N.N.
Üye
23.04.2010
Üsteğmen
22.919
Üsteğmen
22.919
Hakkında
Mən Fəxir Edirəm ki,Azərbaycanlıyam..Heydər Əliyev..
-
Parıltılı gözlər haqqinda
Zərli, parıltılı göz qapaqları ilə gözlərin daha çox önə çıxarıldığı işıltılı makiyaj bu sezonun trendləri arasında xüsusi yer alır. Gözlərdə almaz varmış kimi bir hiss oyadan bu modanın tətbiqi isə çox asandır.
Ancaq diqqət etməli olduğunuz bəzi nöqtələr var.
İşıltılı makiyajlarda xüsusi önəm gözlərə verildiyi üçün dodaqlarınızı təbii rəngdə, yanaqlarınızı isə çəhrayı tonlarda rəngləyin. Gözaltında halqalar varsa, işıltı onu daha qabarıq göstərəcəyi üçün halqaları örtən qapadıcı vurun. Almaz təsiri yaratmaq üçün zərdən az miqdarda istifadə edin.
Alinti...
-
Konu: 2016 Qadin GeyimleriModa - deb - Modeller - yaz ve yay modasi 2016
Alinti..
-
Deriye qulluq - Uz baximi - Maska - Maskalar - Sallanan yanaqlar - Sallanan yanaqlar haqqinda - Sallanan yanaqlar ucun maska nece hazirlanir?
Güzgünün qarşısında dayanın və 10 saniyə boyunca ürəkdən gülümsəyin, sonra dincəlin və bunu 5 dəfə təkrarlayın.
Yanaqlarınızı şar şişirirmiş kimi hava ilə doldurun. Bunu 10 saniyə edin, rahatlayın və 5 dəfə təkrarlayın.
Avokado və bal maskası
Dərinizi qidalandıraraq, formasını qazanmasına və nəmləndirməsinə yardım edən avokado qırışların yaranmasının qarşısını alır və əzələlərin qidalanmasına yardım edir. Yarım avokadonun içini iki xörək qaşığı bal ilə qarışdırın. Bunu yanaqlarınıza 15 dəqiqə boyunca sürtün. Yatmadan əvvəl etməniz daha məsləhətədir. 15 dəqiqə sonra yuyun.
Sadə qatığı aloe vera ilə qarışdıraraq krem hazırlaya bilərsiniz. 4 xörək qaşığı sadə qatıq ilə iki yemək qaşığı aloe vera gelini bir qabda qarışdırın. Fırça ilə üzünüzə çəkib 20 dəqiqə gözləyin. Bunu hər gün etsəniz, dərinizdəki sallanmalara nə qədər faydalı odluğunu görəcəksiniz.
Arıqlayarkən üz sallanmağa başlayır. Buna görə üz əzələlərini güclü tutan qidalarla qidalanmalısınız. Proteinlə zəngin tərəvəz yeyin. Dərinizi nəmli tutmaq üçü bol su için.
Fərizə ƏHMƏDOVA
-
Şou biznes xəbərləri - Məşhurlar
Müğənni Elnarə Xəlilova yeni “Eşq ilə boyan adlı” mahnısına klip çəkdirib. Lent.az-ın məlumatına görə, Beynəlxalq Mətbuat Mərkəzində (BMM) ekran işinin təqdimat mərasimində çıxış edən müəllif bildirib ki, mahnının sözləri Cavidana, musiqisi Sevda Məmmədliyə, aranjemanı Rasim Məmmədova məxsusdur. “Eşq ilə boyan” adlı mahnıya klip isə Hindistanda çəkilib. Bu Elnarənin Qədim Şərq ölkəsində çəkilən ilk ekran işidir. Klipə hindistanlı rejissor Ani Sasi quruluş verib. Təqdimat mərasimində KİV nümayəndələri ilə yanaşı, “Eşq ilə boyan”ın yaradıcı heyəti də iştirak edib. Ekran işi Hindistanın ekzotik mənzərəsi, tarixi məkanları və təbiəti ilə seçilən Kerala ştatının Koçin şəhərində çəkilib.
Klipdə Elnarənin tərəf müqabilləri hindistanlı rəqqasələrdir.
“Mahnı hind ladları üzərində yazılıb. Həm də Hindistanda klip çəkdirmək uşaqlıq arzum idi. Mahnı da həyatın rəngləri, Allahın bizə bəxş etdiyi gözəl nemətlər haqqındadır” deyə müğənni bildirib.
Müğənni klipin büdcəsini də açıqlayıb. O bildirib ki, ekran işi 35 min manata ərsəyə gəlib. “Mahnıya çəkilən klip televiziya kanallarında yayımlanacaq”.
Xatırladaq ki, bu, Elnarənin sayca 13-cü klipidir.
alinti...
-
Şou biznes xəbərləri - Məşhurlar
Əməkdar artist Nahidə Orucova xəstəxanaya yerləşdirilib.
Lent.az-ın axşam.az-a istinadən məlumatına görə, səhhəti pisləşən aktrisa əməliyyat olunacaq.
Hazırda 1 saylı Şəhər Klinik Xəstəxanasına yerləşdirilən N.Orucovanın ayağında damarları şişib
alinti..
-
Xeber - Idman xeberleri
Topaz Premyer Liqasının XI turunun “Qəbələ” - “Kəpəz” oyunu yarımçıq dayandırılıb. Apasport.az saytının məlumatına görə, buna hava şəraiti səbəb olub.
Belə ki, Qəbələ şəhər stadionunda güclü dumanın olması səbəbindən hakimlər matçı dayandırmaq məcburiyyətində qalıb.
Görüşün baş hakimi Rəhim Həsənovun və AFFA nümayəndələrinin ortaq qərarına əsasən, qarşılaşma sabah saat 20:00-da qaldığı yerdən - 30-cu dəqiqədən davam etdiriləcək.
alinti..
-
Xeber - Xeberler - Dunyadan xeber
ABŞ hərbi hava qüvvələrinin hava hücumu zamanı Suriyada alman İŞİD tərəfində döyüşən Denis Kaspert qətlə yetirilib, Associated Press məlumat yayıb.
Oxu.Az gazeta.ru-ya istinadən xəbər verir ki, ABŞ müdafiə nazirinin nümayəndəsinin sözlərinə görə, alman reper oktyabrın 16-da Rakka şəhərinə hava hücumu nəticəsində ölüb.
Kaspertin “İslam Dövləti”nin (İŞİD) sıralarına 2012-ci ildə qoşulduğu bildirilib. O, dəfələrlə “İslam dövləti”nin videoyazılarında görünüb.
Bu il ABŞ dövlət departamenti Kasperti beynəlxalq terrorçu elan edib. ABŞ Müdafiə Nazirliyinin mətbuat katibi Ceyms Brendlinin sözlərinə görə, Kaspert İŞİD-in beynəlxalq terrorçusu və sıralarına adamlar cəlb edən şəxslərdəndir.
“Öldüyü elan edilən insanın əvvəllər də bir neçə dəfə öldüyü barədə məlumat yayılıb, ona görə də bu informasiyanı nə təsdiq, nə də təkzib etmək olar”, Almaniyanın Daxili İşlər Nazirliyinin nümayəndəsi jurnalistlərə bildirib.
Kaspert Deso Dog səhnə təxəllüsü ilə çıxış edirdi və terrorçulara qoşulduqdan sonra karyerasına son qoyub.
alinti..
-
Nuh Peyğəmbər türbəsi
Nuh Peyğəmbər türbəsi — Qədim Naxçıvan şəhəri ərazisində yerləşən türbə. Türbədə Nuh peyğəmbərin dəfn edildiyinə inanılır. Abidə Naxçıvan şəhərində Köhnəqala ərazisindəki arxeoloji qazıntılar zamanı aşkar edilib.
Naxçıvanla bağlı olduğu iddia edilən və burada geniş yayılmış “Nuh tufanı” əfsanəsində göstərilir ki, Nuh peyğəmbər yer üzünü su basacağı barədə Tanrıdan xəbər alaraq bir gəmi düzəltmiş, öz ailəsini və hər canlıdan bir cüt götürüb gəmiyə doldurmuşdur. Səfər zamanı gəmi Naxçıvanın şərqindəki İlandağa (əfsanəyə görə İnandağa), ordubaddakı Ələngəz dağına və Araz çayı sahilindəki Kəmki dağılarına toxunub keçmiş, Gəmiqayada quruya oturmuşdur. Nuh peyğəmbər gəminin toxunduğu dağlara ad vermişdir. Əfsanəyə görə, Nuhun gəmisi Gilançayın yuxarı axarındakı, Gəmiqaya adlı yerdə lövbər salmışdır. Rəvayətə görə, gəminin qalıqları indi də buradakı “Ayı çuxuru” adlı yerdə qalmaqdadır. Digər bir rəvayətə görə isə Nuhun və qarısının qəbirləri də Naxçıvandadır.
Bu əfsanə Nuh tufanı haqqında qədim şumer və yəhudi əfsanələri ilə bu və ya digər dərəcədə səsləşir. Tədqiqatçı R. Sultanovun fikrincə, tufan Ağrı dağında vulkan püskürməsi ilə əlaqədar Dəclə və Fərat çaylarının daşması nəticəsində baş vermişdir. Deməli Ağrı dağına yaxın olan Araz çayında, daha doğrusu Naxçıvanın özündə də güclü daşqın olmuşdur. Ə. Hüseyni isə Gəmiqayada Nuh peyğəmbərlə bağlı qədim yazı olduğunu qeyd etmişdir. Ümumilikdə Nuf əfsanəsi e.ə. II minilliyin ortalarında şumerlilər tərəfindən ilk dəfə yazıya alınmışdır. Bir sıra tarixçi və coğrafiyaşünasların fikrincə bu, Naxçıvan şəhərinin salındığı tarixlə (e.ə. 1539) eyni dövrə təsadüf edir.
Naxçıvanda Nuhdaban adlı qədim kəndin xarabalıqları, Nəhəcir (güman ki, Nuhəcir) dağı və kəndi indi də qalmaqdadır. Erməni tarixçisi M. Çamçıyan, XVI əsr ərəb coğrafiyaşünası Əl-Əşrəfi də Nuhun gəmisinin və qəbrinin Naxçıvanda olduğunu qeyd edirlər. Tanınmış Azərbaycan rəssamı Bəhruz Kəngərli yağlı boya ilə “Nuhun qəbri” rəsmini çəkmişdir. Əsər hazırda Azərbaycan Dövlət İncəsənət Muzeyində saxlanılmaqdadır. Orta əsrlərdə xalq arasında Nuh peyğəmbərin məzarı kimi ziyarət edilən yerdə türbə inşa edilmişdir.
Elmi araşdırmalar nəticəsində Nuh peyğəmbərin məzarüstü türbəsinin yeri təyin olunub, aparılan arxeoloji qazıntı zamanı türbənin özülü, naxış elementləri tapılaraq bərpa işlərinə başlanılıb. Türbə 3 hissədən – sərdabədən, yerüstü məqbərədən və konusvari örtükdən ibarətdir. Bərpa zamanı kərpic, kaşı və müxtəlif naxış elementlərindən istifadə edilib.
Türbənin hündürlüyü 15 metr 50 santimetr, eni isə 7 metr 50 santimetrdir. Nuh peyğəmbərin məzarüstü türbəsi 8 guşəlidir. Türbənin özülü tapılarkən 8 guşəli və girişinin qərb istiqamətdən olduğu müəyyənləşdirilib. Ona görə də bərpa zamanı türbənin əvvəlki görkəminin yaradılmasına ciddi diqqət yetirilib.
Elmi araşdırmalar nəticəsində Nuh peyğəmbərin məzarüstü türbəsinin yeri təyin olunub, aparılan arxeoloji qazıntı zamanı türbənin özülü, naxış elementləri tapılaraq bərpa işlərinə başlanılıb. Türbə 3 hissədən – sərdabədən, yerüstü məqbərədən və konusvari örtükdən ibarətdir. Bərpa zamanı kərpic, kaşı və müxtəlif naxış elementlərindən istifadə edilib.
Türbənin hündürlüyü 15 metr 50 santimetr, eni isə 7 metr 50 santimetrdir. Nuh peyğəmbərin məzarüstü türbəsi 8 guşəlidir. Türbənin özülü tapılarkən 8 guşəli və girişinin qərb istiqamətdən olduğu müəyyənləşdirilib. Ona görə də bərpa zamanı türbənin əvvəlki görkəminin yaradılmasına ciddi diqqət yetirilib.
alinti..
-
Konu: Aşura günüAşura günü
Əmirəl-möminin Əlidən (ə
nəql olunan hədisdə isə belə deyilir: “Peyğəmbər (s.a.v) bizim üçün xütbə edər və ALLAHın günlərini bizə xatırladardı”
Həmin tarixi günlər silsiləsindən, özündə əks etdirdiyi dəyərlərə, ibrətlərə və taleyüklü hadisələrə münasibətdəki roluna görə Aşuranı sözün həqiqi mənasında ALLAHın günlərdən saymaq olar.
