N.N.
Üye
23.04.2010
Üsteğmen
22.919
Üsteğmen
22.919
Hakkında
Mən Fəxir Edirəm ki,Azərbaycanlıyam..Heydər Əliyev..
-
Rehman Cebrayilli ve Elnare Abdullayeva - Seygah dinle
[video=youtube_share;DKDp7fiebWI]https://youtu.be/DKDp7fiebWI[/video]
-
Elnare Abdullayeva - Mugam dinle
[video=youtube_share;Act6FK68cfg]https://youtu.be/Act6FK68cfg[/video]
-
Elxan Xirdalanli ve Namiq Qaracuxurlu - Deyisme - Meyxana dinle
[video=youtube_share;6UsfVO-AW1w]https://youtu.be/6UsfVO-AW1w[/video]
-
Namiq Qaracuxurlu ve Nadir Qafarzade - Deyisme dinle - azerbaycan mahnilari
[video=youtube_share;YU8cKgwRUAI]https://youtu.be/YU8cKgwRUAI[/video]
-
Şou biznes xəbərləri - Məşhurlar
Bir neçə ay öncə ailə quran ANS-in aparıcısı Elgiz Əkbər şəxsi həyatından danışıb. Lent.az-ın məlumatına görə, tanınmış aparıcı “Günə baxan” verilişində həyat yoldaşına olan hörmətindən danışıb: “Subay vaxtı evə saat 1, ya 2-də gəlirdim. İndi ailə qurmuşam deyə, evə gecə saat 23-da gəlirəm. Dostlarla gecə oturub,çay içirəm, saat 23 olan kimi deyirəm ki, evə gedirəm. Dostlar da deyir ki, “Arvaddan qorxursan”. Anlamırlar ki, qorxmaq başqa şeydir, hörmət başqa. Mən xanımımdan niyə qorxum? Öldürəcəklər məni? Yox. Bu sadəcə xanımıma göstərdiyim dəyərdir. Saat 20-dan sonra gəlirəm evimə. Evlərinə gecə saat 3-də, ya 5-də gələn kişiləri anlamıram”.
Qeyd edək ki, E.Əkbər bu ilin mayın 9-da Əsmər adlı xanımla ailə qurub. Aparıcı toyunu mediaya qapalı etmişdi.
alinti..
-
Şou biznes xəbərləri - Məşhurlar
Məşhur amerikalı müğənni Beyonce və həyat yoldaşı Jay-Z boşanma mərhələsindədir.
Lent.az-ın “anspress.com”-a istinadən məlumatına görə, son iki ildə məhşur cütlüyün ailə həyatı cəmiyyətin müzakirə mövzüsuna çevrilib. Onların həyatında baş verən sevgi macəraları, ailə daxilində olan qalmaqallar bunu əyani olaraq sübut edir. Lakin cütlük hər dəfə bu məlumatların şayiə olduğunu sübut etmək üçün isə bir-birilərinə səhnədən sevgi etirafları edir, birgə istirahət şəkillərini paylaşırlar. Ailənin yaxın əhatəsində olan insanlar bildirirlər ki, bu dəfə hər şey daha ciddidir: "Beyonce Jay-Z-dən boşanmaq qərarına gəlib. Onların münasibətləri artıq əvvəlki kimi deyil. Beyonce daha oynaya bilmir. O artıq yorulub". Şayiələrə görə, məhşurlar daha bir yerdə yaşamır. Hətta səfərlər zamanı onlar eyni oteldə qalmır, özləri üçün ayrı-ayrı otellər seçirlər.
Ailə daxilində baş verən bu hadisə cütlük arasında həll olunmasa, bu şou-biznes tarixində ən bahalı boşanma ola bilər. Lakin pərəstişkarlar cütlüyün bu həddə çatmayacağına və ailələrini qoruyub saxlayacaqlarına ümid edirlər.
2008-ci ilin aprelin 4-də məhşur cütlük ailə həyatı qurub. Cütlüyün toy mərasimi Jay Z-in Nyu Yorkdakı villasında baş tutub. 2012-ci il yanvarın 7-də Nyu Yorkda Blyu İvi adlı qız övladları dünyaya gəlib.
alinti..
-
Şou biznes xəbərləri - Məşhurlar
Tanınmış modelyer, sənətşünaslıq üzrə fəlsəfə doktoru Gülnarə Xəlilova model qismində “İpək yolu” IV Avrasiya Beynəlxalq Geyim Festivalında podiuma çıxıb. Bu barədə Lent.az-a modelyerin özü məlumat verib. O bildirib ki, məşhur özbək dizayneri Hafiz Xanın (Khafiz Khan) kolleksiyasının defilesində iştirak edib: “Podiuma çıxmağım tamaşaçıların gurultulu alqışına səbəb oldu. Hətta Rusiyanın tanınmış dizayneri, bakılı Raf Sərdarov defiledən sonra mənə dedi ki, sən əsl aktrisasan. Onun bu sözləri mənim çox xoşuma gəldi”.
Xatırladaq ki, G. Xəlilovanın “Bakı-2015” I Avropa Oyunlarına həsr edilmiş Azərbaycanın milli geyimlərindən ibarət kolleksiyası nüfuzlu "Master Exibition & Performance Award" mükafatına layiq görülüb. O, bu mükafata ardıcıl iki ildir layiq görülür.
