N.N.
Üye
23.04.2010
Üsteğmen
22.919
Üsteğmen
22.919
Hakkında
Mən Fəxir Edirəm ki,Azərbaycanlıyam..Heydər Əliyev..
-
Konu: Diş çəkiləndən sonraDiş - Diş çəkiləndən sonra ne etmeli?
Müasir stomatologiyada dişlərin çəkilməsi yalnız istisna hallarda tətbiq edilir.
Stomatoloqlar deyir ki, ən yaxşı və bahalı süni diş heç zaman təbii dişin yerini verə bilməz. Müasir stomatoloji metodikalar hətta qismən dağılmış dişləri bərpa etmək imkan verir.
Lakin bəzən dişi saxlamaq mümkün olmur və həkim xəstənin dişini çəkmək məcbur olur. Dişin çəkilməsi kiçik cərrahiyyə əməliyyatıdır - ağrısazlaşdırma tətbiq edilir, bəzən diş yuvasına tikişlər qoyulur, ağrısızlaşdıran və antibakterial preparatlar ("antibiotik"lər) təyin edilir və s. Bu səbəbdən dişi çəkilən insan müəyyən qaydalara əməl etməlidir ki, qanaxma, iltihab kimi fəsadlar inkişaf etməsin.
- Diş çəkiləndən sonra 3 saat ərzində qida və maye qəbul etmək olmaz.
- Fiziki gərginliklər (xüsusilə əyilmək, ağır əşyaları qaldırmaq və s.), isti vanna, sauna əks-göstərişdir. Bu dişdən qanaxmaya səbəb ola bilər.
- Diş çəkiləndən sonra qarqara etmək olmaz. Bu ağrıların çoxalmasına və diş yuvasının daha gec sağalmasına səbəb ola bilər. 1-2 gündən sonra həkim xüsusi antiseptik preparatlarla olan qarqara təyin edə bilər.
- Adətən ağrısızlaşdıran preparatların təsiri keçdikdən sonsa çəkilmiş dişdə ağrılar əmələ gəlir. Bu zaman ketanov və solpadein kimi preparatlardan birini qəbul etmək olar (qida qəbulu zamanı, bol maye ilə birlikdə
.
Əgər sizdə mədə xorası, qastrit kimi xəstəliklər varsa, dərmanın qəbulundan əvvəl həkimlə məsləhətləşin.
- Çox güclü ağrılar iltihabın başlanmasının əlaməti ola bilər. Bu fəsad adətən çətin hallarda xüsusilə molyar dişlərin (arxadakı dişlər) çəkilməsi zamanı inkişaf edə bilər. Ağrılar çox güclüdürsə və dişin çəkilməsindən sonra 2-3 gün ərzində davam edirsə, mütləq stomatoloqa müraciət edin. Diaqnoz təsdiq olunduqda, həkim yerli anesteziyanın köməyi ilə diş yuvasını qandan və infeksiya ocaqlardan təmizləyəcək, xüsusi antiseptik preparatlarla işləməsindən sonra diş yuvasına dərmanla olan tampon qoyacaq.
- Həkimin məsləhəti olmadan çəkilmiş dişə isti və ya soyuq kompreslər etmək olmaz. Bu fəsadların inkişafına gətirib çıxarda bilər.
- Qida yumşaq və ilıq olmalıdır. İsti, çox soyuq, bərk, istiotlu qidaları qəbul etmək olmaz.
- Diş çəkiləndən sonra siqaret çəkmək və spirtli içkiləri qəbul etmək olmaz. Bu pis vərdişlər diş yuvasının sağalmasına mane olur.
- Bəzi hallarda diş çəkilməsindən sonra stomatoloq xəstəyə hər hansı antibakterial preparat ("antibiotik") təyin edir. Adətən bu sumamed, amoksiklav və s. kimi preparatlar olur. Bu preparatlar adətən antihistamin prepartlarla (klaritin, taveqil və s.) birlikdə təyin edilir.
Bəzi hallarda "antibiotik"lər xəstəyə dişin çəkilməsindən əvvəl (hazırlıq mərhələsində təyin olunur. Əgər preparat sizdə allergik reaksiyaya səbəb olubsa (dəridə səpgilər, ödemlər, qaşınma və s.), preparatın qəbulunu dayandırın və bu haqda sizi müalicə edən həkimə məlumat verin.
Heç bir halda həkimin təyinatı olmadan antibakterial preparatları qəbul etməyin.
- Bəzən diş çəkilməsindən sonra evə qayıdan xəstədə təkrar qanaxma inkişaf edə bilər. Bu halda ilk tibbi yardım məqsədi ilə steril tənzifdən tampon düzəldin, onu diş yuvasına qoyun (tampon yanındakı dişlərdən hündür olmalıdır) və dişlərinizlə möhkəm sıxın. Daha sonra uzanın. Adətən bu sadə tədbirdən sonra qanaxma dayanır.
Qanaxmanı dayandırmaq mümkün olmadıqda, qanaxma çox güclü olduqda, dərhal stomatoloji klinikaya və ya xəstəxanaya müraciət edin.
- Diş çəkilməsi günü dişlərin təmizlənməsindən imtina edin. Ertəsi gün dişlərinizi adi qaydada yüngül (!) hərəkətlərlə təmizləyin. Diş fırçası mütləq təzə və yumşaq olmalıdır.
Diş yaxalayıcılardan istifadə etməyin. 2-ci gündən başlayaraq müalicəvi bitkilərlə olan sərin vannalar etmək olar. Bunun üçün adaçayı, palıd qabığı, dazı, çobanyastığı kimi otlardan birinin 1 xörək qaşığını 1 stəkan qaynar suda dəmləmək, soyutmaq, süzmək və sonra bu dəmləməni ağızda çəkilmiş diş tərəfində saxlamaq lazımdır. Belə vannalar antiseptik effekt verir və diş yuvasının daha tez sağalmasına kömək edir.
Alinti...
-
xeyirli məhsullar - diş və damaqlar ucun xeyirli mesullar hansilardi?
ağlam dişlər və damaqlar hər bir üzün gözəlliyidir.
Bundan əlavə onlar bir çox səslərin tənəffüsündə böyük rol oynayırlar. Damaqların əsas funksiyası isə dişlərin tərpənmə i və tökülmədən qorumaqdır.
Gündəlik rasionumuzda olan bir çox məhsullar diş və damaqlara həm ziyanlı, həm də xeyirli təsir göstərə bilirlər.Bu isə gündəlik olaraq onların zədə alması, bir çox məqamlarda korlanması deməkdir. Məhz bu səbəbdən bu məqalədə sizə diş və damaqlar üçün çox xeyirli olan məhsullar haqda məlumat verəcəyik. Beləliklə məhsulların siyahısı:
- Kök. Tərkibinə olan karortin damaqlar üçün çox xeyirlidir.Çiy halda diş və damaqlar üçün əla trenajor vasitəsi də sayılır.
