-prezidenti Leyla Əliyeva FAO-nun baş direktoru Joze Qratsiano da Silva ilə görüşüb. Görüşdən məmnunluğunu bildirən təşkilatın baş direktoru Heydər Əliyev Fondunun fəaliyyətini yüksək qiymətləndirib, Leyla Əliyevanın rəhbərlik etdiyi IDEA İctimai Birliyinin ekologiya sahəsində həyata keçirdiyi layihələrin əhəmiyyətini vurğulayıb. Joze Qratsiano qeyd edib ki, Azərbaycanda yoxsulluğun azaldılması sahəsində görülən işlər dünya ölkələri üçün bir nümunədir. O, bu baxımdan Azərbaycanda yoxsulluğun səviyyəsinin 5 faizə enməsini xüsusi vurğuladı və bu sahədə görülən işlərə görə Prezident İlham Əliyevə təşəkkürünü bildirib.
Səmimi qəbula görə minnətdarlığını bildirən Heydər Əliyev Fondunun vitse-prezidenti Leyla Əliyeva Azərbaycan ilə FAO arasında əməkdaşlığın uğurla inkişaf etməsindən danışaraq ölkəmizdə ərzaq təhlükəsizliyinin təmin edilməsi istiqamətində qazanılan nailiyyətlər, həyata keçirilən layihələr barədə məlumat verib. Leyla Əliyeva son illərdə Azərbaycanda kənd təsərrüfatının sürətlə inkişaf etdiyini, bu sahədə həyata keçirilən islahatları və ölkəmizdə fermerlərə yüksək səviyyədə dövlət dəstəyinin göstərildiyini diqqətə çatdırıb. Leyla Əliyeva Heydər Əliyev Fondunun humanitar sahədəki fəaliyyəti, dünyanın müxtəlif ölkələrində həyata keçirdiyi mühüm layihələr və IDEA İctimai Birliyi barədə məlumat verdi, gələcəkdə FAO ilə birlikdə bir sıra layihələrin reallaşdırılacağını bildirib. Heydər Əliyev Fondunun vitse-prezidenti gənclərin FAO çərçivəsində icra olunan layihələrin dəstəklənməsi istiqamətində fəaliyyətinin vacibliyini də vurğulayıb. Qeyd edək ki, Azərbaycan 1995-ci ildən FAO-nun üzvüdür. Ölkəmizdə qurumun layihə əlaqələndirmə ofisi 2007-ci ildən fəaliyyət göstərir. Bir müddət əvvəl isə Azərbaycanda təşkilatın ilk əlaqələndirmə və tərəfdaşlıq ofisi açılıb.
Sonra Heydər Əliyev Fondunun vitse-prezidenti Leyla Əliyevanın FAO-nun xoşməramlı səfiri kimi ilk dəfə fəaliyyətə başlaması ilə əlaqədar təntənəli mərasim olub və qarşılıqlı hədiyyələr təqdim edilib. Xatırladaq ki, Leyla Əliyeva humanitar və ekologiya sahəsindəki fəaliyyətinə görə FAO-nun xoşməramlı səfiri adına layiq görülüb. Bu qurum dünyada aclıqla mübarizə, ərzaq təhlükəsizliyinin təmin olunması, kənd təsərrüfatı, meşə və balıqçılıq təsərrüfatının səmərəliliyinin artırılması, sağlam ərzaq sistemlərini yaratmaq kimi vəzifələri qarşısına məqsəd qoyub. Heydər Əliyev Fondunun vitse-prezidenti Leyla Əliyevanın fəaliyyəti isə bu məqsədlərə nail olmağa töhfə verir.
Daha sonra Leyla Əliyeva FAO-nun media mərkəzinə müsahibə verib. Leyla Əliyeva təşkilatın binasındakı zəngin kitabxanaya da baxıb. Məlumat verilib ki, burada FAO-nun media mərkəzi də yerləşir. Dünyanın 130-dan çox ölkəsində nümayəndəliyi olan təşkilatın qarşısına qoyduğu qlobal vəzifələr və məqsədlər ərzaq təhlükəsizliyinin təmin edilməsi, aclıqla mübarizə, təbii resursların, o cümlədən torpaq, su, hava, iqlim və genetik resursların davamlı idarəolunması və yoxsulluğun azaldılmasıdır.
alinti...
- Saolun var olun...cok teekkur ederim...
-
İmmun sistemi - İmmunitet - İmmunitet nedir?
Bir sıra reklamlardan biz belə bir məlumat eşidirik: "İnsan immunitetinin böyük bir hissəsi bağırsaqlarda yerləşmişdir". Həqiqətən bu belədirmi və bu sözlərin mənası nədən ibarətdir?
Məlumat üçün bildirmək istəyirik ki, insanın bağırsaqları özünün əsas həzmedici funksiyasından savayı, onun immunitetinin saxlanmasında da böyük rol oynayır. Burun-udlağın, bronxların selikli qişası kimi, bağırsaqların selikli qişası da çox vacib olan maneə funksiyasını da daşıyır. Nazik bağırsaqlarda yerləşmiş limfoid toxumalarının düyün şəklində olan yığınları – Peyer yığınları A və E immunoqlobulinlərin sintezində ən aktiv şəkildə iştirak edirlər.