[video=youtube_share;2wbg2ze0EW0]https://youtu.be/2wbg2ze0EW0[/video]
alinti..
-
Şou biznes xəbərləri - Məşhurlar
Xalq artisti Səməd Səmədov bir zamanlar müğənnilik edən oğlu Anardan danışıb. Lent.az-ın məlumatına görə, “Günə baxan” verilişində bildirib ki, oğlunu müğənnilikdən özü uzaqlaşdırıb:
“Anar oğluna mənim adımı verib. Bir müddət müğənnilik etdi, daha sonra sənətdən uzaqlaşdı. Yaxşı oxumaqla, güclü savadlı oxumağın fərqi var. Hamı yaxşı oxuya bilər, savadlı oxumaq ayrı şeydir. Qarşısına Elton Hüseynəliyev, Elnur Məmmədov, Ayaz Qasımov, Samir Piriyevin diskini qoydum. Dedim ki, oğlum, mən neçə ildir “toylar kralı”yam. Bu müğənnilər nəinki sənin kimi zəifləri, məni də bu sənətdə məhv edə bilər. Hər sənətkar bu sözü deməz. O müğənnilər meydana gəldilər, hamını məhv etdilər, indi at oynadırlar. Anar yaxşı ki, o vaxt onu müğənnilikdən uzaqlaşdırdığımı deyir”.
alinti...
-
Şou biznes xəbərləri - Məşhurlar
Hollivud ulduzu Ancelina Coli aktiv ictimai-siyasi fəaliyyətini davam etdirir.
Axşam.az “Dailymail”ə istinadən xəbər verir ki, 40 yaşlı aktrisa-rejissor Kambocanın baş-naziri Xun Senlə görüşüb. Baş nazirlə bəzi vacib məsələləri müzakirə edən Coli özünün kommunizm cərəyanına həsr olunmuş yeni layihəsi haqda da söhbət aparıb.
Qeyd edək ki, Ancelina noyabrda “Onlar əvvəlcə mənim atamı öldürdülər: kambocalı qızın xatirələri” filmini çəkməyə hazırlaşır. Filmin adı kambocaəsilli amerikalı yazıçının eyniadlı kitabından götürülüb. Ekran işinin ideyası haqda Xun Senə məlumat verən Hollivud ulduzu filmin çəkilişləri üçün baş nazirin razılığını alıb.
alinti...
-
Xeber - xeberler - Dunyadan xeber
Avropa İttifaqı Belarus prezidenti Aleksandr Lukaşenkoya tətbiq olunan sanksiyaları dayandıra bilər.
APA-nın xəbərinə görə, bu barədə “Reuters” məlumat yayıb. “Avropa İttifaqı çox güman ki, ötən ay siyasi məhbusların azadlığa buraxılması ilə əlaqədar Belarusa qarşı bəzi sanksiyaları, o cümlədən Aleksandr Lukaşenkoya qoyulan səyahət qadağasını dayandıracaq” , - deyə diplomatik mənbə bildirib.
Mənbə insan haqlarının pozulması ilə əlaqədar 200 şəxsə münasibətdə tətbiq olunan viza qadağası və xaricdəki aktivlərinin dondurulması ilə bağlı qərarın ləğvinin nəzərdə tutulduğunu da deyib: “Bu məsələ Lukaşenkoya, eləcə də prezidentə yaxınlığı ilə tanınan hakim və siyasətçilərə şamil edilə bilər”.
alinti...
-
xeberler - dunyadan xeber
İŞİD terror qruplaşmasının sıralarında 1800 Rusiya vətəndaşı döyüşür. APA-nın “TASS”a istinadən verdiyi xəbərə görə, bu barədə Rusiya DİN rəhbəri Vladimir Kolokoltsev bildirib.
“DİN-in hesablamalarına görə, İŞİD sıralarında 1800 Rusiya vətəndaşı döyüşür, 477 cinayət işi başlanıb”, deyə o qeyd edib.
Bundan əvvəl Rusiya Milli Antiterror Komitəsi Suriyada İŞİD terror qruplaşmasının sıralarında 800-1500 Rusiya vətəndaşının vuruşduğunu bildirib, onlardan 170 nəfərinin döyüşlərdə öldüyü qeyd olunub.
alinti
-
İlin günləri - Dünyada olan hadisələr - Tarixin bu gunu - Tarixdə bu gün nə ilə yadda qalıb?
İlin 260-ci günü
İlin sonuna 105 gün qalır
Dünyada olan hadisələr
1176-cı ildə Miryokefalon döyüşü. Səlcuqlar Bizans üzərində tam qələbə qazanıb.
1787-ci ildə ABŞ Konstitusiyası qəbul edilib.
1871-ci ildə İtaliya və Fransanı birləşdirən dəmir yol tuneli istifadəyə verilib.
1908-ci ildə Orvil Rayt (Orwill Wright) və onunla birlikdə uçan dostu Tomas Selfric (Thomas E. Selfridge), təyyarə qəzasına məruz qaldılar. Qəzadə vəfat edən Selfric, təyyarə qəzasında həyatını itirən ilk insan olub.
