Adiemus
Üye
29.03.2012
Acemi Er
58
Acemi Er
58
Hakkında
-
Daşa dəymiş bu taleyə qismətə,
Sən də günahkarsan mən də günahkar.
Təkcə mənmi layiqəm bu nifrətə?
Sən də günahkarsan mən də günahkar.
*****
Eşqinlə bir daha məni sınama,
Yenə də duz tökmə mənim yarama.
Nə olar bu qədər məni qınama,
Sən də günahkarsan mən də günahkar.
*****
Niyə o zamanlar dərdi bölmədik,
Niyə danışmadıq niyə gülmədik.
Demişdik ölərik amma ölmədik,
Sən də günahkarsan mən də günahkar.
*****
Bilmədik ki, nədir bu eşqin sonu,
Qismətin olmadı gəlinlik donu.
Anarsa həmişə deyəcək bunu,
Sən də günahkarsan mən də günahkar.
-
Xoşdur.
-
Konu: Gəl biz indidən ayrılaq
Təşəkkür.
-
Bir zamanlar sənin pənbə kölgəndə
Pək bəxtiyar idim, nazlı dilbərim.
Hənuz bəxtiyarlıq duyulmaz məndə,
Yalnız gülümsərdi məhzun gözlərim.
Ayrılıq nə yaman dərd imiş, aman!
Sənsiz halım gündən-günə pərişan,
Vüslət dəmlərini anar də hər an,
İzlər yollarını yorğun gözlərim...
Sənsiz bütün duyğularım bunalmış,
Zehnim, fikrim durmuş, həp dona qalmış,
Uyqum çəkilmiş, könlümü qəm almış,
Yalnız arar səni vurğun gözlərim.
-
Hər sətir üstünə titrəyib əlim
Sətirlər qəlbimdən od alıbdırlar.
Mən sənə bir dəfə aldandım,gülüm
Məktublar ömürlük aldanıbdırlar.
Məni xatırlama özgə ol,yad ol.
Oyuncaq olmasın məktublar barı,
Ömründə bircə yol alicənab ol
Yandır xatirələrimi — o məktublari.
Orda ürəyimin harayı,ahı
Qəlbimin utanqanc sevgisi,yatır.
Orda vüqarımın sınma vüqarı,
Kövrək bir sevdanın sevdası yatır.
Dagılır söhrətin dumanı,çəni
Udar bir ac balıq inci tək seni
Yazdığım toxumlar ac toxum kimi
Bir gün göz yaşını içəcək sənin.
Məktublar içində nəyim nələrim
Alovlu sətirlər gizli qəm kimi.
Yandır məktublar, xatirələrim yansın
Külə dönsün qoy Kərəm kimi.
Sənə ümid dolu dikilən gözlər
Yenə xatirələrdə donub qalandır.
Əlim əsə-əsə yazdığım sözlər
O zaman düz idi, indi yalandır
Həyatın özündə sınadım səni,
Demə bahar idim, indisə qışam
Yaxşıki sonradan tanıdım səni,
Yaxşı ki, ömürlük aldanmamışam.
-
Sizin qızınızla görüşürük biz,
Gedirik gah yolla, gah kənar izlə.
bunu men bilirem, siz bilmirsiniz-
O gəlir sizin öz icazənizlə.
Tələbə yoldaşı, rəfiqəsi var,
İşi də çox olur bəzən dərsidə.
Mənəm qızınızın, necə deyərlər,
''Tələbə yoldaşı'', ''rəfiqəsi'' də.
Mən başa düşürəm, siz anasınız,
Ürəyə sığışmır adi həyacan.
O. eve dönüncə nigaransınız,
Evdə olanda da mənəm nigaranam.
Bir ömrün mənzili uzun, ya qısa....
Məhəbbət, doğmalıq- hansı qədimdir?
O, sizin adice qızınızdısa,
O, mənim yeganə səadetimdir.