Bağırsaqların normal mikroflorası, yəni bağırsaqlarda məskunlaşmış mikroorqanizmlər insanın sağlamlığının qorunmasında çox böyük rol oynayırlar.
İnsanın bağırsağında xeyli sayda həm “yaxşı”, həm də “pis” mikroorqanizmlər yaşayırlar. Yaxşı” mikroorqanizmlər (əsasən: lakto- və bifidobakteriyalar, bağırsaq çöpləri) orqanizmin normal fəaliyyəti üçün cox vacibdir. “Pis” mikroorqanizmlər isə (stafilokokklar, streptokokklar, enterokokklar, Kandida göbələkləri, protey və s.) bunun əksinə olaraq, orqanizmə zərər vura bilərlər. Ancaq “yaxşı” mikroorqanizmlərin sayı xeyli üstün olduqda, onlar “pis” mikroorqanizmlərin sayının artmasının qarşısını alaraq oz vəzifələrini müvəffəqiyyətlə yerinə yetirirlər. Bu tarazlıq “pis” mikroorqanizmlərin xeyrinə dəyişdiyi halda isə insan orqanizmi xeyli dərəcədə əziyyət cəkməyə başlayır.
İnsan orqanizmi üçün xeyirli olan mikrofloranın sayca ən çox və əvəzedilməz hissəsi – bifidobakteriyalar və laktobakteriyalardır. Süd turşusu və sirkə turşusu istehsalçıları olan bu bakteriyalar bağırsaq boşluğunda patoloji mikroorqanizmlərin çoxalmasının qarşısını alır.
Bağırsaqda olan xeyirli mikroflora qəbizlik və ishalın qarşısını alaraq onun peristaltikasını (hərəkətliliyini) stimulaşdırır, orqanizmi allergiyadan qoruyur, bizim orqanizmimizin sağlamlığı üçün çox vacib olan maddələr – süd turşusu, sirkə turşusu və digər turşular, amin turşuları və zülallar, B1, B2, B6, B12, K vitaminləri, nikotin, pantoten və fol turşuları hazırlayır. Bizim orqanizmimiz üçün vacib olan dəmir, kalsium və digər vacib mikroelementlər də qana məhz bağırsaqdan sorulur.
Qeyd edək ki, bağırsaqların xeyirli mikroflorasının ən vacib xüsusiyyəti - onun bağırsaqda olan xərçəng hüceyrələrinin inkişafının qarşısını almaq, həmçinin, orqanizmə ətraf mühitdən daxil olaraq immunitetin zəifləməsinə səbəb olan toksik maddələri zərərsizləşdirməkdən ibarətdir.
Bundan başqa, bağırsaqların xeyirli mikroflorası həmçinin immun sisteminin çox vacib hissələri olan immunoqlobulinlərin sintezində iştirak edir, B, T-limfositlərin və makrofaqların yaranmasını da aktivləşdirir.
Yuxarıda qeyd etdiyimiz insan orqanizminin sağlamlığı üçün çox vacib olan bütün bu proseslər yalnız o halda normal şəkildə gedə bilər ki, bağırsaq mikroflorası pozulmamış olsun. Yəni orada olan xeyirli mikroflora zərərli mikrofloradan xeyli artıq olmalıdır. Əgər bu tarazlıq pozularsa, yuxarıda qeyd edilən proseslər də pozulmuş olur. Mikrofloranın normal tarazlığının pozulması disbakterioz adlanır.
Beləliklə, bağırsaq disbakteriozu – bağırsaqda “yaxşı” mikroorqanizmlərin sayının kəskin şəkildə azalması və “pis” mikroorqanizmlərin sayının isə xeyli dərəcədə artması zamanı yaranan haldır.
Əfsuslar olsun ki, disbakterioz - bir çox xroniki xəstəliklərinin inkişafı və mövcud olan xəstəliklərin isə kəskinləşməsi üçün ən "əlverişli" şəraitdir. Disbakterioz zamanı orqanizmin müdafiə qüvvələrinin zəifləməsi, infeksion xəstəliklərə qarşı həssaslığın isə artması baş verir. Bu zaman orqan və toxumalarda histamin maddəsinin artması baş verir ki, bu da allergiyanın yaranmasına səbəb olur.
Disbakterioz zamanı orqanizm üçün vacib olan maddələrin bağırsaqdan sorulması prosesi xeyli dərəcədə pozulur. Bu zaman orqanizmdə həmin maddələrin defisiti - çatışmazlığı baş verir, hipovitaminoz inkişaf edir. Bu da öz növbəsində dərhal immunitetə də öz mənfi təsirini göstərir.
Disbakterioz zamanı bağırsaqda qida maddələrinin kifayət parçalanması və mənimsənilməsi normal şəkildə gedə bilmir. Bu zaman kifayət qədər həzm olunmayan qida kütlələri bağırsaqda cürüməyə başlayır ki, bunun da nəticəsində xeyli miqdarda toksinlər və zəhərli maddələr əmələ gəlir ki, nəticədə immun sisteminə güclü zərbə vurulur.