1922-ci ildə Berlində ilk səsli film nümayiş etdirilib.
1933-cü ildə Türkiyə Millətlər cəmiyyətinə üzv olub.
1939-cu ildə İkinci dünya müharibəsi: Sovet qoşunları Polşaya daxil olub.
1941-ci ildə İngilis və Sovet işğalı altındaki İranda Rza Şah taxtdan endirildi, yerinə oğlu Məhəmməd Rza Pəhləvi oturdu.
1961-ci ildə Adnan Menderes edam edilib.
1978-ci ildə Misirlə İsrail arasında Kemp-Devid sazişi imzalanıb.
1991-ci ildə Latviya, Litva, Estoniya, Şimali və Cənubi Koreya BMT-yə üzv olub.
-
Qadin dunyasi - Deri gozeliyi - Dəri üçün 10 qızıl qayda - Dəri üçün 10 qızıl qayda nelerdi?
Xüsusilə qışda solmuş dərinin yenidən parlaması, quruluğa bağlı olaraq artan qırıslarin müalicə edilməsi, göz altı qaralmalardan xilas olmaq və uzanan tüklərə çarə tapmaq üçün bir çox üsul var.
Baharda insanlar ümumiyyətlə zehinlə, ruhən və bədənlə yenilənmə ehtiyacı hiss edər. Memorial Etiler Tibb Mərkəzi Dermatoloji Hissəsindən Dr. Zerrin Baysal bahar mövsümündə dəri sağlamlığı üçün alınacaq tədbirləri belə sıraladı:
1. Dəri bədənin ən böyük orqanıdır. Dəri üzərindəki pozuqluqlar, estetik qayğı oyandıracaq vəziyyətlər və doğru baxımla qarşısı alına biləcək bütün problemlərin müalicəsi mütləq mütəxəssis əllərdə edilməlidir. Yəni bütün dəri problemləri üçün dermatoloqa müraciət edilməlidir.
2. Təmizlik, dəriyə qulluq üçün imtina edilməz əhəmiyyəti olan və doğru edilməsi lazım olan bir əməliyyatdır. Dəri təmizliyi üçün doğru məhsul, adamdan adama dəyişir. Bəzi dərilər yağlıdır və daha çox yuyulmalıdır, quru dərilər isə az yağlı məhsullarla təmizlənməlidir. Daimi təmizlənən dəri parlar, qara nöqtə inkişafının qarşısı alınar və yaşlanmanın təsirləri aradan qaldırılmış olar.
3. Tonik tətbiqi, bilindiyinin əksinə lazımlılığı çox az olan bir baxım üsuludur. Əgər dəri çox yağlı məsaməli və də parlaqsa, istifadə edilə bilər. Ancaq quru və həssas dərilərdə tonik tətbiqi zərərli ola bilər. Yüksək qiymətli toniklərin yerinə; dəmlənmiş çaylar, gül suyu və ya soda istifadə edilə bilər.
4. Qışda quruyan dəri nəmləndirilməmişsə, qirislar daha diqqətə çarpan hala gələr. Bunun üçün çox yağlı olmayan, nəmləndirici və bərpa edici gecə kremi istifadə edilməlidir. Doğru məhsulu seçərkən dermokozmetik xüsusiyyətdə olmasına, çox bahalı olmamasına və dəri tipinə uygunluğuna diqqət yetirilməsi lazımdır. Yenə adama xüsusi seçiləcək məhsullar həkim tərəfindən tövsiyə edilməlidir.
5. Göz ətrafı qulluq üçün xüsusi məhsul istifadə hər zaman lazım deyil. Əgər dəri quruluşu çox həssas deyilsə, üzə sürülən kremlər göz ətrafına da tətbiq oluna bilər. Bu da adamın baxım üçün daha çox məhsul almasına ehtiyac olmayacaq. Çox həssas dəriyə sahib olanlar xüsusi bir göz ətrafı məhsulu istifadə etməlidir.
6. Yuxusuzluq dəriyə yorğun, mat və şiş bir görünüş verir. Buna görə nizamlı yuxu, gənc qalmaq və daha yaxşı görünmək üçün baxım qədər lazımlıdır.
7. Baharla gələn günəş şüalarına məruz qalmaq insanı xoşbəxt etsə belə, günəş yaşlanma müddətini sürətləndirən ən əhəmiyyətli faktordur. Istifadə edilməsi lazım olan günəş filtrelerini minimuma endirmək üçün daha müxtəlif tədbirlər almaq məqsədəuyğun olacaq. Çünki günəş qoruyucuları da həm ehtiva etdikləri kimyəvi maddələr, həm də istidə dərini örtməsi və məsamələri tıxaması baxımından risk meydana gətirə bilər. Bu səbəblə şapka və eynək istifadə etmək, kölgədə dayanmaq, solariyə girməmək kimi tədbirlər bu məhsullara olan ehtiyacı azaldır.
8. Bol maye istehlakı, tərəvəz və meyvədən zəngin bəslənmək, ara paylarda duzsuz və qovrulmamış quru meyveler qebul etmək, dəri sağlamlığına əhəmiyyətlidir. Xüsusilə duz, un, şəkər və yağın dərinin sürətlə yaşlanmasına səbəb olduğu unudulmamalıdır.