Peyğəmbərin (s.a.v) hadisədən xəbər tutması, Əhli-Beytini, ailəsini və səhabələrini hadisə baş verməmişdən yarım əsr qabaq xəbərdar etməsi o hadisənin əhəmiyyətli olmasına dəlalət edirdi.
İmam Əhməd ibn Hənbəl “Müsnəd” adlı əsərinin 648 nömrəli hədisində Abdullah ibn Nəciydən, o da atasından belə nəql edir: “Bir gün onun atası Əbu Əbdillah İmam Əli (ə ilə Sıffinə tərəf yol gedirdi. Neynəvey yoluna çatanda İmam Əli (ə ona: “Ey Əba Əbdillah, bir az dayan, səbr et!”-dedi. O isə: “Nə olub?” İmam Əli (ə ona belə buyurdu: “Bir gün Peyğəmbərin (s.a.v) yanına daxil oldum və onun ağladığını gördüm. Soruşdum ki: “Ey ALLAHın peyğəmbəri, niyə ağlayırsan? O isə cavabında dedi: “İndicə Cəbrail (ə yanımda idi. Mənə xəbər verdi ki, oğlum Hüseyn Fərat tərəfdə öldürüləcəkdir. Sonra isə mənə onun şəhid olacağı torpaqdan bir hissəsini göstərib verdi. Mən özümü saxlaya bilməyib göz yaşları tökdüm”.
İslam ümmətinin tarixində baş vermiş ən mühüm hadisə kimi Aşuranın iki önəmli tərəfi vardır:
1. İmam Hüseynin (ə, əhli-beytinin və silahdaşlarının dözümlülükdə, mərdlik və şücaətdə tutduqları mövqe və nümunəvi addımlar, həmçinin, İslam dəyərlərinin qorunması, zülmün, fəsadın, azğınlığın qarşısının alınmasında göstərdikləri şücaət Aşura hadisənin yüksək və önəmli tərəflərini bizim üçün açır.
2. Əhli-Beytə (ə qarşı törədilən faciəvi zülm, onların ALLAH tərəfindən qorunan məqamı və hörmətinin tapdalanması Aşura hadisəsindən bizə açıq-aydın aşkar olur.
İmam Hüseyn (ə sıradan bir şəxs deyildi. Onun şəxsiyyəti, məqamı və mövqeyi bütün müsəlmanlara məlum idi. Peyğəmbərin (s.a.v) onu nə qədər sevməsi, onun barəsində söylədikləri hədislər hamıya bəlli idi.
Bir gün Peyğəmbər (s.a.v) səhabələrinə üzünü tutaraq onlara belə söyləyir: “Həsən və Hüseyn dünyanın iki reyhanıdır” . Buxari özünün “Səhih” adlı əsərində mühacirlər bölümündə İbn Abbasın bu hədisi Peyğəmbərdən (s.a.v) eşitdiyini nəql edir: “Onların ikisi də dünyanın reyhanıdır”.
Başqa bir mənbəyə görə isə Peyğəmbər (s.a.v) onlar haqqında belə buyurmuşdur: “Həsən və Hüseyn Cənnət cavanlarının ağasıdır. Ataları isə onlardan daha üstündür”.
Peyğəmbər (s.a.v) buyurmuşdur: “Hüseyn məndəndir, mən də Hüseyndənəm. Hüseyni sevəni ALLAH sevər”.
Aşura hadisəsindən əldə etdiklərimiz
Aşura gününü qeyd etməkdən məqsəd təkcə Əhli-Beytə olan sevgi hislərimizi, duyğularımız oyatmaq, hüzn və kədərlərimizi bölüşmək deyil, o hadisədən əldə etdiyimiz digər üç dərs də vardır:
Birinci dərs: Din və imanında möhkəm olmaq
İmam Hüseyn (ə və onun silahdaşları İslam dinini və onun dəyərlərini qorumaq üçün cihad etdilər. Bu barədə İmam Hüseyn (əbelə deyir: “Mən Yer üzündə şər və fəsad, həmçinin, zülm törətmək üçün çıxmıram. Babam Peyğəmbərin (s.a.v)dinində [fəsadları aradan qaldıran-mütərcim] islahatlar aparmaq üçün çıxıram. Yaxşı işlərə dəvət, pis işlərdən çəkindirmək üçün bu yolu gedirəm”.
Aşura günü Haşimi qəhrəmanı Abbas ibn Əli ibn Əbu Talib (ə deyir:
ALLAHa and olsun ki, əgər məni tikə-tikə etsəniz də,
Mən öz dinimi sona qədər qoruyacağam.
Ona görə də Aşuranı keçirərkən bu ruh yüksəkliyini yaşamaq və dinimizin dəyərlərini qorumağı düşünməliyik.
Alıntı..
-
Konu: Aşura günüAşura günü - Dini yazılar
1366 il öncə Məhərrəm ayının 10-cu günündə Məhəmməd Peyğəmbərin (s) nəvəsi, İmam Əlinin oğlu İmam Hüseyn Kərbəla yaxınlığında öz tərəfdarları ilə birgə şəhid edilib, Yezid ibn Müaviyənin ordusu tərəfindən qətlə yetirilib.
Həmin hadisədən min ildən artıq vaxt keçməsinə baxmayaraq, dünyanın bir çox şiə-müsəlman ölkəsində olduğu kimi, Azərbaycanda da qətlə yetirilən peyğəmbər övladları və digər müsəlmanlar yad edilir. Minlərlə insan bu faciəli, lakin şərəfli günü anmaq üçün Azərbaycandakı məscidlərə gedib, Allaha xətir nəzir verir və ehsan paylayır. Bu gün də İmam Hüseyn və onun tərəfdarları olan 71 müsəlman Azərbaycanın bütün məscidlərində anılıb, bununla bağlı mərasimlər keçirilib. Kərbəla şəhidlərinin düşdüyü vəziyyəti xatırladan kiçik səhnəciklər - Şəbihlər qurulub. Qeyd edək ki, 1366 il əvvəl İmam Əlinin oğlu İmam Hüseyn və onun 71 tərəfdarı Kərbala düzündə Yezid ibn Müaviyənin ordusu ilə döyüşə çıxıb. Nəticədə İmam Hüseyn və tərəfdarları şəhid olub. O vaxtdan indiyədək həmin gün, Məhərrəm ayının 10-u Aşura mərasimi qeyd olunur və 40 gün yas saxlanır.
Bu gecə saat 23:00-dan başlayaraq Aşurə günü başlanır.Sabah saat 12:00-da isə qətl sınacaq.
Gəlin İmam Hüseyn (ə əzadarlarından olaq və bu gecə ona 2 rikətlik hədiyyə namazı qılaq.
Alıntı..
-
Aşura günü ilə əlaqədar maraqlı məlumatlar – Taasuə günü
Əksər müsəlmanlar müqəddəs Məhərrəm ayının onuncu günü oruc tutmağın fəzilətli bir əməl olduğu barədə məlumata sahibdirlər. Belə ki, İbn Abbasdan (Allah ondan razı olsun) rəvayət edilən hədisdə bildirilir ki, Peyğəmbər (Allahın ona salavat və salamı olsun) Mədinəyə gəldikdə yəhudilər arasında Aşura günü oruc tutulduğunu görüb soruşdu:»Bu nədir?» Onlar dedilər:»Bu gözəl bir gündür! Bu, Allahın İsrail oğullarını onların düşmənlərindən xilas etdiyi gündür. Musa həmin günü oruc tutmuşdur». Peyğəmbər (Allahın ona salavat və salamı olsun) buyurdu:»Mən Musaya (onun etdiyini davam etməyə sizdən daha haqlıyam». Sonra həmin gün oruc tutdu və səhabələrinə də oruc tutmağı əmr etdi. Buxari.
Hədisin «Səhih Müslim»də keçən versiyasında «Musa da həmin gün oruc tutmuşdur» ifadəsinə müəllif (Allah ona rəhmət etsin) » buna minnətdar olmaq üçün biz də həmin gün oruc tutmalıyıq» şərhini vermişdir.
Bəs Aşuradan əvvəl Muhərrəm ayının doqquzuncu günü- Təəsuə günü də oruc tutmağın sünnə olduğunu bilirdinizmi?
AbduLLah ibn Abbas (Allah ondan da, atasından da razı olsun) rəvayət edir ki, Allah Rəsulu (Allahın ona salavat və salamı olsun) insanlara Aşura günü oruc tutmalarını buyurduğu zaman onlar dedilər:» Ey Allahın Rəsulu, (axı) bu günü yəhudi və nəsranilər xüsusi qeyd edirlər.» Peyğəmbər (Allahın ona salavat və salamı olsun) cavabında dedi:»Allahın izni ilə gələn il doqquzuncu gün oruc tutarıq». Amma gələn il Allah Rəsulu (Allahın ona salavat və salamı olsun) dünyasını dəyişdi. Müslim.
İmam əş-Şaafi və tərəfdarları, İmam Əhməd, İshaq və digərlər alimlər (Allah onların hamısına rəhmət etsin) doqquzuncu gün də oruc tutmağın bəyənilən əməl olduğunu bildirmişlər.
Bəs doqquzuncu gün (Təəsuə oruc tutmağa edilən çağırışda hansı hikmətlər mövcuddur?
İmam əl-Nəvəvi (Allah ona rəhmət etsin) demişdir: “Alimlər Təəsuə günü oruc tutmağa çağırışda aşağıdakı hikmətlərin olduğu barədə üç rəy irəli sürüblər”:
1. Doqquzuncu gün də oruc tutmağa çağırış kafirlərdən fərqlənib ona bənzəməmək niyyətilə edilmişdir. Bu barədə İbn Abbas (Allah ondan razı olsun) bildirir.
2. İki gün ardıcıl oruc tutmaq nafilə orucu olan Aşuranın Cümə gününə düşdüyü zaman tərk edilməməsi üçün tövsiyyə olunmuşdur.
3. Ay (hicri) təqviminə əsasən Məhərrəm ayının doqquzuncu yaxud onuncu günü olduğu dəqiq müəyyən edilmədiyi təqdirdə daha salamat mövqedə dayanmaq üçün iki gün dalbadal oruc tutmaq nəsihət edilir.
Bütün bu rəylərdən ən güclüsü Təəsusə günündəki hikmətin Kitab Əhlindən fərqlənmək olduğu barədə gələn rəydir.
İbn Teymiyyə (Allah ona rəhmət etsin) demişdir: «Allah Rəsulu (Allahın ona salavat və salamı olsun) Kitab Əhlinə bənzəməyin qadağan olduğunu bir çox hədislərdə bildirmişdir. Məsələn, Aşura ilə bağlı buyurmuşdur: «Əgər gələn ilə kimi yaşasam, doqquzuncu gün oruc tutacağam».
Əl-Fətəva əl-Kübra, 6.
İbn Həcər (Allah ona rəhmət etsin) » Əgər gələn ilə kimi yaşasam, doqquzuncu gün oruc tutacağam» hədisini şərh edərək, belə demişdir: «Onun (Allahın ona salavat və salamı olsun) narahatlığının səbəbini belə izah etmək olar ki, təkcə onuncu günlə kifayətlənmək istməməyib buna daha salamat mövqedə olmaq yaxud yəhudi və xristianlardan fərqlənmək üçün- Müslimdə gələn bir çox rəvayətlərə əsasən bu daha çox ehtimal olunur- doqquzuncu günü də əlavə etmək kimi izah edilməlidir. Fəth əl-Bari.
Ummu Abdul-Aziz
-
Aşura günü Allahın Peyğəmbərlərə mükafatı yazısı - Dini yazılar
Məhərrəmlik ayının Aşura günü Cənabi–Haqq(c.c) qatında ən mübarək günlərdən biri sayılır. Bu mübarək gündə Allah (c.c) on Peyğəmbərini on fərqli mükafat ilə mükafatlandırmış
1. Hz.Adəm (a.s) tövbəsi Aşura günündə qəbul edilmişdir.
2.Hz.Nuh(a.s) gəmisini Cüdi dağının üzərinə Aşura günündə dəmirləmişdir.
3.Allah (c.c) Hz.Musaya Aşura günündə belə bir möcüzə bəxş etmiş,dənizi iki yerə yararaq Firavon və ordusunu sulara dəfn etmisdir.
4. Hz.İbarhim (a.s)ın oğlu Hz.İsmayıl(a.s) Aşura günündə dünyaya gəlmişdir
5.Hz.Yunis (a.s) Aşura günündə balığın qarnından xilas olmuşdur.
6.Hz.Yusif (a.s) qardaşlarının atmış olduğu quyudan Aşura günündə çıxardılmışdır.
7.Hz.Yaqub (a.s),oğlu Hz.Yusif (a.s) həsrətindən tutulan gözləri bu eziz gündə açılmışdır
8. Hz.İsa (a.s) bu mübarək gündə dünyaya gəlmiş və bu gündə göyə yüksəlmişdir..
9.Hz.Davud (a.s) tövbəsi Aşura günündə qəbul olunmuşdur.
10. Hz.Eyyub (a.s) xəstəliyində Aşura günündə şəfa tapmışdır.
Bu Məhərrəmlik ayı çox mübarək aydır. O qədər mübarəkdir ki, Peyğəmbərimiz Məhəmməd Mustafa (s.a.s) bu ayı “Allahın ayı” deye adlandırırdı. Beləsinə mübarək ayda ibadətə daha çox zaman ayıraq chunki onbir ayın Sultanı olan Ramazan ayından sonra Məhərrəmlik ayında da oruc tutulur.