Bəs disbakterioz hansı şəraitdə inkişaf edə bilər?
1. Əgər bağırsaqda olan mühit xeyli dərəcədə turş və ya qələvi olarsa (xolesistit, pankreatit, hepatit, qastrit, xora xəstəliyi, bağırsaq xəstəlikləri zamanı). Buna səbəb isə, bu zaman bağırsaqda olan maddələr mübadiləsinin pozulması və xeyirli mikrobların hüceyrə membranının zədələməsi olur.
2. Müxtəlif xəstəliklər nəticəsində (mədənin, mədəaltı vəzin, qara ciyərin funksiyasının pozulması) həzm fermentləri kifayət qədər ifraz olunmur. Bu zaman həzm olunmamış qida qalıqları qıcqırmağa başlayır. Nəticədə onlar xəstəlik törədici mikroblar üçün qidalı mühitə çevrilirlərək onların inkişafına səbəb olur.
3. Bağırsaq divarındakı əzələlər, onun daxilində olan möhtəviyyatın normal hərəkətini təmin edə bilmədikdə (psixi və ya fiziki stress nəticəsində bağırsaq əzələlərinin spazmı və ya tonusunun zəifləməsi; vegetativ damar distoniyası; mədə və bağırsaq üzərində aparılan cərrahi əməliyyatlardan sonra).
4. Qida rasionunda, bağırsaqdakı “xeyirli” mikrobların inkişafını təmin etmək üçün vacib olan maddələrin olmaması. Məsələn, kəskin pəhrizlər, “quru” qidalanmalar, qida rasionunda süd məhsulların və bitki sellülozun (meyvə-tərəvəz) kifayət qədər olmaması.
5. Qida rasionunda bağırsaqdakı “xeyirli” mikrofloraya məhvedici təsir göstərən maddələrin (çox miqdarda ət, un məhsulları, kəskin, yağlı qidalar, nişasta, maya göbələkləri, konservantlar) üstünlük təşkil etməsi.
6. Bağırsaqda parazitlərin (bağırsaq qurdları) və ya xəstəliktörədici mikrobların olması. Onlar “xeyirli” mikrobları məhv edən maddələr ifraz edirlər (dizenteriya, salmonellyoz, virus xəstəlikləri, lyamblioz, helmintozlar).
7. Antibiotiklərin nəzarətsiz şəkildə qəbul edilməsi. Onlar mübarizə aparmalı olduqları “zərərli” mikroblarla yanaşı, “xeyirli” mikrobları da məhv edirlər.
8. Alkoqollu içkilərin çox miqdarda qəbul edilməsi.
Bağırsaqların mikroflorası ilə immun sistemi arasında çox güclü və qarşılıqlı əlaqə vardır. Qeyd etdiyimiz kimi, bağırsaq mikroflorasının pozulması olan disbakterioz xəstəliyi, immunitetin zəifləməsinə səbəb olur. Ancaq digər tərəfdən xroniki stresslər, tez-tez baş verən və uzun sürən xəstəliklər, radiasiya və digər səbəblər də immunitetin aşağı düşməsi ilə nəticələnir. Bu zaman bağırsaq mikroflorasının da pozulması, daha sonra isə immunitetin daha çox zəifləməsi baş verir. Yəni zərərli bir qapalı dairə yaranır. Bu halda immunitetin bərpa edilməsi, bağırsaq mikroflorasının da bərpasına kömək etmiş olur.
Beləliklə, istənilən immunodefisit vəziyyətləri müalicə edərkən bağırsaqlardakı mikroflorasının vəziyyətinə də diqqət yerirmək lazımdır. Ola bilər ki, immunodefisitin səbəbi məhz bağırsaqlardakı disbakterioz olsun.
Disbakteriozun əlamətləri:
- immunitetin zəifləməsi;
- kəskin bağırsaq infeksiyalarının (KBİ) baş verməsi;
- kəskin respirator xəstəlikləri (KRX) və kəskin respirator virus xəstəliklərinin
(KRVX) artması (tezləşməsi);
- ishal və ya qəbizlik formasında olan nəcis ifrazı pozulmaları;
- meteorizm – bağırsaqlarda qazların artıq miqdarda yaranması;
- qarında dartıcı və sıxıcı xarakterdə ağrıların olması;
- yoğun bağırsağa barmaqlarla təzyiq edərkən xeyli səsli qurultu və şırıltının
eşidilməsi;
- tez hirslənmə, məyusluq, əhvalın tez-tez dəyişməsi, depressiya, başgicəllənmə,
yuxunun pozulması, tez yorulmaq, səbəbsiz olan ağlağanlıq, əhvalın kədərli
olması;
- ağızdan və bədəndən pis qoxunun gəlməsi;
- dəri elastikliyini itirir, sallanır və dəridə xeyli dərəcədə qırışlar əmələ gəlir;
- saçların tokulməsi;
- selikli qişalarda və dəridə catların əmələ gəlməsi;
- dəridə səpkilər, sızanaqlar və civzələrin, ekzemanın əmələ gəlməsi, qaşınmanın
olması ilə müşayiət olunan xroniki qida allergiyası vəziyyəti.