9. Dəri sağlamlığı ilə əlaqədar bütün tədbirləri alınmasına baxmayaraq dəri üçün peşəkar kömək alınması da bilər. Üzdə mimika xəttləri, sallanma, damar genişlikləri meydana gəlmişsə, adam hələ də mat bir dəriyə sahibsə, mütləq dermatoloji mütəxəssisinə müraciət edilməlidir. Adama xüsusi müalicə protokolları ilə daha gənc və də gözəl görünüşə sahib ola bilər. Ediləcək botoks, mezoterapi, mezolifting, kimyəvi peels və lazer müalicələri mütləq işə yarayacaq.
İstənməyən tüklərdən də lazerlə asanlıqla xilas olmaq mümkündür. Ancaq mütəxəssis əllərdə tətbiq edilməsi çox əhəmiyyətlidir. Hər qıl lazerə cavab vermir. Adam lazer üçün uyğun qıl quruluşuna sahib olmadığı təqdirdə, həm maddi, həm də mənəvi zərərə uğramaqdadır. Bunu bərbərlər və ya gözəllik salonlarında vizajistlər deyil, ancaq dermatoloji mütəxəssis edə bilər.
alinti...
-
Fotodermatit - Fotodermatit nedir? - Allergiya sebebleri
Bəzi insanlarda gün şüalarının təsirindən dəridə səpgilər, qızartı əmələ gəlir, dəri qaşının, qabıq verir.
Əksər hallarda belə səpgilər və s. üzdə, bəzən bədəndə (əsasən sinədə, qollarda) əmələ gəlir. Bu hal "fotodermatit" və ya "fotodermatoz" adlandırılır. Belə hesab olunur ki, fotodermatit insanların 20%-ndə bu və ya digər formada özünü büruzə verir.
Baxmayaraq ki, fotodermatit allergik reaksiyasına bənzəyir, bu allergiya deyil - gün şüalarında allergik komponent yoxdur. Bəs belə reaksiyanın səbəbi nədir? Əksər hallarda bunun səbəbi insanın dərisinin üzərində olan hər hansı maddə ilə gün şüalarının qarşılıqlı əlaqəsidir. Bunu izah edək.
- Çiçəklənmə zamanı çəmən bitkiləri xüsusi maddələr ifraz edir. Bu maddələr dəriyə oturur və sonra ultrabənövşəyi şüalarının və bu maddələrin qarışılıqlı təsirindən dəri qızarır, səpir və qaşınır.
- Əgər insan günə çıxdıqdan əvvəl dərisinə krem və ya məlhəm çəkibsə, ətir və ya dezodorant istifadə edibsə, bu da fotodermatitin inkişafına səbəb ola bilər. Kremlərin, ətirlərin, dezodorantların, kosmetikanın tərkibində olan bəzi maddələr ultrabənövşəyi şüaları ilə reaksiyaya girərək allergiyaya səbəb olur.
- Bəzi dərman preparatların qəbulu fotodermatitin inkişafına təkan verə bilər. İlk növbədə bu tərkibində çoxlu miqdarda estrogen hormonları olan hamiləlik əleyhinə preparatlarına aiddir. Sulfanilamid preparatları (biseptol), bəzi antibiotiklər, ürək preparatları, ibuprofen, aspirin və s. kimi preparatlar insanda gün şüalarına olan həssaslığı artırır.
- Fotodermatit daha tez-tez dərisi ağ olan insanlarda və kiçik yaşlı uşaqlarda inkişaf edir.
- Pilinq, tatuaj və bəzi digər kosmetik prosedurlar dərinin gün şüalarına olan həssaslığını artırır.
- İnsanda olan immun sistemi xəstəlikləri, bəzi qara ciyər və böyrəküstü vəziləri xəstəlikləri də fotodermatitin inkişafına təkan verə bilər.
Əgər siz özünüzdə fotodermatitin simptomlarını müşahidə edirsinizsə, mütləq dermatoloqa və ya allerqoloqa müraciət edin. Müayinədən sonra həkim yerli və ümumi müalicə təyin edir.
Fotodermatit mütləq müalicə olunmalıdır. Əks halda bu gələcəkdə ağır dəri xəstəliyi olan ekzemanın inkişafına səbəb ola bilər.
Müalicədən əlavə fotodermatitdən əziyyət çəkən insanlar gün şüaları altında mümkün qədər az olmalı, qaralmamalı, solyariuma getməməli, çölə şıxdıqda kosmetikadan, ətirdən, dezodorantdan, kremlərdən istifadə etməməli, bağlı paltar geyinməli və şlyapa taxmalıdır.
alinti...
-
Tənəffüs orqanları - Sefali otlar - Nəfəs yollarını təmizləyən otlar hansilardi?
Traxeya və bronxlar daim selik ifraz edir. Bu aşağı nəfəs yollarını nəfəsalma zamanı bura düşən mikroblardan, tozdan, parazitlərdən və s. təmizləmək üçün lazımdır.