- Süd. Tərkibində olan kalsiy dişlərin tikinti materialı sayılır.
- Balıq. Bu məhsulun tərkibində olan fosfor dişlər üçün çox lazımlıdır.
- Göyərti. Orqanik kalsinin təbii mənbəyidir.
- Dəniz kələmi. Tərkibində yodun və digər mikroelementlərin yüksək miqdarda olması orqanizmdə maddələr mübadiləsinin yaxşılaşmasına səbəb olur.
- Alma. Damaqları yaxşı masaj edir və diş ərpini təmizləyir.
- Balqabaq. Tərkibində ftor, sink və selenin olması dişləri ağardır, möhkəmləndirir və daha sağlam edir.
- Soğan. Tərkibində olan C vitamini və fitonsidlər damaqların möhkəmlənməsinə səbəb olur.
Ümumi tövsiyələr:
Diş və damağın sağlamlığı bütün orqanizmin sağlamlığından asılı olduğuna görə, həkimlər hər bir insana qan dövranını stimullaşdıran və immun sistemi möhkəmləndirən idman məşğələlərini məsləhət görürülər.
Barmaqlarla(damaqlara) edilən gündəlik masaj,paradontozun əla profilaktikasıdır.
Ftorun əsas mənbəyi su olduğuna görə, suyu az içdikdə diş emalı zəifləyir, çox içdikdə isə qara nöqtələrlə örtülür.
Həddən artıq soyuq və ya isti su, diş emalında çatların yaranma təhlükəsini artırır. Buna görə mayeləri otaq temperaturlu içmə daha məsləhətli sayılır.
Gündəlik raionda turş olmayan müyvə və tərəvəzlər üstünlük təşkil etməlidir. Belə ki, onlar, vitamin və mineralların əsas mənbəyi sayılırlar. Bundan əlavə meyvə və tərəvəzləri çiy yedikdə onlar, ağız böşluğundan qan dövranını stimullaşdırır, damaqları masaj edir və diş emalını möhkəmləndirirlər.
Həmçinin hər bir insanın gündəlik qida rasionunda olan bir çox məhsullar vardır ki, onlar diş və damaqlara çox pis təsir göstəririlər. Bunlar:
- Təmizlənmiş və təmizlənməmiş qovrulmuş tumlar. Tumları dişlə təmizlədikdə, diş emalının mexaniki zədədlənməsi baş verir. Tez-tez təkrar olunduqda isə emal bərpa olunmaya bilər.
- Suxari və ya digər çox bərk məhsullar. Əsasən diş emalına pis təsir edir və damaqları zədələyir.
- Limonad, Coca-cola və digər şirin qazlı içkilər. Tərkiblərində olan ziyanlı maddələr diş emalını korlayır.
- Şəkər və yulaf yarması. Kalsini mənimsənilməsini bloklayır.
- Albalı, qarağat və digər turş giləmeyvələr. Tərkiblərində olan meyvə turşuları diş emalını korlayır.
Həkimlər bütün orqanlar kimi dişlərin də əvvəldən qorunması və möhkəmləndirilməsini məsləhət görürülər. Bunun üçün isə edə biləcəyiniz məqamlardan biri gündəlik rasionunuzda olan məhsulları düzgün seçmənizdir...
alinti..
-
Konu: Dişlərin ağardılmasıDiş - Dişlər - Dişləri nece ağartmaq olar?
Dişlərə düzgün qulluq edilməsi onların sağlamlığı və gözəl görünüşü üçün əsas şərtdir.
Dişləri hər gün səhər və axşam yeməyindən sonra, yatmazdan əvvəl düzgün təmizləmək lazımdır.
Dişlərin təmizlənməsi 3 dəqiqə ərzində aparılır. Əvvəlcə dişlərin xarici, sonra daxili, daha sonra çeynəmə səthləri təmizlənir. Dilin üzərində ağ ərp olduqda onu müvafiq yeri olan xüsusi diş fırçası ilə təmizləmək lazımdır.
Axşam dişləri təmizlədikdən sonra barmaqlarla diş ətini masaj etmək tövsiyə olunur. Diş ətini masaj etmək üçün təmiz barmaqları onun üzərinə qoyaraq, dişlərə tərəf olmaqla dairəvi hərəkətlər etmək lazımdır. Masaj 5-7 dəqiqə ərzində aparılır. Prosedurdan qabaq diş ətinə diş pastası da sürtmək olar. Ağız boşluğu və diş ətinin iltihabları zamanı masaj etmək olmaz.
Hal hazırda stomatoloqlar dişlərin ağardılması üçün müxtəlif metodikalardan istifadə edirlər.
Lakin ev şəraitində də bəzi xalq təbabəti üsuların köməyi ilə dişləri ağartmaq mümkündür. Bu vasitələrin arasında:
1. Ağcaqayın ağacının quru oduncağı ocaqda yandırılır və dişlər onun külü ilə təmizlənir. Dişlərin bəyazlığı üçün həmin vasitələrlə yanaşı qida seçimində də diqqətli olmaq lazımdır (tünd çay, qəhvənin qəbulundan imtina edin).
2. Diş məcununa limonun efir yağından 1 damcı əlavə edin və dişləri təmizləyin. Bu dişlərin bəyazlığı ilə yanaşı ağızdan gözəl qoxu gəlməsinə səbəb olur.
3. "Stomanginol"dan istifadə etməzdən əvvəl ağız boşluğu və boğaz ilıq su ilə yaxalanaraq qida qalıqlarından təmizlənməlidir. Bundan sonra gigiyenik vasitədən 1 xörək qaşığı götürərək ağız boşluğunu və ya boğazı 3-5 dəqiqə qarqara etmək lazımdır. Qarqaradan sonra ağız boşluğu və ya boğaz su ilə yaxalanmamalıdır. Gündə 3-5 dəfə yeməkdən sonra qarqara olunması vacibdir.
"Stomanginol"dan müntəzəm istifadə edilməsi ağız boşluğunun və boğazın sağlam vəziyyətdə qalmasına zəmin yaradır. İstifadə etməzdən əvvəl gigiyenik vasitəni çalxalamaq lazımdır.
4. Möhkəm və çiy tərəvəzlər diş minasına zərər vermədən təmizləyici və ləkəçıxarıcı kimi də istifadə edilir. Təzə alma, yerkökü, kərəviz, paxla və s. meyvə və tərəvəzlərin tərkibindəki sellüloza bakteriyaları aradan qaldıran təbii aşındırıcı lifdir. Qəhvə və ya üzüm suyu içdikdən sonra mütləq bir alma yeyilməsini vərdiş halına gətirmək lazımdır.
5. 1 stəkan suda 1 ədəd hidrogen peroksid həbi həll edilir və ağız yaxalanır. Yaxşı effekt əldə etmək üçün proseduru həftədə 1-2 dəfə təkrarlamaq məsləhətdir.