Peyğəmbərimiz belə buyurmuşdur. “Ramazan ayından sonra Məhərrəmlik ayında oruc tut, çünki o, Allahın ayıdır onda elə bir gün vardı rki, o gündə tutulan orucun Allah qatında bir ilin günahlarının bağışlanacağına ümid edirəm”.
-
Peyğəmbərlər Allahın itaətkar bəndələridirlər
İlahi peyğəmbərlərin ən böyük iftixarı, onların Allah-təalaya itaətkar, müti bir bəndə olmalarıdır. Elə bu səbəbdən də, hər gün öz namazlarımızda İslam peyğəmbərinə xitab olaraq, belə söyləyirik: Şəhadət verirəm ki, Məhəmməd Allahın bəndəsi və elçisidir! (Diqqət etmək lazımdır ki, Peyğəmbər (s.ə-in bəndəlik məqamı elçilik məqamından əvvəl zikr olunmuşdur) Biz etidaq bəsləyirik ki, ilahi peyğəmbərlərdən heç biri Allahlıq iddiası etməmiş, peyğəmbərlərin heç biri xalqı onlara ibadət etməyə çağırmamışdır. Qur`ani-kərim buyurur - Heç bir bəşər övladına layiq deyildir (ixtiyarı yoxdur) ki, Allah ona kitab, hikmət və peyğəmbərlik verəndən sonra desin: Allahın bəndələri deyil, mənim bəndələrim olun! (Mənə ibadət edin)” Halbuki, peyğəmbərlər Allahın kitabı Qur`andan öyrəndiyiniz və ondan oxuduğunuz kimi; Yalnız Allaha pərəstiş edin!” deyirlər.
(Ali-İmran, 79)
Hətta həzrət İsa (ə da, heç vaxt insanları ona bəndə olmağa, ona pərəstiş etməyə çağırmamış, həmişə özünü Allahın məxluqu, bəndəsi və elçisi saymışdır. Nisa surəsinin 172-ci ayəsində buyurulur: Əsla Məsih, Allahın bəndəsi olmaqdan çəkinməyirdi (imtina etmirdi) və (Allaha) yaxın olan mələklər də, Allah bəndəsi olmaqdan imtina etmirlər.
Hazırkı xristianlığın tarixinə nəzər salsaq, Təslis-müqəddəs üçlük əqiqəsi”nin (Ata Allah-İsa (oğul allah) və Ruhul-Qüdüs) birinci əsrdə mövcud olmadığını, sonradan uydurularaq meydana gəldiyini görərik.
alıntı..
-
Islamda - Allahın elçisi – İbrahim peyğəmbər(ə.s) - İbrahim peyğəmbər(ə.s) haqqinda
Din tarixinə görə, İbrahim peyğəmbər (ə.s) oğlu İsmayılı Mina dağında Allaha qurban kəsmək istərkən Həqq-Təala əvəz olaraq qoç göndərib və orada heyvan qurban gətirilib. Bu mərasim İslam dinində vacib sayılıb və hər il Həccə gedən zəvvarlar Mina dağı ətəklərində, eləcə də dünya müsəlmanlarının yaşadıqları ölkələrdə qurbanlar kəsiblər.
İbrahimin Tövrata görə əsasən üç arvadı olub: Sara, Həcər və Hettura. Bundan başqa, onun həmçinin, məlum olmayan sayda kənizləri də olub.
Babil camatı öz əlləri ilə bütlər hazırlayır və onları allah bilirdilər. O vaxt Babildə hökmuran Nəmrud bin Kənan bin Kuş idi. O, öz bildiyi kimi ölkəni idarə edir, camahatın cahilliyindən istifadə edərək özünü allah adlandırır, camaatın ona sitayiş etməsini istəyirdi. Belə bir zamanda Babilistanın Ur kəndində İbrahim peyğəmbər dünyaya gəldi. Ibrahim peyğəmbər öz tayfasını bir olan Allaha sitayiş etməyə, bütlərə inanmamağa çağırırdı. Tayfası isə bütlərə inam babalarımızdan qalıb deyərək, onun fikirlərini rədd edirdilər.
Bir gün İbrahim peyğəmbər şəhər əhlinin şənlikdə olduğu zaman girib bütün bütləri dağıtdı və sındırdı. Baltanı isə ən böyük bütün çiyninə qoydu.
Şəhər camahatı qayıdıb bu mənzərəni gördükdə qəzəbləndilər. Onlar İbrahim peyğəmbərdən şübhələndikləri üçün İbrahim peyğəmbəri tutaraq gətirdilər kahinlərin yanına. Kaminlər məhkəmə qurdular və ondan bu işi nə üçün gördüyün soruşdular. İbrahim peyğəmbər isə onların suallarına cavab olaraq dedi: Bəlkə bu işi ən böyük allahınız görüb. Kahinlər bu cavabın qarşısında aciz qaldılar və nə xeyirsiz, nə də ziyansız taxta parçalarının heç nə olduqlarını etiraf etdilər.
İbrahim peyğəmbərin Kahinləri xalq qarşısında üzü qara etməsi və bütpərəsliklə mübarizə aparması Kahinləri və onların başçılarını narahat edirdi. Odur ki, İbrahim peyğəmbəri öldürməyi qərara aldılar. Onlar İbrahim peyğəmbəri odda yandırmaq üçün böyük bir tonqal qaladılar. İbrahim peyğəmbərin əlini-qolunu bağlayıb odun içinə atdılar, lakin, od İbrahimin əl-qolunu bağlayan kəndirləri yandırıb onu azad etdi. Allah peyğəmbəri üçün odun şölələrini sərin etdi. Beləliklə də İbrahim peyğəmbər odun içindən sağ-salamat çıxdı.
Bu möcüzəni görən camaat az qala ona iman gətirəcəkdilər. Lakin, kafir vəzifə sahibləri vəzifələrini və dünya malını haqqdan yuxarı tutduqları üçün İbrahim peyğəmbərə iman gətirmədi. Bir qismi isə bundan qorxub çəkildi. Bir qismi isə iman gətirsə də qorxularından imanlarını gizlətdilər.
Alinti..
-
Konu: Musa peyğəmbər və XızırMusa peyğəmbər və Xızır dinle - Musa peyğəmbər
Bir dəfə yəhudilər Musa peyğəmbərdən soruşdular: “İnsanlardan ən ağıllısı kimdir?” Musa peyğəmbər cavab verdi: “İnsanlardan ən ağıllı olanı mənəm.” Allahın onun bilmədiklərini də bildiyini demədiyi üçün Allah onu qınadı və ona dərs vermək üçün buyurdu ki, “Həqiqətən iki dənizin qovuşduğu yerdə oturan bəndəm səndən daha çox bilir!” Musa peyğəmbər soruşdu: “Bəs mən onu necə tapa bilərəm?” Allah buyurdu: “Boxçana bir balıq qoy və yola çıx. Balığı itirəcəyin yerdə onu tapacaqsan.”
Musa peyğəmbər qulluqçusu ilə birlikdə yola çıxdı. Qulluqçusu boxcada balığı daşıyırdı. Onlar bir qayalıqda yatdıqları zaman balıq sürüşüb dənizə düşdü və üzüb getdi. Onların bundan xəbəri olmadı və oyandıqda yola davam etdilər. Günorta Musa peyğəmbər qulluqçusuna dedi:
– Naharımızı gətir yeyək, biz lap əldən düşmüşük.
Qulluqçusu boxçaya baxdıqda balığın orada olmadığını gördü və dedi:
– Biz qayalıqda olduğumuz zaman mən balığı itirmişəm. Onu xatırlamağı mənə şeytan unutdurub. Görünür balıq dirilib naməlum şəkildə dənizə getmişdir.
Musa peyğəmbər isə dedi ki, “Bizim istədiyimiz də elə budur!” və onlar izləri ilə geri, qayalığa qayıtdılar. Qayalıqda onlar öz paltarına bürünmüş bir nəfərə rast gəldilər. Musa peyğəmbər dedi:
– Sənə sülh olsun! (Əs salamu əleykum!)
– Sənin ölkəndə bu cür salamlamağı haradan bilirlər? – Xızır soruşdu.
– Mən – Musayam!
– İsrail oğullarından Musa?
– Bəli. Mən sənə öyrədiləni səndən öyrənmək üçün ardınca gələ bilərəm?
– Ey Musa, mənim yanımda qalmaq üçün sənin səbrin kifayət etməz. Allah mənə batini elmi öyrətmişdir, sən isə mən bilənlərdən agah deyilsən. Sənə isə zahiri elmləri öyrətmişdir və onları isə mən bilmirəm. Mən sənin elminə zidd hərəkət etsəm sən mənə qarşı çıxacaqsan.
– İnşallah, sən mənim səbrli olduğumu görəcəksən və mən sən deyənlərdən kənara çıxmayacam! – Musa peyğəmbər dedi.
– O zaman səbəbini izah etmədikcə məndən heç bir şey soruşma.
Onlar yola düşdülər. Gəmiləri olmadığı üçün, sahildə dayanan bir gəmiyə yaxınlaşdılar. Gəmiçilər Xızırı tanıyıb onları özləri ilə ödənişsiz göturməyə razı oldular. Gəmidə olduqları zaman Xızır gəminin taxtalarından bir neçəsini sındırdı. Musa peyğəmbər dedi:
– Bu insanlar bizi qarşılıqsız gəmilərinə götürüblər, sən isə onların gəmisinə zərər verirsən ki, onları batırasan? Sən çox böyük qəbahət işləyirsən!
– Sənə mənim işlərimə dözə bilməyəcəyini demədimmi? – deyə Xızır cavab verdi
Musa peyğəmbər üzr istədi və dedi:
– Məni unutduğum üçün danlama.
Onlar quruya çıxdıqdan sonra, yolla gedərkən başqa uşaqlarla oynayan bir oğlan uşağına rast gəldilər. Xızır o uşağı tutdu və öldürdü. Musa peyğəmbər dərhal dedi: “Sən heç bir günahı olmayan cana qıydın! Sən həqiqətən çox pis bir iş gördün!” Xızır dedi:
– Mənim yanımda səbrli qala bilməyəcəyini sənə demişdim.
– Əgər bundan sonra sənin etdiklərini yenə sorğu-sual etsəm, daha mənimlə yoldaşlıq etmə. – deyə Musa peyğəmbər peşman olduğunu bildirdi.
Onlar yollarına davam etdilər və bir kəndə gəldilər. Kənd əhlindən yemək istədilər, lakin kəndlilər onları xoş qarşılamadılar. Onlar orada yıxılmaqda olan bir divar gördülər. Xızır bu divarı təmir etdi. Musa dedi:
– Əgər istəsəydin, bu iş üçün yemək pulu ala bilərdin.
Xızır isə dedi:
– Burada bizim yollarımız ayrılır. İndi isə əməllərim zahirən səhv göründüyü üçün onlar barədə sənə xəbər verim. Mindiyimiz gəmi bir neçə kasıba mənsub idi. Onların padşahı salamat gəmiləri zorla sahiblərindən alırdı. Mən gəmini qorumaq üçün onu sındırmışdım. Oğlan uşağının valideynləri mömin insanlar idi, onun özünün isə böyüyəndə kafir olub valideynlərini səhv yola çəkəcəyindən ehtiyat etdim və onu öldürdüm. Əvəzində o ailəyə daha mərhəmətli başqa bir övlad verilməsi üçün dua etdim. Divar isə orada yaşayan iki yetim oğlanın idi və altında xəzinə vardı. Allah onların böyüyüb həddi-buluğa çatdıqdan sonra xəzinəni çıxarmalarını istədi deyə divarın uçmuş yerini təmir etdim. Mən bunları özümdən etmədim, Allahın buyuruğunu yerinə yetirdim. Sənin dözə bilmədiyin əməllərin mənası budur.
əl-Kəhf surəsi (18), 60-82
Alinti...
-
Ppeyğəmbər - Peyğəmbərler - Həzrəti Adəm (ə.s) - Ilk peyğəmbər Həzrət Adəmin (ə
Quranın ən maraqlı hekayələrindən biri də bəşərin atası sayılan ilk peyğəmbər Həzrət Adəmin (ə sərgüzəştidir. Həzrəti Adəmin (ə adı Quranda 25 dəfə, 9 surə və 25 ayədə çəkilmişdir. Onun sərgüzəştləri geniş şəkildə “Bəqərə”, “Əraf”, “Hicr”, “İsra”, “Kəhf” və “Taha” surələrində bəyan olunmuşdur. Həzrət Adəm (ə haqqında verilən məlumatları aşağıdakı başlıqlar altında qruplaşdırmaq olar:
İnsanın yaradılışı;
Adəm Allahın yer üzündə xəlifəsidir;
Adəmə “əsma”nın öyrədilməsi;
Adəm mələklərin səcdəgahıdır;
Adəmin behiştdə məskunlaşması və ağaca yaxınlaşmamaq əmri;
Adəmin qadağanla müxalifəti və ismət məsələsi;
Adəmin yerə enməsi;
Adəm övladlarının taleyi.