Bu əlamətləri özündə hiss edən kimi, dərhal həkimə müraciət edin.
Bağırsaq disbakteriozunun profilaktikası:
- Tərkibində, bağırsaq mikroflorası üçün vacib olan süd məhsullarının, habelə meyvə
və tərəvəzlərin mütləq şəkildə daxil edilməsi şərti ilə düzgün və rasional qidalanma rejiminə əməl edilməsi.
Qatıq, asidofilin, təbii yoqurt, kefirin tərkibində südturşulu bakteriyalar daha çox vardır.
Turşuya qoyulmuş çuğundur bağırsaq mikroflorasını çox yaxşı normallaşdırır. Bunun üçün çuğunduru yuyub hazır olana qədər bişirin. Sonra qabığını soyub böyük olmayan ölçülərdə dilim-dilim doğrayıb bankaya yığın və üzərinə soyudulmuş şəkildə marinad əlavə edin. Ağzını bağlayıb sərin yerdə saxlayın. Marinad belə hazırlanır: 1 kq çuğundur üçün 1 litr su, 2 stəkan təbii alma sirkəsi, 1 çay qaşığı duz, ½ stəkan şəkər tozu, 10 ədəd qara istiot dənəsi, 6 mixək, 2 ədəd dəfnə yarpağı. Marinad qaynadılır, soyudulur və çuğundur olan bankalara tökülür. Bu üsulla hazırlanmış çuğundur gündə bir dəfə yeməkdən qabaq qəlyanaltı kimi qəbul edilir.
Disbakterioz, bağırsaq atoniyası, mədə-bağırsaq sisteminin daxilində gedən çürümə proseslərində sarımsaqsız keçinmək olmaz. Axşam yeməyindən qabaq 1-3 diş sarımsaq yeyib üstündən qatıq için. Disbakterioz zamanı kərəviz köklərindən alınmış şirə (təzə şəkildə
içmək də xeyirli hesab olunur. Onu, gün ərzində 1-2 çay qaşığı olmaqla yeməkdən 30 dəqiqə əvvəl içmək tövsiyə olunur.
Qırmızı turp, qara turp, qıtığotu kökü, xardal, mixək, darçın, dəfnə yarpağı, istiot kimi bitkilərin tərkibində antibakterial (zərərli bakteriyaları məhv edən) maddələr vardır. Badrənc, yovşan, şüyüd, adaçayı kimi bitkilər çürümə verən floranın aradan götürülməsində iştirak edir, qarında olan köpməni aradan götürür.
- Mədə-bağırsaq sistemi üzvlərinin hər bir xəstəliyinin vaxtında və düzgün mualicə edilməsi.
- Stress vəziyyətlərindən uzaq olmaq.
- Antibiotikləri yalnız həkim təyinatı üzrə qəbul etmək.
- Disbakteriozun profilaktikası üçün kəskin respirator xəstəliklər, bağırsaq infeksiyaları zamanı, antibiotiklər qəbul edərkən və s. bu kimi hallarda qısa kurslarla pre- və probiotikləri qəbul etmək tələb olunur. Prebiotiklər – xeyirli mikroflora üçün qida mühitidir, yəni xeyirli mikrobların inkişafını və fəaliyyətini stimullaşdıran maddələrdir. Prebiotiklər əsasən, süd məhsulları, qarğıdalı, yarmalar, çörək, baş soğan, sarımsaq, kələm, lobya, noxud, banan və digər məhsulların tərkibində daha çox olur.
Probiotiklərin tərkibində canlı bakteriyalar olur. Onlar pozulmuş floranı bərpa edir və ya bağırsaqda olan bakteriyaların işinə köməklik göstərirlər. Probiotiklər ya müxtəlif dərman preparatları (həb, toz, kapsula və s.) və ya müalicəvi qida (bioyoqurtlar, biokefirlər) şəklində olur.
alinti...
-
Endokrin sistem - Seker xesteliyi - Şəkərli diabet - Şəkərli diabetlə yanılmalar hansilardi?
Şəkərli diabet bütün dünyada ən çox yayılmış xəstəliklərdən biridir. İldən ilə bu xəstəlikdən əziyyət çəkən insanların sayı artır.
Həkimlər tez-tez deyir ki, şəkərli diabet xəstəlik deyil, həyat tərzidir. Bu nə deməkdir? Məsələ burasındadır ki, şəkərli diabet xəstəsi qanda şəkərin səviyyəsini normada saxladıqda (bu işdə insana müəyyən müalicə, pəhriz, idman məşğələləri və s. kömək edir), adi sağlam insan kimi yaşaya bilər. Yəni şəkərli diabet bu insanın sağlamlığına heç bir ciddi ziyan vurmayacaq.