Digər üsul: qulaq çöpü 3%-li hidrogen peroksidi məhlulunda isladılır və dişlər hər iki tərəfdən təmizlənir. Daha sonra dişləri yaxşı yaxalamaq lazımdır. Proseduru həftədə 1-2 dəfə etmək olar.
6. Bir neçə ədəd aktivləşdirilmiş kömürün həbləri yaxşı əzilir, dişlər alınmış tozla təmizlənir (diş pastası ilə də qarışdırmaq olar). Bu proseduru 1 ay ərzində həftədə 1 dəfə etmək kifayətdir.
7. Təbii çay ağacı yağı çox yaxşı ağardıcı və antiseptik vasitədir. Dişləri diş pastası ilə təmizləyin və yaxalayın. Sonra diş fırçasının üzərinə 2-3 damcı yağ damızdırın və dişlərə yüngül sürtün, daha sonra yaxşı yaxalayın. Bu vasitə həm də dişlərdə və ağız boşluğunda mikrobları öldürür, diş daşı ilə mübarizə aparır.
Dişlərin xalq təbabəti üsulları ilə ağardılması həkim təyinatı ilə aparılmalıdır. Dişlərin hidrogen-peroksidə, yağ və ya kömürə necə reaksiya göstərəcəyi məlum olmadığına görə bəyaz dişlər əldə etmək əvəzinə diş emalı zədələnə bilər. Ona görə də həmin prosedurlardan istifadə etməzdən əvvəl stomatoloqla məsləhətləşmək yaxşı olar.
Elnur Rəhimov, həkim-fitoterapevt
Mənbə: Herba Flora jurnalı
-
Konu: Dalağın böyümə səbəbləriDalağ - Dalağın böyümə səbəbləri nedir?
Dalaq orqanizmdə ən sirli orqanlardan biri sayılır. Dalağın orqanizmdə rolu müasir tibdə sona kimi araşdırılmayıb.
Dalağın orqanizmdə bir neçə müxtəlif funksiyası var: qanı viruslar, bakteriyalar, infeksiyalardan, mutasiyaya uğramış hüceyrələrdən təmizləyir; köhnə, xəstə, "keyfiyyətsiz" qan hüceyrələri (eritrositləri, leykositləri, trombositləri) tutur və onları məhv edir.
Bəzən dalaq böyüyə bilər. Böyümüş dalaq adətən özünü heç bir əlamətlə büruzə vermir və əksər hallarda bu pozulma təsadüfən USM zamanı təyin olunur. Bəzən dalağın böyüməsi sol böyürdə ağrılar və hətta az miqdarda qida qəbulundan sonra mədənin dolması hissi ilə özünü büruzə verir.
Dalağın böyüməsi "splenomeqaliya" adlandırılır. Splenomeqaliya yaxşı əlamət sayılmır. Dalağın böyüməsi müxtəlif xəstəliklər zamanı müşahidə olunur. Dalağın böyüməsinin səbəbləri infeksion, autoimmun xəstəliklər, qan və qara ciyər xəstəlikləri, onkoloji xəstəliklər ola bilər.
Splenomeqaliyanın səbəbləri:
- Amiloidoz. Bu xəstəlik zamanı orqanizmin müxtəlif toxumalarında, o cümlədən dalaqda amiloid zülalı toplanır ki, bu da müxtəlif orqanların fəaliyyətini pozur.
- Brusellyoz. İnsana xəstə heyvandan ətlə və ya südlə keçən infeksiya.
- Qara ciyər sirrozunun gecikmiş mərhələlərində splenomeqaliya inkişaf edir.
- İnfeksion endokardit - ürəyin daxili qişalarının iltihabı.
- Hepatit (qara ciyərin iltihabı).
- Histoplazmoz - nadir göbələk infeksiya.
- Leykemiya - qan xərçəngi.
- Limfoma - limfatik sistemi xərçəng xəstəliyi.
- İnfeksion mononukleoz - kəskin virus xəstəliyi.
- Mədəaltı vəzi xərçəngi.
- Sarkoidoz.
alinti...
-
Hikmet Aslanov - Ana mahnisin dinle
[video=youtube_share;BE8kW6mL7QQ]https://youtu.be/BE8kW6mL7QQ[/video]
-
Hikmet Aslanov - Necesen mahnisin dinle
[video=youtube_share;9ReQGqnfIow]https://youtu.be/9ReQGqnfIow[/video]
-
Hikmet Aslanov - Qara Gozler, Subayliq mahnilarin dinle
[video=youtube_share;mKd03GdurkM]https://youtu.be/mKd03GdurkM[/video]
-
Eflatun Qubadov Popurri dinle
[video=youtube_share;y3M9Vn-R924]https://youtu.be/y3M9Vn-R924[/video]
-
Manaf Agayev - Bu Qizin mahnisin dinle
[video=youtube_share;zTW65XNog3U]https://youtu.be/zTW65XNog3U[/video]
-
Konu: Yuxular və yuxuyozmalarYuxu yozmaları
Mətnə daxil edilmiş yuxular və yuxuyozmalar beynəlxalq psixoloji mərkəzlərdə yüksək ixtisaslı mütəxəssislər tərəfindən ekspertizadan keçirilmiş və nəşrə tövsiyyə olunmuş nümunələr içərsindən seçilərək əlifba sırası ilə düzülmüşdür.
O
Ot
1. Varlı və xoşbəxt həyat vəd edən xoş işarədir. O, alverçilərə - tez varlanma, bütün sevgililərə coşqun məhəbbət vəd edir.
2. Yaşıl otluqda gəzmək – vəziyyətin təcili düzəlməsi, maddi imkanların bir o qədər yaxşılaşdırılması; miras ala biləcəksiniz.
Oturacaq
1. Sizə borclu olan adamlara etibar etməyin.
2. Başqalarını oturan zaman görmək – dostların xoşbəxt şəraitdə qovuşması.
3. Cəmiyyətdə mənfəətli vəziyyətin əlamətidir.
Ovuc (əlin içi)
Təmiz ovuc – kasıbçılıq əlamətidir, tüklü ovuc – varlılıq deməkdir.
Ö
Ölmək
Yuxuda ölmək - dost itirmək işarəsidir.
Öpüş
1. Ananı öpmək - uğurların, övladların hörməti.
2. Bacını və ya qardaşı öpmək – mehriban dostluq.
3. Sevgilini qaranlıqda öpmək – təhlükəyə işarədir.
4. İşıqda öpmək – qadınlara qarşı yaxşı münasibətinizi dəyişməyəcəyinizin əlamətidir.
5. Rəqibiniz sevgilinizi öpsə - hörmətinizi itirəcəksiniz.
6. Öpüşən uşaqlar – ailədə və işdə xoş ab-hava.
Alinti..