Adəmin(ə.) yaranması
Adəmin yaranması barəsində olan ayələrin məcmusundan belə nəticəyə gəlmək olar ki, bu proses üç mərhələdə baş vermişdir. Birinci mərhələ “dəyişilən torpaq” mərhələsidir. Belə ki, bu mərhələyə aid olan ayələrdə “torpaq”, “gil”, “yapışqan gil” və s. ifadələrdən istifadə olunmuşdur. Bu ifadələr müxtəlif olduqlarına baxmayaraq, onların arasında heç bir ziddiyyət yoxdur. Bunlar torpağın müxtəlif formalarıdır və hamısında maddə birdir. Bu ayələrin bəzilərinə nəzər salaq:
إِنَّ مَثَلَ عِيسَى عِنْدَ اللَّهِ كَمَثَلِ آدَمَ خَلَقَهُ مِنْ تُرَابٍ ثُمَّ قَالَ لَهُ كُنْ فَيَكُونُ
“Həqiqətən, Allah yanında İsanın hekayəti, (yaradılışının necəliyi baxımından) Adəmin hekayəti kimidir. Allah onu torpaqdan yaratdı, sonra ona “(canlı insan) ol!” dedi, o da oldu”(“Ali-İmran” surəsi, ayə 59).
الَّذِي أَحْسَنَ كُلَّ شَيْءٍ خَلَقَهُ وَبَدَأَ خَلْقَ الإنْسَانِ مِنْ طِينٍ
“…Və insanın yaradılışına palçıqdan başladı (insanların ulu baba və nənəsini birbaşa olaraq, möcüzəli tərzdə palçıqdan yaratmışdır)” (“Səcdə” surəsi, ayə 7).
إِنَّا خَلَقْنَاهُمْ مِنْ طِينٍ لازِبٍ
“Biz onları yapışqan gildən yaratdıq” (“Saffat” surəsi, ayə 11).
Adəmin yaradılışının ikinci mərhələsi təsvir, yəni, surətin verilməsi mərhələsidir. Bu haqda Quranda buyurulur:
وَلَقَدْ خَلَقْنَاكُمْ ثُمَّ صَوَّرْنَاكُمْ ثُمَّ قُلْنَا لِلْمَلائِكَةِ اسْجُدُوا لآدَمَ فَسَجَدُوا إِلا إِبْلِيسَ لَمْ يَكُنْ مِنَ السَّاجِدِينَ
“Şübhəsiz, Biz sizi(n ulu babanız Adəmi əvvəlcə xəmir mayası kimi yer üzündəki torpaqlardan) yaratdıq, sonra həmin maddəni siz insanların şəklində surətlərə ayırdıq, sonra (ona ruh üfürəndən sonra) mələklərə dedik: “Adəmə səcdə edin”. Beləliklə, İblisdən başqa onların hamısı səcdə etdilər, o isə səcdə edənlərdən olmadı” (“Əraf” surəsi, ayə 11).
Üçüncü mərhələdə insana onun üstün varlıq hesab olunmasına səbəb olan ruh verilmişdir. Məhz bu mərhələdə o, bir neçə cəhətli varlığa çevrilmişdir. Bir tərəfdən onu mələklərin dərəcəsinə ucaldan ağıl, fikir və düşüncəyə malikdir, digər tərəfdən isə nəfsani meyllər ilə təchiz olunmuşdur. Əgər insan bu meyllərin arasında müvazinəti qoruya bilməzsə, kamillik zirvəsindən zillət dərəcəsinə yuvarlanar. Quran yaradılışın bu mərhələsini belə bəyan edir:
فَإِذَا سَوَّيْتُهُ وَنَفَخْتُ فِيهِ مِنْ رُوحِي فَقَعُوا لَهُ سَاجِدِينَ
“Elə ki, onu düzəltdim və ona Öz ruhumdan (mübarək və Özümə layiq ruhdan) üfürdüm, hamılıqla ona (təzim üçün) səcdə halında üzü üstə düşün!” (“Hicr” surəsi, ayə 29)
Bildiyimiz kimi, Allah nə cisimdir, nə də ruh. Bu ayədə Allah insan ruhunu əzəmətinə görə Özünə aid edir. Necə ki, Kəbə evinin əzəmətinə görə Öz evi adlandırır:
وَعَهِدْنَا إِلَى إِبْرَاهِيمَ وَإِسْمَاعِيلَ أَنْ طَهِّرَا بَيْتِيَ لِلطَّائِفِينَ وَالْعَاكِفِينَ وَالرُّكَّعِ السُّجُودِ
“Və İbrahim ilə İsmailə tapşırdıq ki, Mənim evimi təvaf edənlər, yaxınlıqda olanlar (yaxud ibadətə çəkilənlər), rüku və səcdə edənlər üçün pak-pakizə edin” (“Bəqərə” surəsi, ayə 125).
Belə nümunəyə hədislərdə də rast gəlmək olar. Belə ki, hədislərdə Ramazan ayı “Şəhrullah” (“Allahın ayı”) kimi vəsf olunmuşdur. Bu vəsf bir növ şərəfləndirmə xarakteri daşıyır.
Quran bu mərhələdə Adəmin yaradılışını tamamlamış hesab edir və ondakı İlahi istedadlara görə hamıya əmr edir ki, bu möcüzəli yaradılışa səcdə etsinlər.
Adəmin(ə.) yer üzərində xilafəti
Həzrət Adəmin (ə dastanında ən mühüm mövzulardan biri onun yer üzərində xilafətidir. Allah Adəmin yaradılışından əvvəl və ya sonra mələklərə yer üzərində canişin təyin edəcəyini bildirir:
وَإِذْ قَالَ رَبُّكَ لِلْمَلائِكَةِ إِنِّي جَاعِلٌ فِي الأرْضِ خَلِيفَةً قَالُوا أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لا تَعْلَمُونَ
“Və (yadına sal) o zaman (ı) ki, Rəbbin mələklərə dedi: “Həqiqətən, Mən yer üzündə bir canişin qoyacağam”. Dedilər: “Orada fəsad törədəcək və qanlar tökəcək bir kəsi (canişin) qoyursan?! Halbuki, biz Səni kamilliklərlə vəsf edərək zikr oxuyur və (bütün eyb və nöqsanlardan) pak bilirik”. Allah buyurdu: “Şübhəsiz, Mən sizin bilmədiyiniz bir şeyi bilirəm” (“Bəqərə” surəsi, ayə 30).
Əslində mələklərin etiraz formalı suallarının məğzi bu idi ki, belə bir taleyi olan varlıq sənin xilafətinə layiq deyil. Əgər xilafətin məqsədi səni təsbih və kamal sifətlərlə vəsf etməkdirsə, biz bu məqama daha layiqik.
Burada mühüm məsələlərdən biri Adəmin (ə kimin canişini olmasıdır. Allahın canişinidir, yoxsa yer üzündə yaşamış əvvəlki yaranmışların? Bu barədə bir çox ehtimallar vardır.
Aydındır ki, Adəm (ə və onun övladlarının Allahın xəlifəsi olması İslam əqidələrinə əsasən peyğəmbər və imamların canişinliyindən fərqlənir.
Adəmin (ə Allah tərəfindən nümayəndə olması onun yaradılışından qaynaqlanır. Onun vücudunda Allahın camal və cəlal sifətlərini özündə bir ayna kimi əks etdirən kamilliyin müxtəlif dərəcələrini qət etmək qüvvəsi vardır. Başqa sözlə desək, Adəm (ə öz Xaliqinin kamil sifətlərini nümayiş etdirmək qabiliyyətinə malik olduğu üçün Allahın yer üzərində nümayəndəsi olmaq səlahiyyətinə malikdir. Buna görə də İlahi xilafət məqamı Adəmə (ə verildi. Hətta mələklər belə öz həmd və sənaları ilə bu məqamı əldə edə bilmədilər.
Allah tərəfindən olan xilafəti başqa cür də təfsir etmək olar. Belə ki, Allah dünyanı və onda olan nemətləri hədəfsiz yaratmamışdır. Bu hədəf o zaman gerçəkləşir ki, üstün bir varlıq Allahın izni ilə onlardan istifadə edərək yer üzünü abad edib gizli mədən və xəzinələri aşkar etsin. Adəm (ə də Allahın izni ilə yaranmış bütün nemətlərdən istifadə etməkdə ixtiyar sahibi olduğu üçün Onun yer üzərində nümayəndəsidir. Bu həqiqəti Quran necə də gözəl bəyan edir:
…قَالَ يَا قَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ هُوَ أَنْشَأَكُمْ مِنَ الأرْضِ وَاسْتَعْمَرَكُمْ فِيهَا فَاسْتَغْفِرُوهُ ثُمَّ تُوبُوا إِلَيْهِ إِنَّ رَبِّي قَرِيبٌ مُجِيبٌ
“Ey qövmüm, Allaha ibadət edin. Sizin üçün ondan başqa bir Tanrı yoxdur. O, sizi yerdən (torpaqdan) yaratdı və sizi orada abadlıq üçün yerləşdirdi. Elə isə Ondan bağışlanmaq diləyin!” (“Hud” surəsi, ayə 61)
Burada bir məsələni qeyd etmək lazımdır ki, bu canişinin nəslində fasiq və qantökən insanlar çox olsa da, elə pak və ali insanlar da vardır ki, onlar Allahın yer üzərində höccətləridir. Bu şəcərədən belə gözəl ətirli güllərin bitməsi insanın yaranması və yerdə xəlifə olmasını caiz edir.
Adəmin (ə keçmiş nəsillərin canişini olması nəzəriyyəsinin xülasəsi belədir: O, varlıq aləminə qədəm qoyan ilk insan deyil. Belə ki, ondan əvvəl də yer üzündə yaşayıb hər hansı bir səbəb üzündən məhv olan, öhdəsində İlahi əmrlər və məsuliyyət daşıyan canlılar olmuşdur. Bu məsələ rəvayətlərdə də gəlmişdir.
İmam Səccad (ə Əbu Əsvəd Simaliyə buyurub:
ا تظن ان اللهلم يخلق خلقا سواكم؟ بلي و اللهلقد خلق اللهالف الف ادم و الف الف عالم و انت و اللهفي اخرتلك العوالم
“Elə güman edirsən ki, Allah sizdən başqa bir məxluq yaratmayıb?! Bəli, Allaha and olsun ki, Allah min-min Adəm və min-min aləm yaratmışdır. Allaha and olsun, sən bu aləmlərin sonuncususan (nəslisən)”.
Adəmə (ə.) “əsma”nın (adların) öyrədilməsi
Allah-Təala Adəmi torpaqdan yaradıb onu xəlifə etdikdən sonra ona “əsma”nı (adları) öyrədir. Bu haqda Qurani-Kərimdə “Bəqərə” surəsinin 31-33-cü ayələrində bəhs olunur:
وَعَلَّمَ آدَمَ الأسْمَاءَ كُلَّهَا ثُمَّ عَرَضَهُمْ عَلَى الْمَلائِكَةِ فَقَالَ أَنْبِئُونِي بِأَسْمَاءِ هَؤُلاءِ إِنْ كُنْتُمْ صَادِقِينَ
“Və bütün adları Adəmə öyrətdi. Sonra onları (bu mənaları) mələklərə göstərərək buyurdu: “Əgər doğru deyirsinizsə, bunların adlarını (və ya həqiqət və sirlərini) Mənə xəbər verin”.
. قَالُوا سُبْحَانَكَ لا عِلْمَ لَنَا إِلا مَا عَلَّمْتَنَا إِنَّكَ أَنْتَ الْعَلِيمُ الْحَكِيمُ
Dedilər: “Sən (bütün eyb və nöqsanlardan) paksan! Bizim Sənin bizə öyrətdiklərindən başqa bir elmimiz yoxdur; doğrudan da, bilən də Sənsən, hikmət sahibi də!”
قَالَ يَا آدَمُ أَنْبِئْهُمْ بِأَسْمَائِهِمْ فَلَمَّا أَنْبَأَهُمْ بِأَسْمَائِهِمْ قَالَ أَلَمْ أَقُلْ لَكُمْ إِنِّي أَعْلَمُ غَيْبَ السَّمَاوَاتِ وَالأرْضِ وَأَعْلَمُ مَا تُبْدُونَ وَمَا كُنْتُمْ تَكْتُمُونَ
Allah buyurdu: “Ey Adəm, onların adlarını mələklərə xəbər ver”. Elə ki, (Adəm onların) adlarını (ya həqiqətlərini) mələklərə xəbər verdi, Allah buyurdu: “Sizə demədimmi ki, həqiqətən, Mən göylərin və yerin gizlinliklərini bilirəm və sizin həm aşkar etdiyinizdən, həm də gizlətdiyinizdən xəbərdaram?!”
Ayədən çıxan nəticə bunu bəyan edir ki, Allah-təala Adəmə (ə “əsma”nı öyrədir. Əsmanın nə olmasını izah etməzdən əvvəl bunun Adəmə (ə necə öyrədilməsi məsələsinə baxaq. Təfsirçilərin nəzərinə əsasən bu təlim iki yol ilə mümkün idi:
1) Allah məxluqatı göstərməklə onların adlarını öyrədir.