Əksinə isə insanın qanında şəkərin səviyyəsi daim normadan yüksək olduqda bu bir çox təhlükəli və geriyədönməz pozulmalara səbəb olur. Belə ki, bu qrup xəstələrdə infarkt və insult kimi ağır pozulmaların riski sağlam insanlarla müqayisədə bir neçə dəfə artmış olur. Bundan əlavə belə xəstələrdə korluq ("diabetik retinopatiya"), ayaq barmaqların və ayaqların amputasiyası, böyrək çatışmazlığı və s. kimi çox ciddi ağırlaşmalar mümkündür. Bu ağırlaşmalardan özünü xilas etmək üçün şəkərli diabet xəstəliyi olan insan qanda şəkərin səviyyəsini daim normada saxlamağa çalışmalıdır.
Bəzən bu xəstəliyə təzə tutulmuş və ya müəyyən "stajı" olan xəstələr öz xəstəliyi, onun müalicəsi haqqında yanlış fikirdə olurlar. Bu yanılmalar onlar üçün çox təhlükəli ola bilər.
1. Bir çox diabet xəstələri fikirləşir ki, bu xəstəliyi xalq təbabəti üsulları ilə müalicə etmək mümkündür. Bunun üçün onlar müxtəlif otlar, qidalar (məsələn, qarabaşaq sıyığı qatıqla) və s. istifadə edir. Lakin bu çox təhlükəli yoldur. Bəli, bəzi xalq təbabəti üsulları şəkərli diabet zamanı köməkçi vasitə kimi istifadə oluna bilər. Lakin bu vasitələr yalnız əsas müalicə ilə yanaşı olaraq və yalnız həkimlə məsləhətləşdikdən sonra istifadə oluna bilər. Heç bir xalq təbabəti üsulu xəstənin qanında şəkəri daim normada saxlaya bilməz. Bunu əksər hallarda yalnız xüsusi dərmanlar və pəhrizin köməyi ilə etmək mümkündür.
2. "İnsulin və şəkəri normaya salan həblər ziyanlıdır". Bu da şəkərli diabet xəstələri arasında çox yayılmış və çox təhlükəli yanılmadır ki, xəstələr "ziyanlı" dərmanlardan qorxaraq onların dozasını özbaşına azaldırlar.
İnsulin bizim orqanizmimiz tərəfindən "istehsal olunan" hormondur. Bu səbəbdən xəstəyə lazım olan dozada təyin olunmuş insulin ziyanlı ola bilməz. Bu birmənalıdır. Müasir insulin preparatları ziyansızdır və onların heç bir yanaşı təsirləri yoxdur.
Həblərlə vəziyyət bir qədən çətindir. Həblər orqanizm üçün yad kimyəvi maddələrdir və onların bəzi yanaşı təsirləri mövcuddur. Lakin lazım olan dozada təyin olunmuş həblərin orqanizmə mənfi təsiri yüksək şəkərin təsiri ilə müqayisədə çox-çox cüzidir.
3. "Həkim məni insulinə keçirdib, deməli, mənin vəziyyətim çox ağırdır". Şəkərli diabet xəstələrində elə vəziyyət yarana bilər, ki xəstə əvvəl həblər qəbul edirdi, daha sonra isə həkim ona insulin təyin edir. Bu narahatçılıq üçün səbəb deyil. Həkimin təyinatına ciddi əməl edin.
4. Bir çox xəstələr arasında belə bir fikir yayınmaqdadır ki, "əgər mən dərman içirəmsə, istədiyim qidalar qəbul edə bilərəm". Bu çox səhv fikirdir. Diabet xəstəsi mütləq müəyyən pəhriz saxlamalıdır. Bu haqda müalicə həkimi xəstəyə geniş məlumat verir. Bu pəhriz zəruridir. Dəqiqliklə pəhriz saxlayan şəkərli diabet xəstəsinin qanında şəkər "oynamır" və bu onu xəstəliyin mümkün olan ağırlaşmalardan qoruyur. Bundan əlavə belə sözə baxan xəstəyə təyin olunan dərmanların dozaları pəhriz saxlamayan xəstə ilə müqayisədə daha aşağı olur. Yəni pəhriz saxlayan xəstə üçün qanda şəkərin səviyyəsini normada saxlamaq üçün daha az miqdarda dərman lazım olur.
5. İdman diabet xəstəsi üçün ziyanlı deyil, əksinə çox xeyirlidir. Hətta peşəkar idmançılar arasında şəkərli diabet xəstələri var.
Şəkər (qlyükoza) bizim əzələlərimiz üçün "yanacaq" funksiyasını yerinə yetirir. Nəticədə idman məşğələləri zamanı çoxlu miqdarda qlyükoza istifadə olunur. Belə məşğələlər müntəzəm olmalıdır. Təbii ki, belə məşğələlərə yalnız müalicə həkimi ilə məsləhətləşdikdən sonra başlamaq olar.
Alinti...
-
Sinir sistemi - Beyinin fəaliyyəti - Beyinin fəaliyyətini hansi qidalar yaxsilasdirir?
Araşdırmalar sübut edir ki, bəzi qidaların daim qəbulu insanın əqli fəaliyyətini və yaddaşını yaxşılaşdırır, streslə mübarizədə kömək edir, əhval-ruhiyyəsini yaxşılaşdırır.
Umumillikdə bu qidaların qəbulu beyini sağlam vəziyyətdə saxlamağa kömək edir.