-
Konu: Yalanı necə anlamaq olarHəyat tərzi - yalan
Mərkəzi kəşfiyyat idarəsinin sabiq işçiləri Filip Hyuston, Maykl Floyd və Suzan Kanniçero özlərinin peşəkar yalanı aşkar etmə qabiliyyətlərini heyranedici, indi səliqəli dəri üzlükdə tapılan "Yalanı Aşkar Et" adlı bir kitabda ifadə etmişlər. Aşağıda kitabdan verilən çıxarışda müəlliflər bir kəsin yalan danışmasının 6 işarəsini aşkar edirlər.
Davranışda fasilə və yaxud ləngimə. Siz bir kəsə sual verirsiniz və ilkin olaraq heç bir cavab almırsınız. Bir qədər ləngiyəndən sonra o cavab verməyə başlayır. Sizcə ləngimə əsaslı şəkildə nə qədər müddətə olmalıdır, siz onu yalanın göstəricisi hesab etməzdən nə qədər öncə? Bu şəxsdən və şəraitdən asılıdır.
Bu məşqi öz dostunuzda sınayın: Ona belə bir sual verin: “Yeddi il bundan öncə elə bu tarixdə, həmin gün sən nə edirdin?” Həmin şəxs istisnasız olaraq cavab verməzdən öncə fasilə verəcək, çünki bu elə bir sualdır ki həqiqətən də dərhal cavab doğurmur – insan onun haqqında düşünməlidir və çox güman ki hələ də normal əsaslı bir cavab verə bilməyəcək. İndi isə ona belə bir sual verin: “Yeddi il bundan öncə elə bu tarixdə, sən qazdoldurma məntəqəsini qarət etmisənmi?” Əgər dostunuz bu suala cavab verməzdən öncə fasilə edirsə, o zaman yəqin ki siz dostlarınızı daha ehtiyatla seçməlisiniz. Və çox güman ki əksər hallarda heç bir fasilə olmayacaq – dostunuz dərhal cavab verəcəkdir: “Yox!”, yaxud “Əlbəttə ki yox!”. Bu, sadə bir çalışmadır, ancaq həmin məqamı agah edir ki, ləngimə onun suala müvafiq olub-olmamasına görə nəzərə alınmalıdır.
Əldən-üzə hərəkəti. Bir şəxs sizin sualınıza cavab verərkən onun üzü ilə və yaxud başı ətrafında nə etdiyini müşahidə edin. Bu, çox zaman dodaqların dişləmək və yaxud yalamaq kimi, və ya dodaqlarını və qulaqlarını dartışdırmaq kimi formada baş verə bilər. Səbəbi sadə kollec elminə gedib çıxır. Siz bir sual verdiniz, və sual narahatlıq yaradır, çünki düzgün cavab cavablandıran şəxsə qarşı günahlandrıma, ittihama səbəb olacaqdır. Bu da öz növbəsində avtomatik əsəb sisteminin narahatlığı sakitləşdirmək üçün işə düşməsinə təkan verir, üzün səthində, qulaqlarda və ətraflarda qanın çəkilməsi – hansı ki soyuq və yaxud qaşınma duyğusu yarada bilər. Hətta insan özü hiss etmədən onun əlləri həmin hissələrə doğru gedir, əllər ya bərk-bərk sıxlır, yaxud da birbirinə sürtülür. Bum! – siz yalançı göstəricini yaxalamısınız.
Hazırlaşdırıcı jestlər. Bəzi insanların öz narahatlıqlarını yatızdırmaq üçün etdikləri başqa üsul bir kəsi və yaxud yaxın ətrafını hazırlaşdırmaq formasında fiziki hərəkətlərdir.
Suala cavab verərəkən yalançı şəxs öz qalstukunu və yaxud köynəyinin manjetini düzəldə bilər, yaxud öz eynəyini səliqəyə sala bilər. Yalançı qadın saçının bir neçə telini qulağının arxasına keçirdə bilər, yaxud yubkasını düzəldəcəkdir. Biz həmçinin tərləmənin idarə olunmasına da diqqət yetiririk. İnsan tərləyə bilər, bu bizi narahat etmir, ancaq o dəsmalını çıxardırsa (ya da ki, yəqin barmaqsız əlcəklə və suala cavab verərəkən qaşının üstündəki təri silirsə, bu artıq mühüm amildir. Ətrafını səliqəyə salmaq başqa bir hazırlaşıcı jestdir. Siz sual verirsiniz, və qəfildən telefon düzgün formada yanmır, su stəkanı çox yaxındadır, yaxud da ki karandaş düz yerində deyil.
Alinti...
-
Kabaçkidən hazırlanan maffinlər - terifi ve terkibi
Lazım olan məhsullar:
- Kabaçki - 1 ədəd, böyük olmayan
- Yumurta - 2 ədəd
- Un - 150 qr
- Süd - 50 ml
- Bərk pendir - 50-70 qr
- Zeytun yağı - 50 ml
- Manna yarması - 2 xörək qaşığı
- Qabartma tozu - 10 qr
- dəniz duzu, qara döyülmüş istiot – zövqə görə
Kabaçki yuyulur və böyük sürtgəcdən keçirilir. Pendir də eyni sürtgəcdən keçirilir və kabaçkiyə qatılır. Yumurta əlavə olunur və qarışdırılır. Un manna yarması və qabartma tozu ilə qarışdırılır və kabaçki kütləsinə əlavə edilir. Üzərinə süd tökülür, duzlanır, istiotlanır, zeytun yağı əlavə edilir və qarışdırılır. Bu maffinlər üçün xəmir qatı xama konsistensiyasında olmalıdır. Əgər xəmir çox sulu alınıbsa, biraz un, çox qatıdırsa, biraz süd əlavə edin. Xəmiri maffinlər üçün formalara qoyun və 180 dərəcə qızdırılmış sobada 20 dəqiqə ərzində bişirin. Maffinlər xoş qızılı rəng almalı və içinin bişib-bişmədiyini yoxlamaq üçün batırılan taxta çubuq quru çıxmalıdır.
Nus olsun..
-
Şokoladlı çərəzli qəlyanaltı - terkibi ve terifi
Həm ləzzətli, həm də sağlam olan bu tünd şokoladlı qəlyanaltıların hazırlanması olduqca sadədir.
Lazım olan məhsullar:
- Tünd şokolad - 250 qr
- Zövqünüzə görə quru meyvələr, fındıq və günəbaxan tumu
Hazırlanması:
- Tünd şokoladları əridin.
- Bir siniyə yağlı kağız qoyun. Qaşıqla əriyən şokoladlardan götürüb kiçik dairələr şəklində kağıza tökün. Ovuc içindən böyük olmaması şərtilə ölçülərini özünüz təyin edə bilərsiniz.
- Yaranmış dairələrin üzərinə quru meyvələri, fındığı və günəbaxan tumunu səpərək yerləşdirin.
- Şokoladları otaq temperaturunda saxladıqdan sonra soyuducuya qoyun və bir müddət saxlayın. Beləliklə, ləzzətli qəlyanaltılar hazırdır.