2) Allah məxluqatı göstərmədən onların xüsusiyyətlərini bəyan edərək adlarını öyrədir.
Ayədə işlədilən işarə əvəzliklərini nəzərə alaraq demək olar ki, Adəmə (ə məxluqatın adları onları göstərmək yolu ilə öyrədilmişdir. Bəzilərinin fikrinə əsasən, Adəm (ə məhz əsmanı öyrəndiyinə görə mələklərdən üstün olmuşdur. Sözsüz ki, bu ayələr Adəmin xilafətə layiq olmasını bəyan edir. Lakin Adəmin mələklərdə olmayan üstün cəhətini araşdırmaq üçün ayələrin təfsirinə baxaq.
Burada Adəm (ə üçün mələklərdə olmayan iki fəzilət təsəvvür etmək olar ki, onu xəlifəliyə layiqli etmişdir:
1. Adəmin (ə gələcək nəslində böyük insanların mövcud olması ilə bağlı üstünlüyü;
2. Adəmin (ə məxluqatın adlarını bildiyi üçün qazandığı elmi üstünlük.
1. Adlananların üstünlüyü
Birinci nəzəriyyəyə əsasən, Allah Adəmə (ə əsmanı, yəni onun nəslindən gələcək elm və əməldə ən yüksək dərəcələri kəsb etmiş, nümunəvi insanlara çevrilərək İlahi xilafət məqamına ləyaqət qazanan höccətlərin adlarını öyrədib onlarla tanış etdikdən sonra o höccətləri mələklərə də göstərir. Onların bu əzəmətini müşahidə edən mələklər öz qüsurlarını anlayıb insanın nə üçün İlahi xəlifə olmasının sirrindən agah olurlar. Bu nəzəriyyəni “Bəqərə” surəsinin 31-32-ci ayələrdəki şəxs və işarə əvəzlikləri də təsdiq edir. Belə ki, bu əvəzliklər əql və şüura malik varlıqlara aid edilir. Bundan başqa mərhum Şeyx Səduq da İmam Sadiqdən (ə bu məzmunda mötəbər hədislər nəql etmişdir.
Bəzi rəvayətlərdə əsmanın mənasının höccətlərdən daha geniş olması qeyd edilir.
Beləliklə, bu nəzəriyyə xəlifəliyə ləyaqətin meyarını Adəm (ə və onun övladlarından olan seçilmiş insanların vücudi və təkvini üstünlüyünü hesab edir.
2. Adəmin elmi üstünlüyü
Bu nəzəriyyəyə əsasən, Allah Adəmə (ə mövcudatın adlarını öyrətdikdən sonra onları mələklərə göstərərək adlarını söyləmələrini tələb edir. Mələklər öz acizliklərini bildirdikdə Adəmə (ə göstəriş verilir ki, onları mövcudatın adlarından agah etsin.
Buradan belə məlum olur ki, Adəmin (ə üstünlüyü, adları bilməsi və onları mələklərə öyrətməsindədir.
Lakin burada bir məsələ ortaya çıxır ki, Adəmin (ə adları bilib mələklərə öyrətməsi bir üstünlükdürsə, bu qabiliyyət mələklərdə də var idi. Əgər Allah adları onlara da öyrətsəydi, Adəmin (ə gördüyü işi onlar da icra edə bilərdilər.
Buna əsasən, Adəmə (ə adların öyrədilməsi mələklərin deyil, məhz onun xilafətə layiq olmasına səbəb ola biləcək elə də bir üstünlük deyil.
Bu nəzəriyyələr içində üstünlük meyarı kimi, Adəmin (ə nəslində üstün insanların mövcudluğu ayənin zahirinə daha çox uyğun gəlir.
Mələklərin Adəmə(ə.) səcdə etməsi
وَإِذْ قُلْنَا لِلْمَلائِكَةِ اسْجُدُوا لآدَمَ فَسَجَدُوا إِلا إِبْلِيسَ أَبَى وَاسْتَكْبَرَ وَكَانَ مِنَ الْكَافِرِينَ
Və o zaman ki, mələklərə “Adəmə səcdə və təzim edin!” buyurduq. İblisdən başqa onların hamısı səcdə etdi. O (isə boyun qaçırtdı və təkəbbür göstərdi. O, kafirlərdən idi (“Bəqərə” surəsi, ayə 34).
Burada qeyd olunmalı məsələlərdən biri də budur ki, mələklər Allahın göstərişi ilə Adəmə ibadət məqsədi ilə deyil, ehtiram əlaməti olaraq səcdə etmişlər. Bu növ səcdə Quranda Həzrət Yusif (ə üçün də bəyan olunmuşdur.
وَرَفَعَ أَبَوَيْهِ عَلَى الْعَرْشِ وَخَرُّوا لَهُ سُجَّدًا
“(Yusif) ata və anasını taxtın üzərinə apardı və hamı ona səcdə etdi” (“Yusif” surəsi, ayə 100).
Müqəddəs İslam şəriətində isə Allahdan başqası üçün hər növ səcdə haramdır. Adəmin (ə dövründə və Yaqub (ə şəriətində isə bu haram mövcud olmamışdır.
Maraqlı məsələlərdən biri də mələklərin Adəmə (ə bütün insanlığın nümayəndəsi olaraq səcdə etmələridir. Yəni səcdə təkcə Adəm (ə üçün yox, bütün insanlar üçün olmuşdur.
وَلَقَدْ خَلَقْنَاكُمْ ثُمَّ صَوَّرْنَاكُمْ ثُمَّ قُلْنَا لِلْمَلائِكَةِ اسْجُدُوا لآدَمَ فَسَجَدُوا إِلا إِبْلِيسَ لَمْ يَكُنْ مِنَ السَّاجِدِينَ
Şübhəsiz ki, Biz sizi( ulu babanız Adəmi əvvəlcə xəmir mayası kimi yer üzündəki torpaqdan) yaratdıq. Sonra həmin maddəni siz insanların şəklində surətlərə ayırdıq, sonra (ona ruh üfürəndən sonra) mələklərə dedik: “Adəmə səcdə edin”. Beləliklə, İblisdən başqa onların hamısı səcdə etdilər, o isə səcdə edənlərdən olmadı (“Əraf” surəsi, ayə 11).
Adəmin(ə.) behiştdə məskunlaşması
Adəmin (ə mələklərdən üstünlüyü sübut olunub, şeytan da itaətsizliyinə görə yüksək məqamdan qovulduqdan sonra Allah Adəmin (ə məqamına ehtiram əlaməti olaraq ona öz yoldaşı ilə behiştdə məskunlaşıb onun nemətlərindən faydalanmağa icazə verdi. Bir şərtlə ki, qadağan olunmuş ağaca yaxınlaşmasın.
Belə bir sual meydana çıxır ki, Adəm (ə harada yaradılmışdır? Yaradıldığı yer yaşadığı behiştdən kənarda idimi? Yoxsa, elə məskunlaşdığı behiştdə yaradılmışdır? Ayənin zahiri sonuncu fərziyyəni təsdiq edir. Belə ki, “اسْكُن” (sakin ol) deyir, “ادخل” (daxil ol) demir.
وَقُلْنَا يَا آدَمُ اسْكُنْ أَنْتَ وَزَوْجُكَ الْجَنَّةَ
Və dedik: “Ey Adəm, sən və zövcən cənnətdə məskunlaşın…” (“Bəqərə” surəsi, ayə 35)
Belə bir sual da verilə bilər ki, Adəmin (ə məskunlaşdığı cənnət axirət cənnəti idi, yoxsa dünya? Əgər dünya cənnət idisə, yerdə idi, yoxsa səmada?
Axirət cənnətinin xüsusiyyətlərini nəzərə aldıqda Adəmin cənnətinin fərqli olduğunu görürük. Quran axirət behiştini belə vəsf edir:
لا يَمَسُّهُمْ فِيهَا نَصَبٌ وَمَا هُمْ مِنْهَا بِمُخْرَجِين
“Orada onlara əsla bir zəhmət yetişməz və onlar oradan əsla çıxarılmazlar” (“Hicr” surəsi, ayə 48).
Həmçinin buyurur:
وَجَنَّاتٍ لَهُمْ فِيهَا نَعِيمٌ مُقِيمٌ…
“Onlar üçün behiştdə əbədi nemətlər vardır” (“Tövbə” surəsi, ayə 21).
Məsum imamların (ə rəvayətləri də bu görüşü təsdiqləyir. İmam Sadiq (ə Adəmin (ə cənnətinin mahiyyəti barədə verilən sualın cavabında buyurur: “Dünya bağlarından idi, günəş və ay orada doğardı. Əgər axirət behişti olsaydı heç vaxt ondan xaric olmazdı”(Bürhan, c.1, səh.80, 2 və 3-cü rəvayət).
Bu cənnət dünya bağlarından olsa da, yerdə olmamışdır. Belə ki, Adəm (ə cənnətdən çıxarıldıqda ona belə xitab olunur:
فَأَزَلَّهُمَا الشَّيْطَانُ عَنْهَا فَأَخْرَجَهُمَا مِمَّا كَانَا فِيهِ وَقُلْنَا اهْبِطُوا بَعْضُكُمْ لِبَعْضٍ عَدُوٌّ وَلَكُمْ فِي الأرْضِ مُسْتَقَرٌّ وَمَتَاعٌ إِلَى حِينٍ
Beləliklə, şeytan o ikisini həmin ağac vasitəsi ilə azdırdı və onları olduqları yerdən çıxartdı. Biz dedik: “Həmişəlik bir-birinizə düşmən olaraq yerə enin. Yerdə sizin üçün müəyyən bir zamanadək sığınacaq və yaşayış vasitələri olacaqdır” (“Bəqərə” surəsi, ayə 36).
Adəmin (ə məsumluğu
Bəziləri belə bir fikir irəli sürürlər ki, Adəm (ə şeytanın hiyləsi nəticəsində qadağan olunmuş ağaca yaxınlaşmaqla günah etmişdir. İddialarının sübutu kimi, bu hadisəni bəyan edən ayələrdəki “zülm”, “üsyan” kəlmələri, Adəmin (ə tövbə etməsidir.
Təfsirçilər bu cür iddialara tutarlı və geniş cavablar vermişlər. Burada qısaca onu qeyd etmək olar ki, “üsyan etdi”, “özümüzə zülm etdik” və digər bu kimi kəlmələrin əhatə dairəsi geniş olub “günah” məfhumundan daha geniş mənaları ehtiva edir. Məsələn, anasından ayrılan dəvə balasını da ərəb dilində “asi” adlandırırlar. Bu onu göstərir ki, hər “müxalifət” istilahda günah deyil. Belə ki, nəsihət edənin sözünü dinləməyən bir adam onunla müxalifət etsə də günahkar hesab olunmur.
Tövbə də daha geniş məsələləri əhatə edir. Adəmin (ə gördüyü iş haram olmasa da şəninə uyğun deyildi. Ona görə də peşman olub tövbə edir.
Rəvayətdə deyilir: “Rəsulullah (s) günah etmədən hər gün Allaha tövbə edərdi”.
Allahın dostları İlahi zikrdən ani bir qəfləti belə özləri üçün günah hesab edirlər. Bəzən cahil bir dəstə üçün adi qəbul olunan bir iş alim üçün səhv hesab olunur. Böyük və pak insanlar daha üstün bir işi tərk etdikdə elə ahu-zar edib yalvarırlar ki, sanki böyük bir günaha mürtəkib olublar. Bir arif üçün bu iş şəri cəhətdən günah olmasa da mərifət baxımından irfani bir günahdır.
Bundan əlavə, Adəmin (ə yaşadığı aləm məsuliyyət aləmi deyildi. Yəni, onun üzərinə heç bir şəri vəzifə qoyulmamışdı ki, ona qarşı çıxmaqla günah etmiş olsun. Allahın ağaca toxunmamaq göstərişi də qadağan yox, nəsihət xarakteri daşıyırdı. Bu məsələ ayələrin zahirindən və ifadə üslubundan da aydın olur. Belə ki, Allah-təala Adəmə (ə nəsihət edərək şeytanın aşkar bir düşmən olduğunu, onun vəsvəsələrinə uymamasını, ağaca toxunduğu təqdirdə hansı aqibətlə üzləşəcəyini şəfqətli bir dillə bəyan edir:
فَقُلْنَا يَا آدَمُ إِنَّ هَذَا عَدُوٌّ لَكَ وَلِزَوْجِكَ فَلا يُخْرِجَنَّكُمَا مِنَ الْجَنَّةِ فَتَشْقَى
Onda Biz buyurduq: “Ey Adəm, həqiqətən bu (İblis) sənin və zövcənin düşmənidir. Buna görə də məbada sizi bu Cənnətdən çıxarsın, nəticədə (yaşayışının idarə edilməsində əzab-əziyyətə düşəsən” (“Ta-Ha” surəsi, ayə 117).
إِنَّ لَكَ أَلا تَجُوعَ فِيهَا وَلا تَعْرَى
“Və əlbəttə, burada sənin üçün bu (nemət) var ki, nə ac nə də çılpaq qalarsan” (“Ta-Ha” surəsi, ayə 118).