Selikdə immun hüceyrələri də var ki, bu immun hüceyrələr ziyanlı maddələri zərərsizləşdirir. Bronxların daxili qatı mikroskopik tükcüklərlə örtülüb. Bu tükcüklər daim dalğavari hərəkətlər edərək seliyi nəfəsalma orqanlarından qovur. İnsan bu seliyi hiss etmədən udur və sonra selik orqanizmdən təbii yolla xaric olunur.
Sağlam insanda gün ərzində 100 ml selik ifraz olunur. Bu normal sayılır. Lakin əgər nəfəs yollarında xəstəlik varsa, seliyin miqdarı gün ərzində 1500 ml kimi arta bilər, selik daha qatı, özlü olur.
Bəlğəm nəfəs yollarından rahat çıxmalıdır və burada yığılmamalıdır. Əks halda burada yığılmış bəlğəm mikrobların daha da çoxalmasına və nəticədə iltihabın daha da artmasına, bir çox hallarda isə xəstəliyin xroniki formaya keçməsinə səbəb olacaq.
Beləliklə, nəfəsalma sistemi iltihabları zamanı bəlğəmin nəfəs yollarından yaxşı çıxması çox vacibdir.
Bir çox hallarda həkimlər xəstələrə xüsusi bələmgətirici preparatlar təyin edir. Lakin bəzi müalicəvi otların dəmləmələri də çox yaxşı bəlğəmgətirici effekt verir.
- Gülxətmi kökləri sınanmış bəlğəmgətirici vasitədir. Gülxətmi kökləri dəmləməsi iltihabəleyhinə, yumşaldan, bəlğəmgətirici təsir edir, nəfəs yollarının selikli qişasını qoruyur və bərpa etməsinə kömək edir. Gülxətmi kökləri kəskin və xroniki bronxit, pnevmoniya, vərən, emfizema, kəskin respirator infeksiyası zamanı istifadə olunur. 1 stəkan qaynar suda 1 xörək qaşığı gülxətmi kökləri 1 saat ərzində dəmləyin və gün ərzində kiçik qurtumlarla qəbul edin.
- Biyan kökü də çox məşhur bəlğəmgətirici vasitədir. Biyan kökü yuxarı tənəffüs yolları iltihabları, vəzəm, bronxit zamanı istifadə olunur. Biyan kökü yumşaldan, iltihabəleyhinə, mikrobəleyhinə təsir edir. Farmasevtik sənaye biyan kökü əsasında müxtəlif dərman vasitələri istehsal edir.
Xalq təbabətində biyan kökü dəmləməsi istifadə olunur: 1 stəkan qaynar suda 1 xörək qaşığı biyan kökü dəmlənilir, 1 saatdan sonra süzülür və gün ərzində içilir.
- Cirə də nəfəs yollarını çox yaxşı təmizləyir, bəlğəmi duruldur və onun çıxmasını asanlaşdırır, spazmı və iltihabı azaldır, mikrobları öldürür. Cirə dəmləməsi traxeit, laringit, göyöskürək, bronxopnevmoniya zamanı istifadə olunur. 1 çay qaşığı cirə 1 stəkan qaynar suda 1 saat ərzində dəmlənilir və gün ərzində içilir. Bu məqsədlə həmçinin cirə yağını da istifadə etmək olar (gün ərzində 1-2 çay qaşığı).
- Yonca, şam ağıcının iynəyarpağı, bağayarpağı, zirə, kəklikotu, evkalipt, razyana çox təsirli bəlğəmgətirici vasitələrdir.
Bütün sadaladığımız vasitələr yalnız həkimlə məsləhətləşdikdən sonra və yalnız əsas müalicə ilə yanaşı (müalicə təyin olunubsa) istifadə oluna bilər.
Nəzərinizə çatdıraq ki, bəlğəmdə qanın, irinin olması, bəlğəmin rənginin dəyişilməsi (yaşıl, pas rəngi) çox ciddi nəfəsalma sistemi xəstəliklərinin simptomudur. Özünüzdə belə simptomları müşahidə etdikdə dərhal bu haqda sizi müalicə edən həkimə məlumat verin.
alinti...
-
Tənəffüs orqanları - Zökəm - Zökəmin emele gelme sebebleri
Burunun selikli qişası daim selik ifraz edir.
Bu selik çox vacib funksiyaları yerinə yetirir - buruna daxil olan havanı nəmləndirir, burun boşluğuna düşən müxtəlif yad maddələri (toz, bitkilərin tozcuqları, mikroblar və s.) buradan xaric edir. Selik burunda daim əmələ gəlir. Lakin adi vəziyyətdə biz bunu hiss etmirik. İltihab zamanı seliyin ifrazı çoxalır. Bu hal "zökəm" (tibbdə "rinit") adlandırılır.
Zökəmin əsas səbəbi iltihabdır. İnsan sağaldıqdan sonra zökəm də keçir. Lakin bəzən insanda heç bir iltihab olmadan zökəm inkişaf edir və uzun müddət ərzində keçmir.