Nuş olsun!
Alinti...
-
Sağlam mətbəx - Nutellanın hazırlanması - terifi ve terkibi
Kiçiklərin və həmçinin böyüklərin də sevimli qidalarından olan Nutellanı ev şəraitində də hazırlamaq mümkündür.
Təqdim edilən reseptlə buna nail ola bilərsiniz.
Lazım olan məhsullar:
- Süd – 4 stəkan
- Fındıq (araxis və ya qoz) ləpəsi – 3-4 xörək qaşığı
- Şəkər tozu – 4 stəkan
- Buğda unu – 4 xörək qaşığı
- Tünd kakao – 6 xörək qaşığı
- Kərə yağı – 200 qr
- Duz – 1/2 çay qaşığı
Hazırlanması:
1. Bir qabda şəkər tozu, kakao və un qarışdırılır.
2. Sonra tədricən, az-az süd əlavə edilir, düyünlər qalmamalıdır.
3. Südün hamısı əlavə ediləndən sonra alınan kütlə tavaya tökülür və odun üzərinə qoyulur.
4. Zəif odda qaynayana qədər bişirilir, yanmaması və tavanın dibinə yapışmaması üçüntez-tez qarışdırılır.
5. Sonra blenderdə xırdalanmış və ya həvəngdəstədə döyülmüş fındıq, yağ, duz əlavə olunur və qarışdırılır.
6. Nutella qatılaşana qədər mütəmadi qarışdırılaraq odda bişirilir.
Hazır Nutella soyudulur, qapaqlı bankaya tökülür və soyuducuda saxlanılır. Ev şəraitində bu üsulla hazırlanan Nutella bircinsli kütlə şəklində alınır, elastik olur və buterbrodların, peçenyelərin üzərinə rahat çəkilir.
Nuş olsun!
alinti..
-
Konu: Toyuq ilə sezar salatSağlam mətbəx - sezar salati - sezar salatin terifi ve terkibi
Sezar salatı ilk dəfə ХХ əsrin 20-ci illərində Amerikada italyanlar tərəfindən hazırlanmağa başlayıb. Bu salatın bir neçə növü mövcuddur: suxari və toyuqla, həmçinin ançousların əlavəsi ilə...
Lazım olan məhsullar:
- Kahı - 1 dəstə (mümkün qədər soyudulmuş şəkildə
- Toyuq filesi - 1 ədəd
- Baton (və ya tost çörəyi) - 1 ədəd
- Zeytun yağı - ½ stəkan
- Xardal - 1 qaşıq
- Limon suyu - 1 qaşıq
- Yumurta sarısı - 1 ədəd
- Parmezan pendiri - 25 qr
- 2 diş sarımsaq
- duz, istiot, zövqə görə şəkər tozu
Hazırlanması:
Yuyulmuş və qurudulmuş kahı yarpaqları əllə kiçik hissələrə parçalanır.
Toyuq kiçik parçalar şəklində doğranır və duz-istiot əlavə edilərək bir neçə dəqiqə qaynar günəbaxan yağında qızardılır.
Zeytun yağı yumurta sarısı, limon suyu, doğranmış sarımsaq və sürtgəcdən keçirilmiş parmezan pendiri ilə qarışdırılır. Duz, istiot və zövqə görə biraz şəkər tozu əlavə etmək olar.
Baton çörək kubiklər şəklində doğranır və doğranmış sarımsaqla qızardılır (və ya hazır qızarmış kubiklərə sarımsaq sürtülür).
Kahı yarpaqlarının üzərinə qızardılmış toyuq parçaları qoyulur, üzərinə hazırlanmış sous tökülür və ən son sürtgəcdən keçirilmiş parmezan pendiri səpilir.
Nuş olsun!
Alinti....
-
Konu: Kərəviz şorbasıSağlam mətbəx - Kərəviz şorbasınin terifi ve terkibi
Amerika cərrahları artıq çəkidən əziyyət çəkən insanların əməliyyatdan əvvəl arıqlaması üçün bu şorbanı hazırlayıblar.
Olduqca effektiv təsir edən bu şorba ilə saxlanılan diyet çox sərt deyil və tez zamanda arıqlamağa imkan verir. Kərəviz diyetinin əks göstərişləri və ya hansısa məhdudiyyətləri yoxdur, bu diyeti hər gün də etmək olar. Müntəzəm istifadə etdikdə kərəviz bərpaedici, cavanlaşdırıcı və hətta təmizləyici təsirlərə malikdir.
Kərəviz diyeti 1 həftə üçün nəzərdə tutulub, bu günlər ərzində üzüm, banan və kartofdan başqa digər meyvə-tərəvəzləri yemək olar. Həmçinin istənilən qədər təmiz su, qazsız mineral su, yaşıl çay və şəkərsiz kofe də içmək olar. Bu diyet zamanı əsas şərt – hər gün bir boşqab bu möcüzəli şorbadan yeməkdir.
Asan həzm olunan kərəviz şorbası diyetik, yağ əridici təsirlərə malikdir və çox faydalıdır.
Kərəviz şorbası üçün lazım olab məhsullar:
- Kərəviz sapı - 400 qr
- Ağ kələm - 0,5 kq
- Baş soğan - 6 ədəd (böyük olmayan)
- Təzə və ya konservləşdirilmiş pomidor - 3 ədəd (orta ölçüdə
- Yaşıl şirin bibər - 2 ədəd
- Duz, qara istiot.
Hazırlanması:
Tərəvəzlər doğranılır, üzərinə 3 litr su tökülür, zövqə görə duz və biraz qara döyülmüş istiot əlavə edilir. Qazan oda qoyulur, qaynadılır və 10 dəqiqə bişirilir. Bundan sonra od daha zəif edilir və yavaş od üzərində bütün tərəvəzlər yumşalana qədər bişirilir.
Beləliklə, kərəviz şorbası hazırdır.
Nuş olsun!
Alinti...
-
Disler - Ağıl dişləri - Ağıl dişlərinin problemləri nedir?
Bildiyimiz kimi, ağzımızda ən axırıncı çıxan dişlər ağıl dişləridir. Əsasən 17-25 yaşları arasında çıxır.
Hal hazırda bir çox insanlarda ağıl dişləri çıxmır.
Ağıl dişlərin çıxması bəzi problemlər yarada bilə. Bu dişlərin ağızda qalıb qalmaması mübahisəlidir. Əgər dogru vəziyyətdə çıxırsa və ətraf toxumalara zərər vermirsə bu diş yerində qala bilər. Çənə sümüyünə birləşmiş və anormal vəziyyətdə olan bir dişin (rentgenlə müəyyən edilmiş) gələcəkdə yol açacağı zərərlər göz önünə alınaraq çəkilməsinə qərar verilə bilər.
Ağıl dişlərinin çəkilməsinə yol açan hallar hansılardır?