وَأَنَّكَ لا تَظْمَأُ فِيهَا وَلا تَضْحَى
“Həmçinin, onda nə susuzlayarsan, nə də səni gün vurar!” (“Ta-Ha” surəsi, ayə 119)
Allahın göstərişinin nəsihət xarakterli olmasını şeytanın sözündən də başa düşmək olar. Belə ki, Allah ondan belə nəql edir:
وَقَاسَمَهُمَا إِنِّي لَكُمَا لَمِنَ النَّاصِحِينَ
“(Şeytan) o ikisinə and içdi ki, mən sizin üçün xeyirxah nəsihətçiyəm” (“Əraf” surəsi, ayə 21).
Buradan anlaşılır ki, şeytan Allahın kəlamından nəsihəti iqtibas edib öz sözünü həmin qəlibdə təqdim etmişdir.
Şeytanın vəsvəsəsi nəticəsində ağaca toxunan Adəm (ə mənəvi məqamına uyğun gəlməyən bu işdən peşman olub əvvəlki vəziyyətinə qayıtmaq, yəni tövbə etmək istəyir. Bunu həyata keçirmək üçün isə lazım olan vasitəni Allah onun öhdəsində qoyur:
فَتَلَقَّى آدَمُ مِنْ رَبِّهِ كَلِمَاتٍ فَتَابَ عَلَيْهِ إِنَّهُ هُوَ التَّوَّابُ الرَّحِيمُ
“(Yer üzündə bir müddət qaldıqdan) sonra, Adəm öz Rəbbi tərəfindən bəzi kəlmələr aldı (ona tövbə təlqin olundu və ya öyrədilən adlarla ona tövbə ilham olundu və o, tövbə etdi). Allah da ona nəzər edərək tövbəsini qəbul etdi. O, çox tövbə qəbul edən və mehribandır”(“Bəqərə” surəsi, ayə 37).
Adəmə (ə öyrədilən kəlmələrin mahiyyəti barədə hədislərdə bildirilir ki, o, Allahı İslam Peyğəmbərinin hörmətinə and verərək belə dedi:
اسالك بحق محمد الا غفرت لي
“Muhəmmədin (s) hörmətinə səndən istəyirəm ki, məni bağışlayasan” (Dürrul-Mənsur, c.1, səh.85).
Bəzi hədislərdə verilən məlumata görə belə demişdir:
اللهم اني اسالك بحق محمد و ال محمد سبحانك لا الهالا انت عملت سوءا او ظلمت نفسي فتب علي انك انت التواب الرحيم…
“İlahi, Muhəmməd və onun ailəsinin hörmətinə səndən istəyirəm! Sən bütün nöqsan sifətlərdən paksan və Səndən başqa bir məbud yoxdur. Pis bir iş gördüm və ya nəfsimə zülm etdim. Məni bağışla. Həqiqətən, Sən tövbələri qəbul edən rəhimlisən!” (Dürrul-Mənsur, c.1, səh.60-61; Təfsirul-Burhan, c.1, səh.86, rəvayət 2)
İbn Nəccar ibn Abbasdan nəql edir ki, mən Rəsulullahdan, Adəmin (ə Rəbbindən öyrəndiyi kəlmələr barəsində soruşdum. O buyurdu:
سا ل بحق محمد و علي و قاطمهو الحسن و الحسين الا تب علي فتاب عليه
“O, Muhəmməd, Əli, Fatimə, Həsən və Hüseyn hörmətinə istədi ki, mənim tövbəmi qəbul et, O da onun tövbəsini qəbul etdi” (Dürrul-Mənsur, Süyuti, c. 1, səh. 60-61; Təfsirul-Burhan, c.1, səh.86, rəvayət 2).
Adəmin(ə.) övladları
Adəm (ə yerə endikdən sonra Allah-təala ona Habil və Qabil adlı iki övlad bəxş etdi. Onlar arasındakı çəkişmə və nəticədə Qabilin Habili öldürməsi barədə “Maidə” 27-32 ayələrdə məlumat verilir. 27-ci ayəsində buyrulur:
وَاتْلُ عَلَيْهِمْ نَبَأَ ابْنَيْ آدَمَ بِالْحَقِّ إِذْ قَرَّبَا قُرْبَانًا فَتُقُبِّلَ مِنْ أَحَدِهِمَا وَلَمْ يُتَقَبَّلْ مِنَ الآخَرِ قَالَ لأقْتُلَنَّكَ قَالَ إِنَّمَا يَتَقَبَّلُ اللَّهُ مِنَ الْمُتَّقِينَ
Adəmin iki oğlunun (Habil ilə Qabilin) qurbanlıq zamanı olmuş əhvalatını həqiqi və düzgün şəkildə onlara oxu (Habil dəvə kəsdi, Qabil isə bir az buğda gətirdi). Beləliklə, birindən qəbul olundu və digərindən qəbul olunmadı. (Qabil) dedi: “Səni mütləq öldürəcəyəm”. (Habil) dedi: “Həqiqətən, Allah yalnız təqvalılardan qəbul edir” (“Maidə” surəsi, ayə 27).
فَطَوَّعَتْ لَهُ نَفْسُهُ قَتْلَ أَخِيهِ فَقَتَلَهُ فَأَصْبَحَ مِنَ الْخَاسِرِينَ
“Beləliklə, (pis işlərə əmr edən) nəfsi onu qardaşını qətlə yetirməyə həvəsləndirdi və (bu işi ona) asan göstərdi. Beləliklə, onu öldürdü və ziyana uğrayanlardan oldu” (“Maidə” surəsi, ayə 30).
Burada bir sual meydana çıxır ki, qardaşlar arasındakı bu münaqişənin səbəbi nə idi?
Bu barədə bir çox ehtimallar mövcuddur. İmam Sadiqin (ə bəzi hədislərində nəql olunur ki, Qabilin Habilə həsəd etməsi və nəticədə onu öldürməsinin səbəbi həzrət Adəmin (ə Habili öz canişini təyin etməsi idi. Habilin qətlindən sonra Allah Adəmə (ə Hibətullah adlı bir övlad bəxş etdi və Adəm (ə onu məxfi surətdə öz canişini təyin edib tapşırdı ki, bu məsələni gizli saxlasın. Əks təqdirdə Qabil onu da öldürər (Bihardan iqtibas, c.2, səh.240).Adəmin (ə övladlarının evlilik məsələsinə gəlincə isə bu barədə Quranda məlumat verilmir. Rəvayətlərə istinad edən məlumatlarda isə üç nəzəriyyə gözə çarpır:
1. Adəm (ə övladlarının bir-biri ilə evlənməsi. Bu cür evlilik yer üzündə onlardan başqa heç bir insan olmadığı üçün zəruri olmuşdur.
2. Allah Adəm (ə övladlarının hər biri üçün mələklərdən yoldaş yaratdı və nəslin davamı bu evliliklə təmin olundu.
3. Adəmin (ə övladları keçmiş bəşər nəslindən sağ qalanlarla evləndilər.
Bu barədə dəqiq tarixi məlumat əldə etmək qeyri-mümkün olduğu üçün qəti bir fikir söyləmək çətindir. Lakin üçüncü nəzəriyyə daha ağlabatandır.
Adəmin (ə sərgüzəşti bütün bəşəriyyət üçün bir ibrətdir. Belə ki, onun yaşadığı təcrübə, keçdiyi imtahan yolu insanlığa düşməni tanıyıb, onunla necə mübarizə etməyi, İlahi dərgahdan uzaq düşdükdə isə tövbə yolu ilə əvvəlki məqama yüksəlməyin yollarını öyrədir və bəşərdə İlahi xilafətə ləyaqət ruhunu tərbiyə edir.
Alinti..
-
Bürclər - Gündəlik Bürclər - Bu günün ulduz falı
Qoç - gün sizin üçün uğurlu keçəcək. Həm öz işləriniz, həm də başqaları üçün gördüyünüz işlər uğurlu alınacaq. Özünüzü tam bir lider kimi hiss edə bilərsiniz. Sizdə insanları arxanızca aparmaq qabiliyyəti var. İş söhbətləri çox yaxşı keçir. Ola bilsin ki, sizdən yaşca böyük qadınların məsləhəti sizə lazım olsun. Həyatın hər bir anını izləyin ki, öz şansınızı qaçırmayasız. İnsanlarla ünsiyyətdən qaçmayın, çünki özünüzə köməkçi və tərəfdaş tapa bilərsiniz.
Buğa - bu gün pozitiv fikirlər sizi cənginə alacaq. Bu günün yeganə təhlükəsi - israfçılıq və maliyyə itkiləri ola bilər. Bu da sizin ekstravaqantlığınızdan irəli gəlir. Öz intuisiyanıza inanın! Çünki sizin intuisiyanız çox güclüdür. Adətləri pozmaq lazım deyil, sadəcə aldığınız məsləhətləri düzgün qiymətləndirin. Yeni eksprimentlərə hazır olun. Öz professionallığınıza və fikirlərinizə güvənin. Ola bilsin ki, mübahisə etdiyiniz şəxslə aranız düzəlsin. Hər şey sizdən asılıdır.
Əkizlər - pis gün deyil, bəzi hadisələr sizi sevindirəcək. Bu günü elə planlaşdırın ki, faydalı işlərlə maraqlı işlər bir-birini əvəz etsin. İşgüzar görüşlər yaxşı keçir, əvvəllər sizin nöqteyi-nəzərinizlə razılaşan insanların dəstəyini qazana bilərsiniz. Əgər uzağa getməlisinizsə, o zaman hazırlıqlara diqqətlə yanaşın. Səfərlər uğurlu keçəcək. Axşam yeni tanışlıqlar da ola bilər, lakin bu tanışlıqların romantik davamına ümid bəsləməyin.
Xərçəng - öz planlarınıza yenidən baxın, əsas olanları ikinci dərəcəlilərdən ayırmağa çalışın, lazımsızları kənarlaşdırın. Bu gün bir sıra xoş sürprizlərlə qarşılaşacaqsınız. Bəzi vərdişlərinizi tərgitməli olacaqsınız, lakin sonda bu, sizi sevindirəcək. Qohumlarınızla münaqişələrin olacağı ehtimalı da var. İnsanlarla ünsiyyət zamanı diqqətli olun ki, münaqişələrdən yayına biləsiniz.
Şir - siz doğru yol seçmisiniz və ondan yayınmayın. Öz planlarının üstündə duranların uğur üzünə güləcək. Nə istədiyinizi yaxşı bilirsiniz, bu da sizə kömək edəcək ki, lazımsız narahatlıqlar yaşamayasınız. Günün ikinci yarısında maraqlı və romantik görüşlər ola bilər. Lakin çox ümidlənməyin ki, sonradan da məyus olmayasınız.
Qız - bu gün uğur qazanmaq istəyirsizsə, az risk edin və tələsməyin. Bu gün uğur qazana bilməyənlər ancaq tənbllər ola bilər. Vaxt itirməkdən qorxmayın. Siz nəyə can atırsız, o, sizdən qaçmayacaq. Dəqiq fənnləri öyrənmək üçün çox əlverişli bir gündür. Özünüzdən böyük qohumlarınızla mübahisələriniz düşə bilər. Maliyyə məsələlərinə aid söhbətlərdə bir fikrə gəlmək çətin olacaq. Siz digərlərinin fikrinə qulaq asmağa elə də meylli deyilsiz, bu da probelmlərin yaranmasına gətirib çıxaracaq.
Tərəzi - çox çətin bir gündür. Qarşınızda duran sualların çoxuna cavab tapa bilməyəcəksiniz. Hərdən özünüzə inamınızı itirirsiniz. İşlərin sizin xeyrinizə başa çatacağına heç bir ümidiniz yoxdur. Bəzi asılı olduğunuz insanlar var ki, onlarla yola getmək bir az çətin olacaq. Evdə yaxınlarınız sizi başa düşməyəcəklər. Siz onlara nə istədiyinizi və nə üçün mübarizə apardığınızı yenidən başa salmalı olursunuz. Sevdiyiniz insanla aranızda ciddi problemlər olacaq.
Əqrəb - əgər sizin qarşınızda böyük məqsədlər varsa, həmin məqsədi reallaşdırmaq üçün bugünkü böyük şansınızdan istifadə edin. Ancaq bunun üçün çoxlu çalışmalısınız. Böyük insanlarla konfliktlər ola bilər, ancaq maraqlı məqam odur ki, siz bu mübarizədən qalib ayrılacaqsız. Pullarla bir az diqqətli olun. Pulunuzun miqdarı kəskin sürətdə azala bilər. Sizə əsəb gətirən ünsiyyətlər ola bilər. Ancaq bunlardan dərs götürmək lazımdır.