Beləliklə, bizim beynimiz bu məhsulları "xoşlayır":
- Balıq və digər dəniz məhsulları (krevet, istridiyə və s.) beyin üçün olduqca xeyirlidir. Bu qidaların tərkibində olan əvəzedilməz omeqa 3 yağlı turşular beyinin fəaliyyəti üçün "hava kimi" lazımdır.
- Giləmeyvələrin bir çox hissəsi "antioksidant" adlandırılan maddələrlə zəngindir. Bu maddələr sərbəst radikallarla mübarizə aparır. Sərbəst radikallar insan orqanizminin hüceyrələrini zədələyən atomlar toplusudur. Həkimlər məhz onları xərçəngin inkişafında, ürək-damar sistemi xəstəliklərində, qocalıq ağıl zəifliyində "günahlandırır".
- Qoz-fındıq beyin üçün çox xeyirlidir. Bu məhsulların arasında beyin üçün ən faydalı olan qozdur.
Qoz-fındıq dedikdə biz həmçinin araxis, keşyu, badam və s. nəzərdə tuturuq. Onlar da omeqa 3 və omeqa 6 yağlı turşularla zəngindir. Bundan əlavə onlar B6 və E vitaminlərinin zəngin mənbəyidir. Qoz-fındıq beyinin fəaliyyətini yaxşılaşdırır, insanın əhval-ruhiyyəsini qaldırır, depressiyadan çıxmağa kömək edir. Bu səbəbdən həkimlər əqli fəaliyyəti ilə məşğul olanlara, məktəbdə oxuyan uşaqlara və tələbələrə bu məhsulları hər gün qəbul etməyini tövsiyə edirlər (gün ərzində bir ovuc qoz-fındıq kifayətdir).
- Günabaxan, kətan, küncüt, balqabaq tumları yaddaşı möhkəmləndirir, beyinin fəaliyyətini yaxşılaşdırır.
- Müxtəlif dənli bitkilər fol turşusu və B qrupu vitaminləri ilə zəngindir ki, insanın yaddaşını və umumillikdə insanın zehnini yaxşılaşdırır. Dənli bitkilərin arasında beyin üçün ən xeyirli olanlar bunlardır - yulaf yarması, arpa yarması, qəhvəyi düyü və s.
- Tünd şokolad beyinin əsas "dostlardan" biri sayılır. Bu növ şokolad antioksidantlarla zəngindir. Şokolad insanın diqqətini va yaddaşını yaxşılaşdırır, beyini qan təchizatına müsbət təsir edir.
- Yumurta zülal və A, D, E, B qrupu vitaminlərlə, lesitinlə zəngindir. Bu maddələr beyində yaşla əlaqəli olan dəyişikliklərlə mübarizə aparır.
- İspanaq, kahı, brokkoli kələmi, avokado, sarımsaq, kök, pomidor, üzüm da beyinin funksiyalarına çox müsbət təsir edir.
- Ekzotik karri ədviyyatı antioksidantlarla zəngindir ki, beyinin qocalması ilə mübarizə aparır.
- Qəhvə də beyinin fəaliyyətini yaxşılaşdırır və stimullaşdırır. Qəhvənın gündəlik qəbulu (təbii ki, az miqdarlarda - 1-2 fincan gün ərzində Alsqeymer xəstəliyi kimi ağır xəstəliyin profilaktikasıdır. Alsqeymer xəstəliyi adətən yaşlı insanlarda inkişaf edir. Bu xəstəlik zamanı beyinin hüceyrələri kütləvi şəkildə məhv olur ki, nəticədə ağıl zəifliyi inkişaf edir.
- Yaşıl çay xüsusi maddələr "katexinlər" (beyini tonuslaşdırır) və antioksidantlarla zəngindir. Gün ərzində 2-3 yaşıl çay fincanı qəbul edə bilərsiniz.
alinti...
-
Sidik ifrazı sistemi - Nefroptoz nedir? - böyrək xesteliyi - böyrəyin sallanması - böyrəyin sallanması nece emele gelir?
Bədənin vəziyyətinin dəyişilməsi, nəfəsalma zamanı böyrəklər şaquli istiqamətlə 1-2 sm olmaqla yerini dəyişir.
Bu normal fizioloji prosesdir. Lakin bəzən böyrək 10 sm kimi aşağı enir, hətta kiçik çanağa düşür, bəzən isə burulur. Böyrəyin belə həddən artıq hərəkətliliyi "nefroptoz" adlandırılır.
Nefroptoz təhlükəli pozulmadır. Nefroptoz zamanı böyrəyin normal fəaliyyəti pozulur. Nəticədə bu böyrəkdə iltihab inkişaf edə bilər, daşlar əmələ gələ bilər. Bundan əlavə böyrəklərin normal fəaliyyətinin pozulması nəticəsində insanda arterial hipertenziya (arterial təzyiqinin patoloji yüksəlməsi) inkişaf edə bilər.
Əksər hallarda nefroptoz qadınlarda inkişaf edir. Bunun səbəbləri arasında:
- qadın fiziologiyası (qadınların çanağı daha enlidir);
- hamiləlik və doğuşlardan sonra qarın boşluğunun divarının zəifləməsi.