Belə xroniki zökəmin səbəbləri müxtəlif ola bilər:
- adenoidlərin böyüməsi (bu uşaqlarda "səbəbsiz" zökəmin əsas səbəbidir)
- sinusitlər (haymorit, frontit)
- burun boşluğunda yad cismin olması. Bu uşaqlarda tez-tez baş verir. Kiçik yaşlı uşaqlar oyun zamanı qulaqlarına, burnuna müxtəlif kiçik əşyaları (düymə, muncuq və s.) salır. Bir müddətdən sonra uşaqda burun seliyinin artması, seliyin içində qan kimi simptomlar meydana çıxır. Dərhal uşağı LOR həkiminə göstərin.
- burun çəpərinin quruluşunun pozulmaları (əyrilik və s.)
- allergiyalar. Bu da zökəmin əsas səbəblərindən biridir. Zökəm allergenlə (allergiyaya səbəb olan maddə - toz, güllərin tozcuqları, tük, yun, yuyucu toz və s.) təmasdan sonra inkişaf edir. Xəstənin burnu axır, o, tez-tez asqırır. Allergik zökəm zamanı adi burun damcılardan deyil, allergiya əleyhinə preparatlardan, bəzən hormonlardan istifadə olunur.
- burunun selikli qişalarının polipləri (xoşxassəli şişlər), kistalar (maye ilə dolu qovuqcuqlar)
- hamiləlik zamanı qadınlarda hormonal fonun kəskin dəyişilməsi fonunda tez-tez zökəm inkişaf edir
- zökəm əleyhinə preparatlarından süi-istifadə.
Zökəmi müalicə etmək lazımdır ki, burun boşluğunda olan infeksiya ətrafdakı toxumalara (haymor cibləri, qulaq) yayılmasın.
Zökəmin ilk simptomlarında isti ayaq vannaları; isti çay müalicəvi otlarla; çay ağacı yağı, evkalipt, nanə yağı ilə inhalyasiyalar; duzlu su, çobanyastığı dəmləməsi ilə burunun yuyulması yaxşı kömək edir. Xüsusi burun damcıları həkim təyin etməlidir. Bu damcılardan 5 gündən artıq istifadə etmək olmaz. Əks halda bu bir çox problemlərin inkişafına (damar problemləri və s.) səbəb olacaq.
alinti...
-
Panangin - Ürək xesteliyi - Ürək üçün qidalanma haqqinda
PANANGİN örtüklü tabletlər
hər tabletin tərkibində 140 mq maqnezium asparaginat
və 158mq kalium asparaginat
panangin2.jpgPANANGİN ürəyin xroniki xəstəliklərində (ürək çatışmazlığı, ürəyin
infarktından sonrakı vəziyyət), ürək ritminin müəyyən pozğunluqları
zamanı əlavə müalicə kimi həmçinin qidaya maqnezium və kalium
əlavəsi kimi istifadə olunur.
PANANGİN - kalium və maqnezium ionlarının kombinasiyasıdır, hansı ki, ürək əzələsini qidalandırır, onu möhkəmlədirir, miokardın trofikasını və metabolizmini yaxşılaşdırır, ürək əzələsinin vaxtından əvvəl qocalmasının qarşısını alır.
PANANGİN hipertoniyanın, koronar arteriyaların aterosklerozu, aritmiyalar və miokardda metabolik dəyişikliklərin inkişaf etməsinin qarşısını alır.
Ürək əzələsinin qidalanması və möhkəmlənməsi
hər kəsə lazımdır!
İstifadə qaydası və dozası
Əgər həkim başqa göstəriş verməzsə, doza 1-2 tablet yeməkdən sonra gündə 3 dəfə təşkil edir.
Preparatın dozasını gündə 3 dəfə 3 tabletə qədər yüksəltmək olar.
alinti
-
Uşaqlıqdaxili inseminasiya haqqinda - Uşaqlıqdaxili inseminasiya medir?
Cütlük üzvlərindən qadın tam sağlam və onun uşaqlıq borularının keçiriciliyi də normal olduğu halda, kişinin spermasında isə kifayət qədər canlı spermatozoidlər olmadıqda və ya onlar azhərəkətli olduqda, mayalanmanın baş verməsi üçün uşaqlıqdaxili inseminasiya (UDİ) aparılır.
Bundan başqa, sonsuzluğun immunoloji forması olduğu halda da UDİ üsulu tətbiq edilir.
Immunoloji sonsuzluq zamanı uşaqlıq boynu seliyinin spermatozoidləri məhv etdiyini nəzərə alaraq, sperma bilavasitə uşaqlıq daxilinə yeridilir.
Bəs uşaqlıqdaxili inseminasiya necə aparılır?
1-ci mərhələ - follikulların yetişməsi və ovulyasiya. Əgər qadın sağlamdırsa, yumurta hüceyrəsinin yetişməsi üçün stimulyasiya tətbiq edilməyə bilər. Ancaq, əksər hallarda, aparılan üsulun effektivliyini artırmaq üçün qadına xüsusi hormonal preparatlar təyin edilir. Bu isə qadın orqanizmində eyni zamanda bir neçə yumurta hüceyrəsinin yetişdirilməsini və onların ovulyasiyasını stimullaşdırmağa imkan verir. Stimulyasiyanın sxemi, qəbul edilən hormonal preparatların dozası (miqdarı) və digər qaydalar müalicə həkimi tərəfindən müəyyən edilir. Follikulların inkişafı və endometriyanın vəziyyətinə USM vasitəsi ilə nəzarət edilir.