ÇÜRÜK: Bakteriya və yemək qalıqları yeni çıxmaqda olan dişin açdığı yuvada yığılaraq həm ağıl dişi, həm də yanındakı azı dişini təhlükəyə salır. Bu tip çürükləri müəyyən etmək və müalicə etmək olduqca çətindir. Ağrı və infeksiyaya yol açan və abseslə nəticələnən ağır hallar meydana gələ bilər.
DİŞƏTİ XƏSTƏLİYİ (perikoronit): Qismən çıxmış bir ağıl dişin dişətində bakteriya və yemək artıqlarının yığıldığı bir infeksiya yığınağı olur. Bu vəziyyət ağız qoxusu, ağrı, ödem və trismusa (ağzın tam açıla bilməməsi halı) səbəb olur. İnfeksiya limfa sistemi vasitəsi ilə yanaq və boyuna yayıla bilər.
TƏZYİQ AĞRISI: Ağil dişi çıxan zaman qonşu dişlərə təzyiq edirsə, bununla əlaqədar da ağrı hiss edilə bilər. Bəzi hallarda bu təzyiq aşınmaya gətirib çıxarır.
ORTODONTİK SƏBƏBLƏR: Bir çox gənç daimi dişlərindəki əyrilikləri düzəltmək üçün ortodontik müalicə alır. Ağıl dişlərini çıxma təzyiqi digər dişlərə də əks olunacağından digər dişlərdə də bir hərəkətlilik olur, əyriliklər arta bilir.
PROTEZLƏ ƏLAQƏLİ SƏBƏBLƏR: Protez hazırlanması planlaşdırdıqda ağıl dişlerini nəzərə almaq lazımdır. Çünki, ağıl dişi çəkildikdən sonra dəyişən ağız quruluşuna görə yeni bir protez hazırlamaq lazım gələcəkdir.
KİSTANIN ƏMƏLƏ GƏLMƏSİ: Ağıl dişin çıxması burada kistanın əmələ gəlməsinə səbəb ola bilər. Kista sümük əriməsinə, çənənin genişlənməsinə və ətrafdakı dişlərin yerdəyişdirməsinə ya da zərər görməsinə səbəb olur. Sümük əriməsinin qarşısını almaq üçün diş çəkilməli və kista təmizlənməlidir.
Heç bir narahatçılıq verməsə də düzgün istiqamətdə olmayan ağıl dişi çəkilməlidir. Dişin istiqamətinin düzgün olmaması infeksiya üçün yetərli bir səbəbdir. Ağıl dişləri fırça və diş ipiylə təmizlənməsi çətin olan bölgələrdə yerləşirlər. Nəticədə burada bakteriya və yemək qalıqları yığılır və bu da dişin çürüməsinə səbəb olur.
Ağıl dişlərin çəkilməsi hansı problemlər yarada bilər?
Ağıl dişlərin çəkilməsindən sonra sağalma problemi yarana bilər. Bu səbəbdən diş həkiminin tövsiyələrinə dəqiqliklə əməl etmək lazımdır. İlk 24 saat ərzində hər 2 saatda bir ilıq duzlu suyla ağzı qarqara etmək lazımdır. Qarışıq 1 stəkan ilıq suya 1 çay qaşığı duz əlavə etməklə hazırlanır.
Ağrı artdıqda, qanaxma və s. problemlər əmələ gəldikdə dərhal diş həkiminə müraciət edin.
alinti...
-
Konu: əl-Mumtəhinə surəsiQurani Kərim - əl-Mumtəhinə surəsi
əl-Mumtəhinə (İmtahana çəkilən qadın) surəsi
(Mədinədə nazil olmuşdur, 13 ayədir)
Mərhəmətli, rəhmli Allahın adı ilə!
Ey iman gətirənlər! Nə mənim düşmənimi, nə də özünüzün düşmənini dost (vəli) tutun! Onlar (kafirlər) sizə gələn haqqı (Qur’anı, Muhəmməd əleyhissəlamı) inkar etdikləri halda, siz onlarla dostluq edirsiniz (mehribanlıq göstərirsiniz). Siz Rəbbiniz olan Allaha iman gətirdiyiniz üçün onlar Peyğəmbəri və sizi (Məkkədən) çıxardırdılar. Əgər siz Mənim yolumda və Mənim rizamı qazanmaq uğrunda cihada çıxmısınızsa (Mənim düşmənlərimi dost tutmayın). Siz onlarla gizlində dostluq edirsiniz (dostluq üzündən onlara sirr verirsiniz). Mən sizin gizli saxladığınız və aşkar etdiyiniz hər şeyi (bütün gizli və aşkar əməllərinizi) bilirəm. Sizdən kim (bir daha) bunu etsə (düşmənlərlə dostluq edib onlara sirr versə, o, şübhəsiz ki, haqq yoldan azmışdır!
Əgər onlar (müşriklər) sizi ələ keçirsələr (sizə qələbə çalsalar), sizə düşmən olar, sizə pisliklə əl və dil uzadar, sizin kafir olmanızı istəyərlər.
Nə (xatirinə Allaha və Peyğəmbərinə xəyanət etdiyiniz Məkkədəki) qohum-əqrabanız, nə də oğul-uşağınız sizə bir fayda verəcəkdir. Allah qiyamət günü sizi bir-birinizdən ayıracaqdır. Allah nə etdiklərinizi görəndir!
İbrahim və onunla birlikdə olanlar (mö’minlər) sizin üçün gözəl örnəkdir. O zaman onlar öz qövmünə belə demişdilər: “Şübhəsiz ki, bizim sizinlə və sizin Allahdan başqa ibadət etdiklərinizlə (bütlərlə heç bir əlaqəmiz yoxdur. Biz sizi (dininizi) inkar edirik. Siz bir olan Allaha iman gətirməyincə bizimlə sizin aranızda həmişə ədavət və nifrət olacaqdır!” Ancaq İbrahim öz atasına: “Mən (öz Rəbbimdən) mütləq sənin bağışlanmağını diləyəcəm. Mən heç vəchlə səni Allahdan (Allahın əzabından) qurtara bilmərəm (mənim bacardığım yalnız budur)!” – deməsi istisnadır (bunda sizin üçün örnək yoxdur). (Onlar həmçinin belə demişdilər: ) “Ey Rəbbimiz! Biz ancaq Sənə təvəkkül etdik, tövbə edib ancaq Sənə tərəf qayıtdıq. Axır dönüş də ancaq Sənin hüzurunadır.
Ey Rəbbimiz! Bizi kafirlər üçün sınaq vasitəsi etmə! (Bizi kafirlərin əli ilə sınağa çəkmə, onları bizim üstümüzdə hakim etmə!) Bizi bağışla. Ey Rəbbimiz! Həqiqətən, Sən yenilməz qüvvət sahibi, hikmət sahibisən!”