Sağ böyrək sol böyrəklə müqayisədə bir qədər aşağıda yerləşir və onun bağları daha zəifdir. Bu səbəbdən sağ böyrək nefroptoza daha meyillidir.
Nefroptozun səbəbləri:
- kəskin arıqlama (bu zaman böyrəklərin ətrafında olan piy qatı nazilir və böyrəyin hərəkətliliyi artır);
- ağır fiziki iş;
- qarın boşluğu divarının əzələlərinin zəifləməsi (adətən qadınlarda hamiləlik və doğuşdan sonra);
- travmalar, infeksion xəstəliklər.
Nefroptozun əlamətləri (xəstəliyin mərhələsindən asılıdır):
- bel hahiyəsində olan küt ağrılar (fiziki gərginlik zamanı, güclü öskürək zamanı artır, uzandıqda və dincəldikdə azalır). Xəstəliyin 3-cü mərhələsində ağrıalar daimi olur, bəzən ürəkbulanması və qusma ilə müşayiət olunur.
- artrerial təzyiqinin artması;
- ümumi zəiflik, arıqlama, iştahanın pozulması (gecikmiş mərhələrdə;
- bağırsaqların fəaliyyətinin pozulması (gecikmiş mərhələrdə;
- bəzən depressiya, nevrasteniya (gecikmiş mərhələrdə,
- sidikdə qan (fiziki gərginlikdən sonra əmələ gəlir).
Nefroptozun müayinəsi və müalicəsi ilə uroloq və ya nefroloq məşğul olur.
Nefroptoza şübhə yarandıqda həkim xəstəyə böyrəklərin USM-ini (ayaq üstə, qan və sidiyin analizlərini təyin edir.
Xəstəliyin ilkin mərhələlərində xəstəlik konservativ üsullarla (cərrahi əməliyyatsız) müalicə olunur. Xəstəyə xüsusi bandajın taxılması, müalicəvi bədən tərbiyyəsi təyin edilir. Üzgüçülük da çox yaxşı kömək edir.
Xəstəliyin daha gecikmiş mərhələlərində adətən cərrahi müalicə tətbiq olunur. Böyrək öz qanuni yerinə qaytarılır və burada bərkidilir.
Alinti...
-
Saglam ol - Böyrək daşı xəstəliyi - Böyrəkde daş - Böyrək daşi - Böyrək daşı xəstəliyinin inkisafi
Böyrək daşı xəstəliyi zamanı böyrəklərdə (və ya sidik yollarında, və ya sidik kisəsində tədriclə duz kristalları yığılır, böyüyür və daşlar (konkrementlər) əmələ gətirir.
Bu kifayət qədər yayılmış xəstəlikdir. Böyrək daşı xəstəliyi ağrılar, sidikdə qanın olması, tezləşmiş və ağrılı sidik ifrazı, bəzi hallarda ürəkbulanması, qusma, hərarətin artması kimi simptomlarla özünü büruzə verir. Böyrək daşı xəstəliyi mütləq vaxtında müalicə olunmalıdır. Əks halda bu kəskin və ya xroniki piyelonefrit xəstəliyinin inkişafına, daha sonra isə böyrəyin itirilməsinə səbəb ola bilər.
Təbii ki, böyrək daşı xəstəliyi bütün insanlarda inkişaf etmir. Bu xəstəliyin müəyyən risk faktorları mövcuddur. Bu risk faktorlarını bilmək olduqca vacibdir. Beləliklə, böyrək daşı xəstəliyinin risk faktorları:
- Kişi cinsi. Kişilərdə bu xəstəliyə qadınlarla müqayisədə 3 dəfə daha tez təsadüf edilir.
- Yaş. Həkimlərin müşahidələrinə görə, bu xəstəlik 20 yaşından 40-45 yaşına kimi olan insanlarda daha tez inkişaf edir.
- İrsiyyət. Bu ən əsas faktorlardan biridir. Lakin bu faktorun olması heç də o demək deyil ki, əgər sizin nəsildə böyrək daşı xəstəliyindən əziyyət çəkənlər varsa, sizdə də bu xəstəlik mütləq inkişaf edəcək. Müəyyən profilaktik tədbirlər (düzgün qidalanma, suyun kifayət miqdarda içilməsi, hərəkətlilik və s.) bu xəstəliyin inkişafının riskini xeyli azaldır.
- Piylənmə zamanı mübadilə prosesləri pozulur ki, nəticədə böyrək daşı xəstəliyinin inkişafı riski artır.
- Mayenin az miqdarda qəbulu. Əgər insan daim az maye qəbul edirsə, bu sidiyin daha qatı olmasına və böyrəklər tərəfindən bu sidiyi daha çətin xaric olunmasına səbəb olur. Nəticədə böyrəklərdə duzlar yığılır, daha sonra isə daşlar əmələ gələ bilər.