Oxatan - çətin vəziyyətə düşə bilərsiniz. Problemləri təkbaşına həll etməyi ağlınıza belə gətirməyin. Əgər siz kömək üçün kiməsə müraciət etsəz, vaxta və gücünüzə qənaət etmiş olarsınız. Bu günə vacib görüşləri sala bilərsiniz. Çünki hər şey sizin istədiyiniz kimi olacaq. Əkizlər bu gün həm də iş yerini və ya evini dəyişə bilərlər. Bunun üçün əlverişli bir gündür. Günün ikinci yarısında çox etibar etdiyiniz şəxslə fikir ayrılığı ola bilər. Əsəbi olarkən heç bir qərar verməyin. Çünki bir az keçəndən sonra başa düşəcəksiz ki, siz səhv fikirləşirdiniz.
Oğlaq - Heç nədən qorxmayın. Bu günün həyəcanı, sınağı sizin nə qədər cəsarətli və əmin olduğunuzu göstərəcək. Əgər siz qarşınıza məqsəd qoysaz, hər bir çətinliyin öhdəliyindən gələcəksiz. Problemlərin həlli üçün yeni yollar axtarmalısınız və gələcək üçün planlar qurmalısınız. Tənbəl şirlər ancaq aza qane olanlardır, amma gözəl vaxt keçirəcəklər. Sizi xoş sürprizlər gözləyir. Köhnə tanışınızı müsbət mənada yeni imic və formada görəcəksiniz.
Dolça - Gün elə də pis keçmir, amma bir problem ola bilər ki, siz öz bacarıqlarınıza inanmırsız və onları qiymətləndirmirsiz. Buğalar elə bir işdən yapışırlar ki, bu iş onlara görə deyil, qədərini bilmədən sağa-sola pul xərcləyirlər və özlərinə kiçik də olsa, düşmən qazanırlar. Əgər ciddi problemlərlə üzləşmək istəmirsinizsə, bütün işlərə ciddi yanaşın. Bu gün evdə və ofisdə səliqə salmağın vaxtıdır. Evdə məişət işləri ilə məşğul olacaqsınız. Çalışın qohumlarla mübahisə etməyin. Çünki ciddi bir mübahisə olsa, sonra barışmaq çətin olacaq.
Balıqlar - bu günün əkizlər üçün sürprizlər və gözlənilməz hadisələrlə dolu bir gün olacağı gözlənilir. Çox güman ki, bunlara görə siz öz planlarınızı dəyişəcəksiniz. Evdə texniki məsələlərlə, evin təmiri və digər məişət ilə bağlı problemlər çıxa bilər. Ancaq gün çox dolu bir şəkidə keçəcək. Yəni bütün günü məşğul ola bilərsiniz. Ola bilsin ki, bəzi tədbirlərə gedəsiz. Siz heç bir əmək sərf etmədən insanları başa düşürsüz və onların simpatiyasını qazanırsız. Maliyyə məsələlərində uğur gözlənilir. Özünüzə zərgərlik əşyaları ala bilərsiz.
Alinti...
-
İlin günləri - Dünyada olan hadisələr - Tarixin bu gunu - Tarixdə bu gün nə ilə yadda qalıb?
İlin 304-ci günü
İlin sonuna 61 gün qalır
Dünyada olan hadisələr
1517-ci ildə Martin Lüter Vittenberq (Wittenberg) kilsəsində "Doxsan beş tezis"ini kilsə qapısına asaraq protestanlığı elan edib.
1876-cı ildə Hindistanda qasırğa 200 000 insanın həyatına son qoymuşdu.
1892-ci ildə Artur Konan Doyl “Şerlok Holmsın macəraları” əsərini çap edib.
1922-ci ildə Benito Mussolini İtaliyanın Baş Naziri seçilib.
1952-ci ildə Amerika Birləşmiş Ştatları Marşal adalarında ilk hidrogen bombasının sınağını keçirib.
1954cü ildə Əlcəzairdə müstəqillik uğrunda mübarizə başlanıb.
1956-cı ildə Böyük Britaniya və Fransa Misirin Süveyş kanalını milliləşdirməsinə cavab olaraq kanalın bombalanmasına başlanılıb.
1961-ci ildə Stalinin cənazəsi Lenin Mavzoleyindən çıxarılaraq kənarda dəfn edilib.
1984-cü ildə İndira Qandi öldürülüb.
1989-cu ildə Turqut Özal Türkiyənin 8-ci prezidenti seçilib.
1992-ci ildə Vatikan Qalileo Qalileyyə bəraət verib.
1992-ci ildə TÜRKSOY təsis edilib.
2011-ci ildə Dünya əhalisinin sayı 7 milyard olub.
2014-cü ildə Nasradin bu günü Nəzrin Günü deyə dünyaya bəyan edib.
Alinti...
-
Islamda - Məhəmməd Peyğəmbər (s)
Tarix boyu həmişə belə olub: Hər peyğəmbər özündən sonra gələcək səma elçisini ya əyani şəkildə xalqa təqdim edib tanıtdırmış, ya da onun barəsində irəlicədən məlumat vermişdir. Həzrəti Adəm (ə vəfat etməzdən qabaq oğulları arasından Həzrəti Şisin (ə peyğəmbər olacağını söylədi və peyğəmbərlik əmanətlərini ona təhvil verdi. Tövhid yolunun mübarizi Həzrəti İbrahim (ə də Allahın əmri ilə oğulları İsmail (ə və İshaqı (ə peyğəmbər kimi tanıtdırdı. Müjdəçi Yəhya peyğəmbər (ə gənc İsanın (ə böyük missiyasını camaata başa salmaq üçün çalışdı…
Təbiidir ki, Həzrəti Məhəmməd peyğəmbər (s) Allah elçilərinin sonuncusu və ən üstünü olduğu üçün, özündən əvvəlki peyğəmbərlərin kəlamında ona işarələr mütləq olmalıdır. Tarixi məlumatlardan aydın olur ki, bu, həqiqətən belə idi. Keçmiş peyğəmbərlərin kəlamında, habelə həmin kəlamlara yazılmış şərhlərdə yazılmışdı ki, Allahın sonuncu peyğəmbəri Ərəbistandan çıxacaq. Bu mənbələrdə Məhəmməd peyğəmbərin (s) bəzi nişanələri də aydın təsvir olunmuşdu. Məhz həmin mənbələrlə tanış olduqlarına görə, bir neçə nəfər yəhudi və xristian rahibi peyğəmbərimizi tanımış və ona iman gətirmişdi.
İmam Cəfər Sadiq (ə bu məsələyə işarə edərək buyurmuşdur: “Onun (yəni Həzrəti Məhəmmədin (s)) xüsusiyyətləri elm əhlinə gizli deyildi. Peyğəmbərlər onun barəsində öz kitablarında müjdə vermişdilər. Alimlər onun tərifində sözlər söyləmişdilər. Filosoflar onun sifətləri barədə fikirlər irəli sürmüşdülər” (“Üsuli-Kafi”, “Hüccət” kitabı, “Peyğəmbərin doğumu və vəfatı” babı, 17-ci hədisdən).
Qurani-Kərimin müqəddəs ayələri də deyilənləri təsdiq edir “Səff” surəsinin 6-cı ayəsində buyurulur: “Məryəmin oğlu İsa dedi: “Ey Bəni-İsrail, mən Allahın sizə göndərdiyi peyğəmbərəm. Məndən öncəki Tövratı təsdiqləyirəm və məndən sonra gələcək Əhməd adlı peyğəmbərlə sizi müjdələyirəm“.
Demək, ülul-əzm peyğəmbər İsa Məsih (ə də özündən sonra daha əzəmətli səma elçisinin gələcəyini diliylə xəbər vermiş, hətta onun ləqəbini söyləmişdir (bu barədə irəlidə ətraflı məlumat veriləcək).
Quran ayələrinin düzgünlüyünü yoxlamağa əslində ehtiyac yoxdur. Öz mətnində deyildiyi kimi, “haqqı batildən ayıran”, “yer üzündəki hər şeydən xəbər verən”, “açıq-aşkar həqiqət kitabı” olan Qurani-Kərimin doğruluğuna şübhə ilə yanaşmaq və ayələri təftiş etmək Allaha asilik deməkdir.
Maraq doğuran cəhət budur ki, görəsən, Həzrəti İsanın (ə, eləcə də başqa peyğəmbərlərin Həzrəti Məhəmməd (s) barədə müjdələri Bibliya mətnində qalmışdırmı? Yoxsa əsil Tövrat və İncilə “əl gəzdirib”, onların mətnin istədikləri kimi dəyişdirmişvə “Allahın kəlamını pula satmış” rahiblər bu müjdələri də məhv etməyə fürsət tapmışlar?
Bu suala cavab axtaran hər bir insaflı şəxs Bibliyanın mətnini azacıq diqqətlə araşdırsa, orada həzrəti Məhəmməd peyğəmbər (s) barəsində onlarla işarə tapa bilər.
Musa (ə Həzrətii Məhəmməd (s) barədə müjdə verir
Tövratın “Təsniyə” (rusca “Vtorozakonie”) kitabının 18-ci fəslində Allahın Həzrəti Musaya (ə söylədiyi sözlər verilir. Allah buyurur:
“Mən onlara (İsrail övladlarına) qardaşları arasından sənə (yəni Musaya) bənzər bir peyğəmbər təyin edəcəyəm; mən öz sözlərimi onun dili ilə deyəcəyəm; o yalnız mənim ona əmr etdiyim sözləri onlara deyəcək” (“Təsniyə” kitabı, 18-ci fəsil, 18-ci cümlə.
Bəzi Bibliya şərhçiləri burada “Musaya bənzər” adlandırılan şəxsin Həzrəti İsa Məsih (ə olduğunu əsaslandırmağa çalışırlar. Lakin aşağıda göstərildiyi kimi, haqqında danışılan şəxs İslam peyğəmbəri Həzrəti Məhəmməddir (s).
Məlumdur ki, Həzrəti Məhəmmədin də mənsub olduğu ərəb milləti İbrahim peyğəmbərin (ə oğlu İsmailin (ə nəslindən törəyib. Bəni-İsrail isə İbrahimin (ə digər oğlu İshaqın (ə oğlu Yəqubun (ə nəslindən ibarətdir. Demək, ərəblər və Bəni-İsrail mənşə etibarilə iki qardaşın törəmələri sayılırlar. Allah Həzrəti Musaya (ə xəbər verir ki, Bəni-İsrail üçün onların qardaşları arasından bir peyğəmbər seçəcək. Deməli, bu peyğəmbər ərəblərdən olmalıdır. Özü də elə bir peyğəmbər olmalıdır ki, missiyası yalnız bir milləti deyil, bir çox millətləri əhatə etməli və bəni-İsrail də ona tabe olmalıdır. İnsafla düşünün: göstərilən xüsusiyyətləri özündə daşıyan peyğəmbər Həzrəti Məhəmməd (s) deyilmi?
Əlavə olaraq, bunu da qeyd etməliyik ki, Bibliyadakı: “Mən öz sözlərimi onun dili ilə deyəcəyəm; o yalnız mənim ona əmr etdiyim sözləri onlara deyəcək”, – cümlələri Qurani-kərimin məşhur bir ayəsinin eynidir. Quranın “Nəcm” surəsinin 3-4-cü ayələrində Allah-Təala Həzrəti Məhəmməd Peyğəmbər (s) barəsində buyurur: “O, heç vaxt öz həvavü-həvəsi ilə söz deməz. Onun dediyi yalnız vəhydir“.
Musa (ə Məkkənin fəthini xəbər verir
Yenə həmin “Təsniyə” kitabının 33-cü fəslinin əvvəlində Həzrəti Musa peyğəmbərin (ə vəsiyyəti xatırlanır:
“Bu, Allah adamı Musanın ölümqabağı İsrail övladlarına verdiyi xeyir-duadır.
O ,dedi: “Rəbb Seynadan gəldi, onlara Sairdən göründü, Faran dağından təcəlla etdi və 10.000 nəfər müqəddəslə gəldi; onların sağ əlində Onun qanun məşəli var idi”” (“Təsniyə” kitabı, 33-cü fəsil, 1-2-ci cümlələr).
Musanın (ə vəsiyyətində üç məkan adı çəkilir: Seyna, Sair və Faran dağı. Seyna – həzrəti Musanın (ə özünə vəhyin gəldiyi dağın adıdır. Musaya (ə bu dağda Tövrat nazil edilmişdi. Sair – İsa Məsih peyğəmbərin (ə vəhy aldığı yerin adıdır. Maraq doğuran sual bundan ibarətdir ki, bəs Faran dağı harada yerləşir?
Faran dağının yeri barədə dəqiq məlumat almaq üçün yenə Tövratın mətninə müraciət edirik. Bibliyanın “Təkvin” kitabında (rusca “Bıtie”) Həzrəti İbrahim (ə tərəfindən həyat yoldaşı Hacərlə körpə İsmailin (ə səhraya atılması təsvir edilir. Həmin hadisənin sonunda belə deyilir:
“Və Allah yeniyetmə İsmail ilə idi; o böyüdü, səhrada yaşamağa başladı və oxatan oldu. O, Faran səhrasında yaşadı; anası onun üçün Misir torpağından arvad aldı” (“Təkvin” kitabı, 21-ci fəsil, 20-21-ci cümlələr).