(Ey mö’minlər!) And olsun ki, onlar sizin üçün, Allaha və axirət gününə ümid bəsləyənlər üçün gözəl örnəkdir. Kim (kafirlərlə dostluq edib Allahın buyurduğundan) üz döndərsə (bunun zərəri ancaq onun özünə olar). Allah (heç nəyə möhtac deyildir; O, tə’rifə (şükrə layiqdir!
(Ey mö’minlər!) Ola bilsin ki, Allah sizinlə düşmənçilik etdiyiniz kimsələr (Məkkə müşrikləri) arasında (onları islam dininə gətirməklə dostluq (məhəbbət) yaratsın. Allah (hər şeyə qadirdir. Allah bağışlayandır, rəhm edəndir!
Allah din yolunda sizinlə vuruşmayan və sizi yurdunuzdan çıxartmayan kimsələrə yaxşılıq etməyi və onlarla ədalətlə rəftar etməyi sizə qadağan etməz. Allah ədalətli olanları sevər!
Allah sizə ancaq sizinlə din yolunda vuruşan, sizi yurdunuzdan çıxardan və çıxartmağa kömək edən kimsələrlə dostluq etmənizi qadağan edər. Onlarla dostluq edənlər əsl zalımlardır!
Ey iman gətirənlər! Mö’min qadınlar sizin yanınıza mühacir kimi gəldikləri zaman onları imtahana çəkin. Allah onların imanını çox gözəl bilir (onları yoxlayıb bilmək sizə lazımdır). Əgər bunların (bu qadınların həqiqi) mö’min olduqlarını bilsəniz, artıq onları kafirlərin yanına qaytarmayın. Nə bunlar (bu qadınlar) onlara (kafirlərə, nə də onlar bunlara halaldır. Onların (kafirlərin həmin qadınlara) xərclədiklərini (mehri) özlərinə qaytarıb verin. Bunların (bu qadınların) mehrlərini özlərinə verdiyiniz təqdirdə onlarla evlənməyinizdən sizə heç bir günah gəlməz. Kafir qadınları öz kəbininiz altında saxlamayın. (Həmin qadınlara) verdiyiniz mehri (onların ərə getdiyi kafirlərdən) istəyin. (Kafirlər də islamı qəbul edib mö’minlərlə evlənən qadınlara) sərf etdikləri mehri (sizdən) istəsinlər. Allahın hökmü budur. O sizin aranızda (belə hökm edər. Allah (hər şeyi) biləndir, hikmət sahibidir!
Əgər zövcələrinizdən biri sizdən qaçıb (mehrini geri qaytarmadan) kafirlərə qoşulsa və siz də (onlarla vuruşaraq) qənimət əldə etsəniz, zövcələri (kafirlərin yanına) getmiş kimsələrə (həmin qənimətdən) onların (bu övrətlərə sərf etdikləri mehr qədər verin. İman gətirdiyiniz Allahdan qorxun!
Ya Peyğəmbər! Mö’min qadınlar Allaha heç bir şərik qoşmayacaqları, oğurluq və zina etməyəcəkləri, övladlarını öldürməyəcəkləri (qız uşaqlarını diri-diri torpağa gömməyəcəklərini), özgə kişilərdən olan uşaqlarını yalandan ərlərinə isnad etməyəcəkləri və heç bir yaxşı (bəyənilən) işdə sənin əleyhinə çıxmayacaqları barədə sənə bey’ət etmək üçün yanına gəldikləri zaman onların bey’ətini qəbul et və Allahdan onların bağışlanmasını dilə. Həqiqətən, Allah bağışlayandır, rəhm edəndir!
Ey iman gətirənlər! Allahın qəzəbinə düçar olmuş bir qövmlə dostluq etməyin. Kafirlər qəbiristan əhlindən (ölülərin qiyamət günü diriləcəyindən) ümidlərini üzdükləri kimi, onlar da axirətdən (axirətdə Allahın mərhəmətindən) ümidlərini üzmüşlər!
alinti..
-
Konu: əl-Həşr surəsiQurani Kərim - əl-Həşr surəsi
əl-Həşr (Toplanma) surəsi
(Mədinədə nazil olmuşdur, 24 ayədir)
Bismillahir–rəhmanir-rəhim!
Göylərdə və yerdə nə varsa, (hamısı) Allahı təqdis edib şə’ninə tə’riflər deyər. O, yenilməz qüvvət sahibi, hikmət sahibidir!
Kitab əhlindən kafir olanları (Mədinə ətrafında yaşayıb Muhəmməd əleyhissəlamın peyğəmbərliyini inkar edən Bəni Nəzir qəbiləsini) ilk dəfə (bir yerə toplayıb öz yurdundan çıxardan (Şama sürgün edən) Odur. (Ey mö’minlər!) Siz onların (öz yurdundan) çıxacaqlarını güman etmirdiniz. Onlar isə öz qalalarının onları Allahdan (Allahın əzabından) qoruyacağını zənn edirdilər. Amma Allah (Allahın əzabı) onlara gözləmədikləri yerdən gəlib ürəklərinə qorxu saldı. Belə ki, onlar evlərini həm öz əlləri, həm də mö’minlərin əlləri ilə uçurdub dağıdırdılar. Ey bəsirət sahibləri! (Bəni Nəzir qəbiləsinin başına gələnlərdən) ibrət alın!
Əgər Allah onlara (yurdlarından çıxardılıb) sürgün olunmağı hökm etməsəydi, onları dünyada mütləq (başqa bir) əzaba düçar edərdi. Axirətdə isə onları cəhənnəm əzabı gözləyir!
Bu onların Allaha və Onun Peyğəmbərinə asi olmalarına görədir. Kim Allaha asi olsa (bilsin ki), Allahın cəzası çox şiddətlidir!
(Ey mö’minlər! Sizin kafirlərə məxsus olan) hər hansı bir xurma ağacını kəsməyiniz, yaxud (toxunmayıb) onu kökü üstündə salamat qoymağınız Allahın iznilədir. Və bu (Allahın öz Rəbbinə asi olan) fasiqləri rüsvay etməsi üçündür.
(Ey mö’minlər!) Allahın onların (Bəni Nəzər qəbiləsinin) mallarından Öz Peyğəmbərinə verdiyi qənimət üçün siz onların üstünə nə at, nə də dəvə sürdünüz. Lakin Allah Öz peyğəmbərini istədiyi kimsələr üzərində hakim edər. Allah hər şeyə qadirdir!
Allah Öz Peyğəmbərinə (fəth olunmuş) məmləkətlərin əhalisindən (dinc yolla) verdiyi qənimət Allaha, Peyğəmbərə, (Muhəmməd əleyhissəlama yaxın olan) qohum-əqrabaya, yetimlərə, yoxsullara və (pulu qurtarıb yolda qalan) müsafirə (yolçulara) məxsusdur. Bu ona görədir ki, (həmin mal-dövlət) içərinizdəki zənginlər arasında əldən-ələ dolaşan bir sərvət olmasın (ondan yoxsullar da faydalansın). Peyğəmbər sizə nə verirsə, onu götürün; nəyi qadağan edirsə, ondan əl çəkin. Allahdan qorxun. Həqiqətən, Allahın cəzası çox şiddətlidir.