- Orqanizmdə kalsiumun az olması. Baxmayaraq ki, daşların əksər hissəsi məhz kalsiumdan ibarətdir. Kalsiumun qida ilə az qəbul olunması da sidik ifrazı sistemində daşların əmələ gəlməsinə səbəb ola bilər. Orqanizmə az miqdarda kalsium daxil olunduqda orqanizmdə qoruyucu mexanizm işə salınır ki, orqanizm kalsiumu saxlamağa çalışır. Nəticədə isə bu daşların əmələ gəlməsinə səbəb ola bilər.
- Orqanizmdə kaliumun az olması. Kaliumun az olması orqanizmdə kalsiumun səviyyəsinin artmasına səbəb olur ki, bu da daşların əmələ gəlməsinə təkan verir. Bu səbəbdən kalium elementi ilə zəngin olan qidalar (əsasən meyvə-tərəvəz) qidalanmanızda daim olmalıdır.
- Orqanizmə duzun çoxlu miqdarda daxil olunması. Adi xörək duzun tərkibinə natrium daxildir. Natriumun orqanizmdə artması kalsiumun artmasına səbəb olur ki, nəticədə artıq kalsium böyrəklərdə yığılmağa başlayır.
- Qidalanmada ətin çox olması. Bu həm böyrək daşı, həm onkoloji, həm ürək-damar xəstəliklərinin riskini artırır.
- C vitaminin həddən artıq qəbulu da orqanizmdə kalsiumun saxlanmasına və daha sonra daşların əmələ gəlməsinə səbəb ola bilər. Burada söhbət qida məhsullarında olan C vitaminindən deyil, dərman preparatları (həblər, damcılar və s.) şəklində qəbul olunan C vitaminindən gedir. Bu vitamini yalnız həkimin məsləhəti ilə qəbul etmək olar.
Əgər sizdə sadaladığımız risk fakorları varsa, orqanizminizə qarşı daha diqqətli olur və xəstəliyin ilk simptomlarında dərhal həkimə müraciət edin. Bütün digər xəstəliklər kimi, böyrək daşı xəstəliyi də ilkin mərhələlərdə daha asan və tez müalicə olunur.
alinti...
-
Dünyada olan hadisələr - tarixin bu gunu
2 sentyabr: Çində ilk televiziya, Titanikin qalıqlarının aşkarlanması
Los-Ancelesin gerbi
1642 — İngilis parlamenti teatrı qadağan edir.
1781 — Los-Anceles şəhərinin əsası qoyulur.
1922 — Ford zavodlarında işə sərxoş gəlmək qadağan edilir.
1958 — Çində ilk televiziya.
1965 — İnternetin əcdadı olan Arpanet meydana çıxır.
1985 — Fransız ekspedisiyası “Titanik”in qalıqlarını aşkar edir.
1991 — Separatçı Dağlıq Qarabağ muxtar vilayəti Azərbaycan SSR-in tərkibindən çıxdığını bəyan edir.
-
Konu: Özledim - Hasan ÖzünalÖzledim siiri - Özledim siirini dinle - Hasan Özünal siirleri
...Özledim...
___________________________________________
___________________________________________
Kalem kaşın altındaki,
Mehtap bakışlı gözlerini özledim.
Şeker dilden dökülen,
Gönül alan sözlerini özledim.
Efkârımı savuran
Bir ipek demeti gibi
Saçlarını özledim.
Gönlümü alıp da,
Gönlümü sultan eden
Has gönlünü özledim.
Dokunuşları ile hayat veren,
Pamuktan ak minik ellerini özledim.
Bir meltem gibi,
Başımdaki buzları eritiveren
Bahar nefesini özledim.
En dar günde,
Bir müjdeli haber gibi
Geliverişini özledim.
Hastanın sabahı,
Toprağın suyu,
Tohumun baharı,
Asker anasının oğlunu,
Mahpusun gökyüzünü,
Bulutun yeryüzünü,
Sürüdeki koyunun evdeki kuzusunu,
Deredeki suyun denizi,
Yuvadaki yavrunun havadaki kuşu,
Bir sevenin
Bir seveni özlediği gibi
ÖZLEDİM!
Sayılı günden
Ay değil
Hafta değil
Gün değil saat de kalsa
Yine de
SENİ ÖZLEDİM…
Hasan Özünal
-
Bekle Beni siiri - Bekle Beni siirini dinle - Abdurrahim Aydın siirleri
Bekle beni sevdiğim
bir gün seni öpmeye gelirim.
Kan gövdeyi götürse,
dünya tersine dönse
bekle beni sevdiğim
bir gün seni öpmeye gelirim.
Belki bir yıl sonra.
Belki bir ay.
Belki yarın.
Belki de bir nefes sonra.
Ne zaman diye sorma
bir gün işte...
Gözlerin
yorulmuşken yol gözlemekten,
yağmalanmışken yüreğin acılardan
bekle beni sevdiğim
bir gün seni öpmeye gelirim.
Belki bir yıl sonra.
Belki bir ay.
Belki yarın.
Belki de bir nefes sonra.
Ne zaman diye sorma
bir gün işte...
Abdurrahim Aydın
-
Seyid Taleh - Ya Əli Ilahi dinle
[video=youtube_share;hc1z14Yaukk]https://youtu.be/hc1z14Yaukk[/video]