2-ci mərhələ - spermatozoidlərin uşaqlıq boşluğuna daxil edilməsi. Aybaşı tsiklinin hamiləlik üçün əlverişli hesab edilən günündə (bilavasitə ovulyasiyadan qabaqkı gün və ya ovulyasiyadan dərhal sonra) qadının uşaqlığına, qabaqcadan xüsusi olaraq hazırlanmış sperma daxil edilir. Spermanın tam həcmi içərisindən bütün hərəkətli spermatozoidlər seçilir. Xüsusi kateter vasitəsi ilə az miqdarda qidalı mühitlə birlikdə bu spermatozoidlər uşaqlıq boşluğuna daxil edilir. Spermatozoidlərin belə seçilməsi və hazırlanması onların mayalandırma qabiliyyətini artırır. Spermatozoidlərin uşaqlıq boşluğuna bu şəkildə daxil edilməsi mayalanma üçün onların hamısının qorunub saxlanmasına imkan verir. Belə ki, normal təbii mayalanma zamanı spermatozoidlərin bir çoxu uşaqlıq yolu və uşaqlıq boynunda məhv olur. Bu yolla qadın orqanizmində mayalanmanın sonrakı dövrünün təbii yolla baş verməsi ehtimalı xeyli dərəcədə artmış olur.
Kişinin spermasının bioloji xüsusiyyətləri çox pis və yararsız olduğu halda və ya cütlük arasında uyğunsuzluq həddini müxtəlif yollarla aradan qaldırmaq mümkün olmadıqda, yalnız cütlük üzvlərinin hər birinin razılığının alınması şərti ilə, mayalanma üçün donorun spermasından istifadə edilə bilər. Süni mayalanma sahəsində ixtisaslaşmış klinikaların, adətən, öz sperma bankı da olur. Sperma donorları - cavan (36-39 yaşından artıq olmayan), tam sağlam, yaxşı xarici görünüşə malik, əla spermoqramma göstəriciləri olan şəxslər arasından seçilir. Belə donorlar mütəmadi olaraq aşağıdakı tibbi müayinələrdən keçirilir: cinsi yolla keçən bütün infeksiyalara görə 3 ayda bir dəfədən az olmamaqla; ildə bir dəfədən az olmayaraq uroloqun baxışı; ildə bir dəfədən az olmayaraq terapevtin baxışı; genetik müayinə; psixoloji testləşdirmə və digər müayinələr.
Ailə cütlüyü donorun seçilməsi zamanı onun barəsində olan məlumatlarla da (yaşı, gözlərinin və saçlarının rəngi, boyu, çəkisi, təhsili, qan qrupu və s.) tanış ola bilərlər. Hər bir halda donorun adı klinika tərəfindən gizli saxlanılır.
İnseminasiyadan 14 gün sonra hamiləlik testi, testin nəticəsi müsbət olduğu halda isə iki həftədən sonra USM aparılır. Hamiləlik baş vermədiyi halda isə, kliniki göstəricilərdən asılı olaraq, ya təkrarən uşaqlıqdaxili inseminasiya (UDİ) və ya digər süni mayalanma üsulu tətbiq edilə bilər.
alinti,,,
-
Quran - Quranda adıçəkilən yeganə qadın haqqinda
"İmranın zövcəsinin: "Ey Rəbbim, bətnimdəkini Sənə xidmətkar (qul) olmaq üçün nəzir edirəm.
(Bu nəziri) məndən qəbul et! Əlbəttə, Sən eşidənsən, bilənsən!"- dediyini xatirla! Onu (bətnindəkini) doğduğu zaman: "Ey Rəbbim! Mən qız doğdum"- söylədi. Halbuki Allah onun nə doğduğunu və oğlanın qız kimi olmadığını yaxşı bilirdi. "Mən onun adını Məryəm qoydum, onu və onun nəslini məlun şeytandan Sənə tapşırıram" (Ali-İmran, 3/35-36).
Həzrət Məryəm Allah tərəfindən insanlara rəhbərlik etmək üçün göndərilən peyğəmbərlərdən biri olan həzrət İsanın (ə.s.) anasıdır. Həzrət İsa Qüdsə yaxın bir yerdə atasız olaraq dünyaya gəlmişdir. Bəşər tarixində dünyaya atasız gələn iki şəxs var, biri insanlığın atası həzrət Adəm (ə.s.), digəri də həzrət İsadır (ə.s.). Həzrət İsanın dünyaya gəlişi Uca Rəbbimizin möcüzəsi idi.
Həzrət Məryəm Quranda xüsusi olaraq adı qeyd edilən və bir surəyə adı verilən, mübarək və müstəsna şəxsiyyətdir. Müqəddəs kitabımız Qurani-Kərimin on doqquzuncu surəsinin adı Məryəm surəsidir. Həzrət Məryəm Quranda adıçəkilən yeganə qadındir. Atasının adı da İmrandır. Quranda Məryəmin anasının adı çəkilmir, haqqında "İmranın xanımı" deyə bəhs edilir. Böyük Allah həzrət Məryəmi təltif etmiş, onu tərifləmiş və yetişdirmişdir. Mələklər ona "Ya Məryəm, həqiqətən, Allah səni seçmiş, (eyiblərdən) təmizləmiş, bütün dünyanın qadınlarından üstün tutmuşdur. Öz Rəbbinə itaət et, səcdəyə qapan və rüku edənlərlə birlikdə rüku et!" (Ali-İmran, 3/37,42-43).