(Bu qənimət) yurdlarından qovulub çıxardılmış, Allahdan mərhəmət və riza diləyən, Allaha və Onun Peyğəmbərinə kömək edən yoxsul mühacirlərə məxsusdur. Onlar (imanlarında, sözlərində və işlərində doğru olan kimsələrdir!
Onlardan (mühacirlərdən) əvvəl (Mədinədə yurd salmış və (Muhəmməd əleyhissəlama qəlbən) iman gətirirmiş kimsələr (ənsar) öz yanlarına (şəhərlərinə mühacirət edənləri sevər, onlara verilən qənimətə görə ürəklərində həsəd (qəzəb) duymaz, özləri ehtiyac içində olsalar belə, onları özlərindən üstün tutarlar. (Allah tərəfindən) nəfsinin xəsisliyindən (tamahından) qorunub saxlanılan kimsələr – məhz onlar nicat tapıb səadətə (Cənnətə qovuşanlardır!
Onlardan (mühacirlərdən və ənsarlardan) sonra gələnlər belə deyirlər: “Ey Rəbbimiz! Bizi və bizdən əvvəlki iman gətirmiş (din) qardaşlarımızı bağışla. Bizim qəlblərimizdə iman gətirənlərə qarşı kinə (həsədə yer vermə. Ey Rəbbimiz! Sən, həqiqətən, şəfqətlisən, mərhəmətlisən!”
(Ya Peyğəmbər) Məgər kitab əhlindən kafir olan qardaşlarına: “Əgər (siz öz yurdunuzdan) çıxarılsanız, biz də sizinlə birlikdə mütləq (yurdumuzdan) çıxacaq, sizin əleyhinizə heç vaxt heç kəsə qoşulub tabe olmayacağıq. Əgər (mö’minlər) sizinlə vuruşsalar, şübhəsiz ki, sizə yardım edəcəyik!” – deyən münafiqləri görmədinmi? Allah onların xalis yalançı olduğuna şahiddir!
And olsun ki, əgər onlar (Bəni Nəzər qəbiləsi) yurdlarından çıxarılsalar, (münafiqlər) onlarla birlikdə (öz yurdlarından) çıxmazlar. Əgər (mö’minlər) onlarla vuruşsalar, (münafiqlər) onlara (yəhudilərə kömək etməzlər. Yox, əgər (münafiqlər) onlara yardım etmiş olsalar, (özləri məğlubiyyətə uğrayaraq) arxa çevirib qaçar, sonra da onlara (Bəni Nəzir qəbiləsinə heç bir kömək olunmaz!
(Ey mö’minlər!) Onların (münafiqlərlə yəhudilərin) ürəklərinə qorxu salan Allahdan çox sizsiniz. Bu isə onların (Allahın əzəmət və heybətini) anlamaz bir qövm olduqlarına görədir.
Onlar (münafiqlərlə yəhudilər) hamılıqla sizə qarşı ancaq möhkəm şəhərlərdə (kəndlərdə, yaxud divar arxasında (qala içərisində olarkən döyüşərlər (başqa şəraitdə sizinlə vuruşmağa cür’ət etməzlər). Onların öz aralarındakı vuruşmaları (və düşmənçilikləri) isə çox güclüdür. (Ya Peyğəmbər!) Sən onların əlbir olduqlarını güman edirsən, lakin onların qəlbləri dağınıqdır. Bunun səbəbi onların ağılsız bir qövm olmalarıdır.
Onlar özlərindən bir az əvvəl əməllərinin cəzasını (dünyada) dadmış kimsələrə (Bədrdə məğlub olmuş Məkkə müşriklərinə bənzəyirlər. Onları (axirətdə şiddətli bir əzab gözləyir.
(Münafiqlər Bəni Nəzir yəhudilərini aldatması) Şeytana (Şeytanın insanı aldatmasına) bənzəyir. O, insana: “Kafir ol !” – deyər. (İnsan) kafir olan kimi (Şeytan onu qoyub qaçaraq): “Mənim səninlə heç bir əlaqəm yoxdur. Mən aləmlərin Rəbbi olan Allahdan qorxuram!” – deyər.
Onların hər ikisinin (Şeytanla onun aldatdığı adamın, eləcə də münafiqlərlə Bəni Nəzir qəbiləsinin) aqibəti cəhənnəm odu içində həmişəlik qalmaqdır. Zalımların (kafirlərin) cəzası budur!
Ey iman gətirənlər! Allahdan qorxun! Hər kəs sabah üçün nə etdiyinə (axirət üçün özünə nə hazırladığına) nəzər salsın. Allahdan qorxun. Həqiqətən, Allah etdiklərinizdən xəbərdardır!
Allahı unutduları üçün Allahın da onları özlərinə unutdurduğu (xeyirlərini başa düşməyən) kimsələrə bənzəməyin! Onlar (Allahın itaətindən çıxmış) fasiqlərdir!
Cəhənnəm əhli ilə cənnət əhli eyni ola bilməz. Cənnət əhli nicat tapıb (əbədi) səadətə qovuşanlardır!
(Ya Peyğəmbər!) Əgər Biz bu Qur’anı bir dağa nazil etsəydik, sən onun Allahın qorxusundan (kiçildiyini) parça-parça olduğunu görərdin (halbuki ağıl və ruh sahibi olan insan onun öyüd-nəsihətlərindən ibrət almır). Biz bu misalları insanlar üçün çəkirik ki, bəlkə, düşünələr.
O Özündən başqa heç bir tanrı olmayan, gizlini də, aşkarı da bilən Allahdır. O rəhmlidir, mərhəmətlidir! (Allah dünyada bütün bəndələrinə rəhm edən Rəhman, axirətdə isə yalnız mö’minləri bağışlayan Rəhimdir!)
O Özündən başqa heç bir tanrı (mə’bud) olmayan, (bütün məxluqatın) ixtiyar sahibi, müqəddəs (pak) olan, (bəndələrinə salamatlıq, əmin-amanlıq bəxş edən, (hər şeydən) göz-qulaq olub (onu) qoruyan, yenilməz qüdrət (qüvvət) sahibi, (hamını istədiyi hər hansı bir şeyə məcbur etməyə qadir olan, (hər şeydən) böyük (hər şeyin fövqündə olan Allahdır. Allah (müşriklərin) Ona qoşduqlarından (şəriklərdən) ucadır.
O, (hər şeyi) yaradan, yoxdan var edən, (hər şeyə surət verən Allahdır. Ən gözəl adlar (əsmayi-hüsna) ancaq Ona məxsusdur. Göylərdə və yerdə nə varsa (hamısı) Onu təqdis edib şə’ninə tə’riflər deyər. O, yenilməz qüvvət sahibi, hikmət sahibidir!
alinti...