Siz də heyransınız, mən də bır qıza,
Kimin qapısından o, girməlidir?
Dünya elədir ki: biri tapırsa,
biri... tebiidir, itirməlidir.
Duruluq rəmzidir sizin qızınız,
Gözündən oxunur qəlbi, isməti.
Sizin bu sevdada uduzmagınız,
Sizin borcunuzdur, mənim qismətim.
Gərək darılmasın bu eşqə həyat,
Deməyin biz kimik, nəçiyik, nəyik...
Yad ikən doğmayıq, doğma ikən yad,
Dünya qəribədir, biz qəribəyik.
Sizin adınıza hörmət, ehtiram,
Qadın qarşısında baş əyib aləm.
Mən də baş əyirəm, vidalaşıram,
Qızınız gələcək, mən getməliyəm.
-
Xuraman Hüseynzadənin şeiri
Bu elə bir günah ki…
Bir kişi qocalacaq mənimlə
bir ömür boyu
bir damın altında.
Həyatımı daim
bir hüzn bürüyəcək,
bir kişi qollarım arasında
ürəyimin hərarətindən əriyəcək.
O, sən olmayacaqsan, dostum,
sən olmayacaqsan…
Onun gözlərində
sənin baxışlarını axtaracam,
dodağında
öpüşlərini.
İkinci dəfə doğulacam
başqa birinin olmaq üçün
sənin sevgində boğulacam
başqa birindən
qisas almaq üçün.
Yaşlı qadınların
“Qoşa qarıyın”,
“Bir yastıqda qocalın” kimi
qarğışlarından sonra
xoşbəxt olmağım mümkünsüz…
Qovuşacam sənə
özümü
ürəyimin şah damarından asdıqda,
qocalacam
bir kişi ilə bir yastıqda.
O, sən olmayaacaqsan, dostum,
sən olmayacaqasan.
Mən səni sevdim, dostum,
tək səni sevdim…
Səninlə qocalmaq
mümkünmü heç?
Bu, elə bir günah ki,
Sənə demərəm:
günahımdan keç!..
Sənin cənnətin
Xeyirxah ol,
spirtli içki içmə,
xəyanət etmə,
oruc tut, namaz qıl, ibadət et…
Yerin cənnət olacaq.
Yenə də
səni ayaqlayıb keçməyəcəm
ayaqlarımın altındakı
cənnətdə…
-
Konu: Gəl biz indidən ayrılaqGəl biz indidən ayrılaq
Sevgiyə yoxdursa dəyər gəl biz indidən ayrılaq.
Olmamış illərmiz hədər gəl biz indidən ayrılaq
Qismətimiz vermir izin,axırı yoxdur bu yolun
Ağlamasın qəmli gözün,axırı yoxdur bu yolun,
Yaxşı bilirsən ki özün,axırı yoxdur bu yolun
Ayrıdırsa yollar əgər,gəl biz indədən ayrılaq.
Dost kimi ayrılmaq üçün cəhd eləyək gəl bu səfər
Xoş qalacaq xatirələr,ağlama ayrılsaq əgər
Gör nə zamandır çəkirik sən də kədər,mən də kədər
Yoxdu sevincdən bir əsər,gəl biz indidən ayrılaq.
Küsməliyik gəlsə sabah,düzdü barışsaqda bugün
Getmirik onsuzda yola sən ərköyün,mən ərköyün.
Vaxtımızı itirməyək,çünki qovuşmağmız üçün
Razı deyil bircə nəfər,gəl biz indidən ayrılaq.
Gün gələr öz hissimizə qurban olub ayrılarıq
Nakam olan sevgimizə peşman olub,ayrılarıq
Qorxuram axırda küsüb,düşman olub ayrılarıq
Dostluğumuz var nə qədər,gəl biz indidən ayrılaq.
Perviz Arif
- çox gözəl. Əllərinizə sağlıq =)