Uca Rəbbimiz Quranda həzrət Məryəm və oğlu həzrət İsanın dünyaya gəlməsi barəsində belə deyir:
"(Ya Rəsulum!) Kitabda (Quranda) Məryəmi də yad et. O zaman o, ailəsindən ayrılıb şərq tərəfdə bir yerə çəkilmişdi. Və ailə üzvlərindən gizlənmək üçün pərdə tutmuşdu. Biz öz ruhumuzu (Cəbraili Məryəmin) yanına göndərdik. Ona tam bir insan surətində göründü. (Məryəm) dedi: "Mən səndən Rəhmana pənah aparıram. Əgər müttəqisənsə (mənə toxunma)!" (Cəbrail) "Mən sənə ancaq tərtəmiz bir oğlan uşağı bağışlamaq üçün Rəbbinin (lütf edib göndərdiyi) elçisiyəm!" - dedi. (Məryəm) dedi: "Mənim necə oğlum ola bilər ki, mənə indiyədək bir insan əli belə toxunmamışdır. Mən zinakar da deyiləm". (Cəbrail) dedi: "Elədir, lakin Rəbbin buyurdu ki, bu, Mənim üçün asandır. Biz onu insanlar üçün bir möcüzə, dərgahımızdan bir mərhəmət olaraq edəcəyik. Bu, əzəldən təqdir olunmuş bir hökmdür!" Məryəm artıq hamilə oldu və onunla birlikdə uzaq bir yerə çəkildi. Doğuş sancısı onu bir xurma ağacının gövdəsinə söykənməyə məcbur etdi. Dedi: "Kaş ki mən bundan əvvəl ölüb qurtaraydım və ya tamamilə unudulub getmiş olaydım!" Dərhal (Cəbraildən) ağacın alt tərəfindən ona belə bir nida gəldi: "Kədərlənmə, Rəbbin sənin üçün (ayağının) altından bir irmaq axıtdı. Xurma ağacını özünə tərəf silkələ, üstünə təzə yetişmiş (xurma) tökülsün! Ye-iç, gözün aydın olsun, əgər bir adam görəcək olsan, belə de: "Mən Rəhman üçün oruc (sükut orucu) tutmağı nəzir eləmişəm, ona görə də bu gün heç kəslə danışmayacağam!" (Məryəm) uşağı götürüb öz adamlarının yanına gəldi. Onlar dedilər: "Ey Məryəm! Sən çox çirkin bir iş gördün! Ey Harunun bacısı! Atan pis kişi, anan da zinakar deyildi!" (Məryəm: "özü ilə danışın" - deyə
ona işarə etdi. Onlar: "Beşikdə olan uşaqla necə danışaq?" -dedilər. Körpə dilə gəlib dedi: "Mən, həqiqətən, Allahın quluyam. O, mənə kitab (İncil) verdi, özümü də peyğəmbər etdi. O, harada oluramsa olum, məni mübarək etdi və mənə diri olduqca namaz qılıb zəkat verməyi tövsiyə buyurdu. O həmçinin məni anama qarşı olduqca itaətkar (nəvazişkar) etdi, zülmkar, asi eləmədi! Doğulduğum gün də, öləcəyim gün də, diri olaraq qaldırılacağım gün də (Allahdan) mənə salam olsun!" Barəsində şəkk-şübhə etdikləri haqq sözə görə Məryəm oğlu İsa budur" (Məryəm, 19/16-34).
Uca Rəbbimiz "ət-Təhrim" surəsinin 12-ci ayəsində də İmranın qızı Məryəmə öz ruhumuzdan üfurdük" deyərək, həzrət Məryəmin həzrət İsaya necə hamilə qaldığını bizə anlatmışdır.
Həzrət Məryəm Quranda və hədislərdə ən çox mədh olunan qadındır.
Həzrət Məryəm bədəni və ruhi təmizliyinə, özünü Allaha ibadətə həsr etməsinə, namusunu və şərəfini qorumasına görə "Bətül" adlandırılmışdı. Eyni zamanda Bətül, mənəvi mükəmməlliklə birlikdə fiziki gözəlliyi də ifadə etdiyi üçün həzrət Məryəm dövrünün ən gözəl və ən mükəmməl qadını olaraq bilinirdi. Ayəyə görə, Məryəm təmiz bir qadındı (Ali-İmran, 3/42). Sevgili Peyğəmbərimiz bir hədisində buyurmuşdur ki, həzrət Məryəm, həzrət Asya, Fatimə və Xədicə ilə birlikdə cənnət qadınlarının qabaqcıllarıdır. Başqa bir hədisində isə "Dövrünün dünya qadınlarının ən xeyirlisi İmran qızı Məryəm, bu ümmətin qadınlarının ən xeyirlisi isə Xədicədir" deyə buyurmuşdur.
alinti...