İnkaredilməz həqiqətdir ki, Həzrəti İbrahim (ə Hacərlə İsmaili (ə Məkkə ətrafındakı səhrada azdırmışdı. (Əlbəttə, hələ o zamanlar Məkkə şəhəri yaşayış məskəni deyildi). On dörd əsrdir ki, hacılar Məkkə ətrafındakı Mərvə və Səfa təpələri arasında yeddi dəfə qaçaraq, susuz İsmail (ə üçün su axtarmaq məqsədilə vurnuxub o tərəf-bu tərəfə qaçan hacərin hərəkətlərini təkrar edirlər. Həmin gün Allahın mərhəməti sayəsində körpə İsmailin (ə ayağı altından çağlayıb axmağa başlamış Zəmzəm çeşməsi barədə kim eşitməyib? Hacərlə İsmailin (ə Kəbəyə bitişik məzarları da onların məhz indiki Məkkə ərazisində yaşadıqlarını göstərir. Demək, “Bibliya”da adı çəkilmiş Faran səhrası Məkkə ətrafındakı ərazidən başqa bir şey deyildir. Elə isə Faran dağının da Həra dağı ilə eyni olması şübhəsizdir. Beləliklə, aydın oldu ki, Rəbbin Faran dağından təcəlla etməsi – Həra mağarasında Həzrəti Məhəmməd peyğəmbərə (ə vəhy nazil olmasıdır.
Musanın (ə vəsiyyətinin ikinci hissəsində xəbər verilir ki, Rəbb 10.000 nəfər müqəddəslə Farana gələcək. Hicrətin 8-ci ilində həqiqətən bu hadisə baş verdi: Həzrəti Məhəmməd peyğəmbər (s) 10.000 nəfərlik qoşunla hərəkət edib Məkkə şəhərini tutdu. Musa (ə özündən əsrlərlə sonra baş verəcək hadisələri peyğəmbərlik zəkası ilə irəlicədən görərək üstüörtülü şəkildə xəbər verirdi. Rəbb Allahın 10.000 nəfərlə Məkkəyə girəcəyi barədə xəbər həqiqi deyil, məcazi mənada qəbul edilməlidir. Müsəlmanlar tərəfindən Məkkənin fəthi zamanı şəhərə Allahın özü deyil, onun varlığına inam və məhəbbətlə dolu insanlar daxil oldular. Məkkəni fəth edənlərin hər biri öz qəlbində Allahı gətirdi. Həmin əlamətdar hadisədən sonra bütpərəstlərin müqaviməti qırıldı və Allahın “od saçan qanunu” – İslam şəriəti bütün Ərəbistana hakim oldu.
Qeyd edək ki, həm keçmiş, həm də müasir müsəlman alimləri Həzrəti Məhəmməd peyğəmbərin (s) sonuncu ülul-üzm səma elçisi olduğunu isbat edərkən, Tövratın yuxarıda xatırlanan müjdələrindən faydalanmışlar. Məsələn, məşhur ensiklopedik alim Şeyx Nəsirəddin Tusi (1201 – 1274) “Nəqdül-mühəssəl” kitabında bu mövzuya toxunmuşdur.
Burada mötəbər dualarımızdan birinin əsrarəngiz cümlələrini xatırlatmaq yerinə düşər. İmam Məhəmməd Baqir (ə və İmam Cəfər Sadiqdən (ə rəvayət edilən “Simat” duasında buyurulur: “İlahi, Seyna dağında zahir olmuş, bəndən və rəsulun Musa ibn İmranla (ə danışdığın böyüklüyünə xatir! Sairdəki görüntünə (təcəllana) xatir! Faran dağındakı zühuruna xatir!..” Görünür, imamlar bu duada “Məkkə” deyil, “Faran” kəlməsini işlətməklə müsəlmanların diqqətini Tövrata doğru yönəltmək və keçmiş peyğəmbərlərin müjdəsi ilə onları tanış etmək istəmişlər.
Avvakum Peyğəmbər (ə İslamın inkişafı barədə xəbər verir
Bibliyada sayca 35-ci yerdə duran “Avvakum peyğəmbərin kitabı”nda da Məkkə ətrafından zühur edəcək peyğəmbər haqqında məlumat verilmişdir:
“…Müqəddəs şəxs Faran dağından zühur edəcək. Səma onun böyüklüyü ilə örtüldü, yer isə onun şərəfi ilə doldu… O qalxdı və yeri titrətdi, baxdı və xalqları vahiməyə saldı. Əsrlik dağlar yıxıldı, ilkin təpələr dağıldı. Onun yolları əbədidir” (“Avvakumun kitabı”, 3-cü fəsil, 3-6-cı cümlələr).
Göründüyü kimi, Avvakum peyğəmbər də Həzrəti Məhəmmədin (s) ilahi risalətinin Məkkədən başlanacağını bilirmiş. Onun irəlicədən verdiyi xəbərlər həyata keçdi. Həzrəti Məhəmmədin (s) əzəməti qarşısında ən adlı-sanlı hökmdarlar, alimlər və cəngavərlər özlərini itirib məğlub oldular. Əsrlik dağlara və qədim təpələrə bənzədilən nəhəng imperiyalar müsəlman qoşununa baş əydi. Sasani və Bizans imperiyaları kimi azman dövlətlər İslamın bayrağı qarşısında diz çökdü. İslamın və onun böyük peyğəmbərinin şöhrəti dünyanı bürüdü.
Bu gün İslam aləmi, ona qarşı şiddətlənən hücumları müvəqqəti olaraq cavabsız qoymuşsa da, bu, məğlubiyyət deyildir. Dinimizin yüksəliş dövrü hələ qarşıdadır. Çünki İslam əvəzolunmaz, məğlubedilməz dindir. Həzrəti Məhəmməd peyğəmbərin (s) şəriəti qiyamət gününədək öz gücünü saxlayır. Elə buna görə də Avvakum peyğəmbər buyurur: “Onun yolları əbədidir”. Yəni Məhəmməd peyğəmbərin (s) gətirdiyi İslam dininin şöhrəti unudulmaz, hökmü qeyri-məhdud, qanunları ləğvedilməzdir.
Beləliklə, Həzrəti Məhəmməddən (s) təqribən 1200 il əvəl yaşamış Avvakum peyğəmbər onun sonuncu səma elçisi olduğunu, peyğəmbərlik yolunun əbədiyyətədək davam edəcəyini qətiyyətlə bildirmişdir.
İslam Peyğəmbərinin adı bibliyada çəkilib
Bibliyada “Süleymanın nəğmələr nəğməsi” kitabı Həzrəti Süleyman peyğəmbərin (ə öz xəyali sevgilisi barəsində qoşduğu şeirlərdən ibarətdir. Təsvir olunan sevgili obrazının xüsusiyyətlərindəki ziddiyyətlər bunu söyləməyə imkan verir ki, şeirlərin mətni xeyli təhrif olunub ,dəyişdirilmişdir. Kitabın 5-ci fəslinin 16-cı cümləsində Həzrəti Süleyman (ə öz xəyali sevgilisini bu sözlərlə vəsf edir:
“Onun sözləri şirindir, o tamamilə lütfdür. Bax budur mənim məhbubum və mənim dostum, ey Yerusəlim qızları!”
Bu cümlə oxucuya bəlkə də adi görünə və qadın üçün yazılmış təsiri bağışlaya bilər. Səbəb – həmin cümləni orijinalda deyil, tərcümədə oxumağımızdır. Həzrəti Süleymanın (ə sözlərinin yəhudicə orijinalına diqqət yetirsək, aydın olar ki, bunlar adi insani hisslərin təsiri altında qadın cinsi üçün deyilməmişdir. Bu sözlərin dərin irfani məna yükü vardır və bizim araşdırdığımız mövzuya tamamilə uyğundur. Orijinalda cümlə belə səslənir: “Hikku məmtəqqim, vi kulu Məhəmmədim, zih dudi vi zih rii, binut Yiruşalam!” Demək, Süleyman peyğəmbər Allahın sonuncu rəsulu Məhəmməd əleyhissəlamı ən gözəl ifadələrlə vəsf edir və ruhani aləmdə onu “məhbubum”, “dostum” adlandırırmış. Hazırki Bibliya mətnlərində “lütf” kimi tərcümə olunmuş kəlmə isə əslində İslam peyğəmbərinin adından savayı bir şey deyilmiş.
Təsəlliverici yox, Əhməd!
Həzrəti Məhəmməd peyğəmbər (s) barəsində xəbərlər yalnız Əhdi-Ətiqdə (Qədim Əhddə deyil, İncildə də qalmışdır. Biz kilsə tərəfindən qeyri-qanuni elan olunmuş Barnaba İncili barədə danışmayacağıq. Yalnız kilsənin qanuni mətnlərdən biri kimi tanıdığı İohann İncilindəki əlamətləri araşdıracağıq.
Həzrəti İsa Məsihin (ə öz həvariləri ilə son görüşü İohann İncilində ətraflı təsvir olunmuşdur. İsa (ə yemək süfrəsi arxasında həvarilərlə halallaşıb onlara son tapşırıqlarını verirdi. İsanın (ə sözləri tərcümədə belə səslənir:
“Mən də Atadan (burada Allah nəzərdə tutulur) xahiş edərəm, o sizə başqa Təsəlliverici göndərər ki, əbədi olaraq sizinlə qalsın” (14-cü fəsil, 16-cı cümlə.
“Ata tərəfindən sizə göndərəcəyim Təsəlliverici, yəni Atadan çıxan həqiqət ruhu gəldiyi zaman məni təsdiq edəcəkdir” (15-ci fəsil, 26-cı cümlə.
“Mən sizə düzünü deyirəm: mənim getməyim sizin üçün daha yaxşıdır. Çünki mən getməsəm, Təsəlliverici yanınıza gəlməyəcək. Əgər mən getsəm, onu sizə göndərərəm. O gələndə dünyadakı günahları, yalanları və haqsız hökmləri ifşa edəcək… O, yəni həqiqət ruhu gələndə sizi həqiqətə doğru hidayət edəcək. Çünki o özündən danışmayacaq, yalnız eşitdiyini deyəcək və gələcək barədə xəbər verəcək” (16-cı fəsil, 8-ci və 13-cü cümlələr).
Əvvəla, bunu deyək ki, o biri İncillər kimi İohann İncili də hal-hazırda yunan dilindədir. Halbuki Həzrəti İsa (ə və onun şagirdləri yunan yox, arami dilində danışırdılar. Demək, İncillərdəki heç bir söz İsanın (ə dilindən çıxan kəlmələrin orijinalı deyildir. İohann İncilindəki Həzrəti İsanın (ə sözləri də (əgər həqiqətən onundursa) yalnız tərcümədir.
İohann İncilinin yunanca mətnində işlənmiş “Paraklitos” sözü “Təsəlliverici”, bəzən isə “müdafiəçi, vəkil” kimi mənalandırılmışdır. Əslində isə “Paraklitos” sözü leksik baxımdan yunan dilinin tam ziddinədir və “Periklitos” kəlməsinin eybəcər hala salınıb dəyişdirilməsi nəticəsində yaranmışdır. İohann İncilinin ilkin yunan variantında “Priklitos” ifadəsi işlənmiş, sonralar qərəzli məqsəd üzündən dəyİşdirilib “Paraklitos” şəklinə salınmışdır.
Görəsən, bu təhrifin səbəbi nə olmuşdur? Bircə sözü dəyişdirməyin əhəmiyyəti çox böyükdürmü? Sonuncu suala tam cəsarətlə müsbət cavab verə bilərik. Bəzən uzun cümlələrin içində bircə sözü dəyişmək, yaxud yox etmək həmin cümlələrin məzmununda həlledici rol oynaya bilər.
Yunan dilindən tərcümədə “PERİKLİTOS” (PERIQLYTOS) “çox bəyənilmiş, çox təriflənmiş” mənalarını bildirir. Heç təsadüfi deyildir ki, bu sözlərin ərəb dilində qarşılığı “Əhməd”dir. “ƏHMƏD” də “çox təriflənmiş, çox həmd edilmiş” deməkdir. Deməli, Həzrəti İsa (ə həvarilərinə xitabən nitq söyləyərkən İslam peyğəmbərini ən məşhur ləqəbi ilə “Əhməd” adlandırmışdır. İncil qələmə alınarkən bu söz yunan dilinə “Periklitos” kimi tərcümə olunmuş, daha sonra təhrif edilərək “Paraklitos” (Təsəlliverici) şəklinə salınmışdır.
Bəli, bu həmin Məhəmməd peyğəmbər (s) – Əhməddir ki, Həzrəti İsa (ə onun insanlarla əbədi qalacağını (yəni şəriətinin əbədi olacağını), bəşəriyyəti doğru yola və həqiqətə sarı hidayət edəcəyini, günah və yalanların, haqsız hökmlərin iç üzünü açacağını, özündən deyil, Allah adından vəhylə danışacağını müjdə vermişdir.
Deyilənlər bir daha sübut edir ki, həqiqəti tamamilə aradan götürmək və izini itirmək mümkün deyildir.
Bibliya mətni nə qədər təhrifə məruz qalsa da, hələ bəzi həqiqətləri öz səhifələrində qorumaqdadır. İslam dininin yüksəlişi və qüvvətlənməsi naminə belə sirli həqiqətlər açılmalı və insanlara çatdırılmalıdır.
alinti...